Búnaðarsamband Austurlands - 01.01.1975, Blaðsíða 89
Keldum er kominn vísir að slíku og lofar góðu. Sem formaður Dýra-
læknafélag íslands færði Jón austfirskum bændum þakkir fyrir
þann skilning á störfum dýralækna, sem kom fram í því, að á 20
árum hefur tala þeirra á Austurlandi fjórfaldast. Enn mætti þó
vinna að fjölgun þeirra, því að maður hóflega störfum hlaðinn,
skilar betra verki, en annar, sem aldrei sér fram úr verkefninu. Gat
hann um I þessu sambandi, að hundahreinsun, sem er vandaverk,
þyrfti að vera í höndum dýralækna. Þakkaði Jón svo að lokum sam-
starfið við bændur.
Benedikt Sigfússon þakkaði mál dýralækna og harmaði örlög sinna
stærstu einlembinga, sem drepist hefðu 2-3 vikna gamlir.
Sigurjón Friðriks on þakkaði fróðleg erindi dýralækna. Ræddi um
varnir gegn riðu, einnig um alhliða bóluefni gegn túnveiki og lamba-
blóðsótt, hvatti hann til að frá fundinum fari ályktun þar að lútandi.
Ennfremur ræddi Sigurjón um fjölgun og tilfærslu dýralækna á
Austurlandi, með því að fá annan dýralækni til Egilsstaða og flutn-
ing dýralæknis á I-órshöfn til Vopnafjarðar, en bæta síðan við dýra-
lækni á Húsavík.
Þórður Pálsson óskaði eindregið eftir fjölvirkum lyfjum, sem
spöruðu vinnu og minnkuðu sýkingarhættu.
Sigurjón Ingvarsson taldi farsælla að hætta að beita túnin á vorin
og offóðra féð á veturna, heldur en að fjölga dýralæknum.
Sigurður Guttormsson minnti á að bændur þurfa að fara vel eftir
ráðleggingum dýralækna og hafa samband við þá ef vart verður
sjúkdóms, sem menn kannast ekki við. Þá vill hann að þessi fundur
láti ekkert frá sér fara í sambandi við þessi mál nema í samráði við
dýralækr.ana.
Gísli Björgvinsson kom í pontu og lýsti ánægju sinni með hinn
ágæta dýralækni sem situr á Breiðdalsvík.
Fudarstjóri fór þess á leit við dýralækna að þeir störfuðu með
nefndum, sem fjalla mundu um þessi mál. Jón Pétursson svaraði því,
er til hans var beint, og áréttaði að lokum þakkir sínar tii sam-
starfsmanna sinna á Austurlandi og skilning bænda á mikilvægi
dýralæknisstarfsins.
93