Búnaðarsamband Austurlands - 01.01.1975, Blaðsíða 87
regíugerð varðandí varnír gegn búfjársjúkdómum frá 1957 og banna
allan fjárflutning frá sýktum svæðum ásamt fleiru. Bað hann menn
að koma fram með fyrirspurnir og myndi hann þá reyna að svara
þeim á eftir.
Páll Sigbjörnsson þakkaði erindi dýralæknisins. Ræddi hann um
þá spurningu á hvern hátt veikin getur borist, ennfremur hvers-
vegna veikin hefur færst svo í vöxt hér á undanförnum árum, taldi
hann ástæðu til að óttast heyflutninga frá sýktum svæðum.
Guðjón Hermannsson ræddi feril riðuveikinnar, kvað hann smit-
feril veikinnar nær óskiljanlegan.
Örn Þorleifsson óttaðist afleiðingar veikinnar sem aðrir. Nú er
riðan komin upp á Brú í Jökuldal. Örn kvaðst hafa það úr erlendum
gögnum að mýs flyttu veikina, en vísindamenn á Keldum hefðu ekki
getað veitt neinar upplýsigar um smitleiðir hennar.
Benedikt Sigfússon óskaði eftir að dýralæknar og B.S.A. kynntu
bændum málið.
Jón Hrólfsson spurði, hvort hægt myndi að rækta upp ónæmi i fé
fyrir veikinni, ennfremur spurði hann á hvern hátt sveitarfélög gætu
snúist gegn veikinni.
Aðalsteinn Jónsson bar fram fyrirspurn til dýralækna um, hvort
Lagarfljót og Jökulsá á Brú séu taldar nægar varnarlínur, ef brún-
um sé lokað.
Ingimar Jónsson spurði um, hvort veikin gæti borist með naut-
gripum og heyi.
Bragi Vagnsson spurði, hvort ekki væri varasamt að láta fé bera
úti, þar sem svo hrafn og hundar bæru hildir víða en smitið væri
talið mest á vorin.
Sigurður Bóasson undraðist hvað lítið er vitað og gert til varnar
þessum sjúkdómi, taldi hann Jón Pétursson dýralækni ekki taka
nægilega hart á þessum málum og kom með dæmi úr sinni sveit.
Vildi hann hafa tvo eftirlitsmenn í hverri sveit, sem færu um með
vissu millibili og fjarlægðu allar veikar kindur.
Sigurjón Ingvarsson upplýsti um verulegan samgang fjár af Hér-
aði og úr Borgarfirði, m.a. í Loðmundarfirði. Taldi hann mál mál-
anna að finn upp bóluefni við riðunni. Miklar líkur væru á að riðan
91