Búnaðarsamband Austurlands - 01.01.1975, Blaðsíða 47

þátttaka en í síðustu sýningum, haustið 1973, en þá voru sýningar
í öllum hreppum og sýndir alls 783 hrútar.
Seinni hluta vetrar fengum við aðstöðu í þremur fjósum á
Fljótsdalshéraði og gerðum þar ýmsar mælingar varðandi mjólkur-
kýr. Verða niðurstöður birtar í heild síðar.
Um miðjan febrúar sat ég hina árlegu ráðunautaráðstefnu Bún-
aðarfélags Islands og Rannsóknarstofnunar landbúnaðarins. Efni
ráðstefnunnar var að þessu sinni mjög fjölbreytt og fróðlegt að
vanda. í vor hef ég mætt á búnaðarfélagsfundi eins og ég hef haft
tök á.
Af öðrum störfum mætti nefna að á árinu hef ég unnið nokkuð
að gagnasöfnun vegna útgáfu á bókinni „Sveitir og jarðir í Múla-
þingi” og nokkur tími fór í dreifingu á II. bindi bókarinnar sem
út kom um áramót. Þá hef ég aðstoðað Pál við kálfatilraunina, hafði
lítilsháttar afskipti af rúningsnámskeiðum sem haldin voru á svæð-
inu í vetur og af lokræsaplóg sem var á ferðinni sl. sumar.
Auk þessa hef ég sinnt almennum leiðbeiningarstörfum eins og
kostur er, en æskilegt væri að hægt væri að sinna þeim meira en
nú er.
Að lokum vil ég þakka stjórn, samstarfsmönnum og bændafólki
öllu samskiptin á árinu.
51