Dagblaðið Vísir - DV - 12.07.2003, Blaðsíða 24

24 DV HELCARBLAÐ LAUGARDAGUR \2.JÚU2003
Matur og vín
Umsjónarmenn:
Gunnþóra Gunnarsdóttir,gun@dv.is
Haukur Lárus Hauksson, hlh@dv.is
Spínat
Spínat er einær grænmetistegund sem nú er ræktuð víða um heiminn. Þeir sem þekkja til
myndasöguhetjunnar Stjána bláa vita að úr því fær hann gífurlegan kraft, og þótt sá kraftur
sé eitthvað orðum aukinn er hitt rétt að spínat er auðugt af vítamínum og steinefnum.
Spínat er upprunnið í íran en barst þaðan með Márum til Spánar á 11. eða 12. öld. Það varð
fljótt vinsælt í Evrópu, bæði vegna þess hve suðutími þess er stuttur og hins hve auðvelt er
að matreiða það. Til eru breskar uppskriftir frá 14. öld sem innihalda spínat og sagt er að
Lúðvík 14. Frakkakonungur hafi haft sérstakar mætur á þessari tegund grænmetis. Einnig
munu margir þeirra rétta sem kenndir eru við borgina Flórens á ítalíu innihalda spínat.Á ís-
landi er þess fyrst getið á átjándu öld.
Spínat er borðað hrátt í salötum eða snöggsoðið í smjöri eða saltvatni og notað í ofnrétti
eða jafninga. Það fer vel með margs konar mat.
Kjötbollur með spínatiað
hætti danskra
„Frikadellur með spínatsósu" eru
langvinsælasti rétturinn í kaffistofu
Norræna hússins í Vatnsmýrinni, að
sögn Rakelar Þóru Matthíasdóttur,
forstöðukonu þar.„Þetta er vissulega
ekta danskur réttur en hann virðist
falla fólki af öllum þjóðum vel í geð,"
segir hún. Þóra notar frosið spínat í
sósuna en ferskt eða léttsteikt spínat
segir hún að henti betur í salöt.
Þóra gaf fúslega uppskrift að hinum
dönsku kjötbollum og spínatsósunni. Með
þeim rétti ber hún nýjar kartöflur. En þar
sem kartöflusalat passar líka mjög vel með
kjötbollunum dönsku þá lét hún uppskrift
að slíku öndvegisfæði fylgja með. Hún stakk
líka þeirri hugmynd að blaðamanni að upp-
lagt væri að búa til kjötbollur og kartöflusal-
at til að kippa með sér í útileguna eða þegar
farið væri í bústaðinn.
Frikadellur
300 g svínahakk
2 stórir laukar
4 msk. hveiti
1 egg
2 msk. kálfakraftur
2 msk. steinselja
gróft salt
svartur pipar, grófmulinn
smá-mjólk
Laukurinn er settur í matvinnsluvéi
ásamt steinseljunni. Allt hrært saman í
skál og mótaðar bollur (ca átta úr upp-
skriftinni). Þær eru steiktar upp úr smjöri
í ca 15 mínútur og velt við á þeim tíma.
Spínatsósa
1 poki frosið hakkað spínat
1 peli rjómi
salt og sykur
Allt sett saman í pott og soðið við hægan
eld í 10-15 mínútur eða þar til rjóminn er
soðinn niður þannig að sósan sé hæfilega
þykk. Borið fram með nýjum kartöflum.
Kartöflusalat
1/2 kg kartöflur
1 fínt saxaður laukur
2 epli (jonagold), skorin í litla bita
3 harðsoðin egg
1 búnt graslaukur
50 g majones
1 box sýrður rjómi, 18%
karrí
Frikadellur með
spfnatsósu
Frikadellur með
kartöflusalati
salt
hvítur pipar
smá-sykur
Byrjað er á að
hræra sýrða
rjómann. Þar út
í kemur majo-
nesið og það er
hært vel saman.
Síðan eru kart-
öflurnar, la'ukur-
inn, eplin, eggin
ogkryddið sett út í.
Best er að gera þetta
deginum áður en sal-
atið er borið fram og
borðað.