Búnaðarsamband Austurlands - 01.01.1975, Blaðsíða 94

þéttbýlisbúskap og fjárbúskap þeirra, sem önnur störf stunda og tók
til dæmis fundarritara þessa fundar, kvað honum nær að stunda,
garðrækt, minnkarækt eða fiskirækt.
Jón Hrólfsson kvað kvótakerfið óframkvæmanleg't í sauðfjárbú-
skap. Lausnin liggi í minnkandi notkun fóðurbætis, sem þyrfti að
skammta. Jón taldi heysöilu til annarra landa eiga framtíð fyrir sér
og taldi hana betri kost en aukabúgreinar.
Páll Sigbjörnsson fagnaði framsöguræðu Sveins Guðmundssonai'
og taldi hana orð í tíma töluð. Hann kvaðst vera á móti styrk til
grænfóðurræktar og vera á móti stórum búeiningum.
Ingimar Jónsson kvaðst hafa skipt um skoðun og vera nú fylgjandi
fóðurbætisskatti. Hluta þess sem inn kæmi í fóðurbætisskatti ætti
svo að nota til þess að bæta heyverkun í landinu. Hann vildi láta
greiða a.m.k. h'uta útflutningsbóta beint til bænda.
Jón Sigurðsson tók undir orð Jóns Hrólfssonar um að skammta
kjarnfóður en vildi taka mjög verulegan skatt af umfram notkun.
Jón minntist á hrörnandi þjónustu ráðunauta, sem hann hefði ekki
séð síðan Páll Sigbjörnsson hvarf frá búnaðarsambandinu.
Jón ræddi um fiskirækt á vatnasvæði Lagarfljóts. Forsenda allrar
framtíðar í þessum efnum væri bundin þvi að breyta rennsli Jökuls-
ár í Fljótsdal og beina henni niður í Hamarsdal eða Jökuldal. Taldi
Jón þessu allt til framdráttar og endaði ræðu sína með orðunum
„Jökulsá verður að fara”.
Jón Hrólfsson kvaðst ekki finna lög B.S.A. yngri en frá 1950.
Öskaði hann eftir að stjórnin yfirfæri lögin og léti prenta og hefði
til reiðu búnaðarfélögum og öðrum, sem þau vilja kynna sér. Þá bar
Jón fram tillögu í kvennamálunum svokölluðu og talaði fyrir henni.
Upplýst var að núgildandi lög B.S.A. yrðu prentuð í 4. bindi
Búkollu.
Páll Sigbjörnsson drap á starfssvið sitt og jarðræktartilraunir á
Skriðuklaustri, sem hann kvað varða bændur, og samtök þeirra
þyrftu því að eiga mun meiri þátt í stjórnun tilraunastarfseminnar.
Þá minnti Páll á hve lítill sómi er sýndur þeim stofni að byggða-
safni, sem til húsa er á Skriðuklaustri.
Sigurður Guttornisson vildi byrja aðalfund að morgni og þá helst
um helgi. Myndu þeir verða betur sóttir og minna um næturgauf en
98