Ársrit Ræktunarfélags Norðurlands - 01.01.1907, Qupperneq 69

7i
jarðyrkjumenn eiga í hlut, og hve stórt svæði ræktað er. Að
rækta lítinn blett með fóðurrófum verður tiltölulega dýrt, eink-
um ef menn hafa léleg verkfæri, og eru lítt vanir þeim störf-
um. Ræktun stærra svæðis með góðum verkfærum og vönum
mönnum, verður tiltölulega mikið ódýrara. í fyrstu getum vér
því eigi búist við miklum ágóða af fóðurrófnaræktinni. En að
oss geti lœrzt hún og hún orðið oss arðsöm, eins og nágrönnum
vorum, álít eg engum vafa undirorpið og þess vegna ættum
vér sem fyrst að hefjast handa og feta okkur eitthvað áfram
í áttina. Það ættu sem flestir að byrja með smátilraunum,
við það vinst reynsla, og menn læra að meta kosti fóður-
rófnanna, sem eigi er að eins í því fólgin að fá uppskeru,
sem er helmingi auðugri af næringarefnum, en hægt er að fá
af öðrum fóðurjurtum af jafn-stóru svæði. Heldur er hitt og
mikills vert, að vart er hægt að fá eins notadrjúgt fóður, sé
eigi nokkur hluti þess fóðurrófur. Erlendis er talið, að því að
eins sé hægt að fá mikla mjólkurframleiðslu, að rófur séu
notaðar til fóðurs. Englendingar fita sauðfénað mest með
rófnafóðri. Víðast er rófnarækt talin arðmeiri en kornrækt.
Við nýræktun hefir ræktun rófna mikla þýðingu. Þær hjálpa
til að leysa jarðefnin sundur og gera moldina myldnari. Rófur
eiga hægra með að ná næringarefnum úr jarðveginum en flestar
aðrar jurtir. Vaxa bezt í óþurkum, þegar erfiðast gengur með
nýtingu heysins, og eru þá sem sagt ágæt fóðurbót. Að rækta
rófur á nýyrktu landi i — 3 ár væri mjög gott. Þá væri jarð-
vegurinn vel undirbúinn til að sá í hann grasfræi.
Að síðustu set eg hér til fróðleiks og samanburðar yfirlit
yfir kostnað á ræktun fóðurrófna í Danmörku og Noregi.
Danmörk. Eitirfarandi skýrsla er tekin eftir' bók Erhard
Frederiksen (XXIX) sem samin er um 1890. Það er meðaltal
frá 5 stórbýlum í Danmörku þar sem fóðurrófur eru ræktað-
ar í stórum stíl. Kostnaðurinn er reiknaður á vallardagsláttu.
Kr.
Haustvinna............................................ 4.45
Vorvinna.............................................. 5.89
Áburður...............................................30.52
Flyt . . . 40.86