Búnaðarsamband Austurlands - 01.01.1975, Blaðsíða 99
Ennfremur skorar fundurinn á landbúnaðarráðherra, að hann
hlutist til um endurskoðun á reglugerð um varnaraðgerðir gegn
riðuveiki, þar sem núverandi reglugerð er allsendis ófullnægjandi.”
— Tillagan samþykkt samhljóða.
IV. „Fundurinn vísar þeirri ályktun til yfirdýralæknis, að hann
hlutist til um að leyfður verði innflutningur á fjölvirku bóluefni
gegn eftirtöldum sauðfjársjúkdómum: túnveiki, bráðapest og
sjúkdómum skyldum þeim, svo og stífkrampa meðan slíkt bólu-
efni er ekki framleitt hér innan lands. Mikið hagræði er að því
fyrir bændur, að hindra þannig marga sjúkdóma samtímis með
einni bólusetningu árlega.” — Samþykkt samhljóða.
15. Álit fjárhagsnefndar.
Ólafur Eggertsson hafði orð fyrir nefndinni.
I. „Fundurinn samþykkir að verða við eftirfarandi fjárbeiðni Jóns
Péturssonar dýralækis:
„Hér með fer unrirritaður fram á, að fá styrk til júgurbólgu-
rannsókna kr. 150 til 200 þúsundir.
Fé þetta hyggst undirritaður nota til kaupa á efni og lyfjum
til rannsókna, svo og til sendinga með flugvél til Reykjavíkur og
síðast en ekki síst fyrir aðkeypta vinnu við gerlarannsókn og
mótstöðuprófanir, sem þurfa að framkvæmast suður í Reykjavík.
Sjái nefndin og aðalfundurinn sér fært að verða við þessari bón,
lofast undirritaður til að senda aðalfundi B.S.A. niðurstöður rann-
sóknanna.” — Samþykkt samhljóða.
II. „Aðalfundur B.S.A. samþykkir, að stjórnin geri gagngerða at-
hugun á kaupum og starfrækslu flekamóta á sambandssvæðinu.
Niðurstöðurnar skal svo leggja fyrir næsta aðalfund.” — Sam-
þykkt stmhljóða.
III. „Aðalfundurinn samþykkir, að árgjöld til sambandsins skuli
vera með svofelldum hætti:
a. Einstaklingar, sem eru fullgildir félagar í búnaðarfélögum
greiði eitt gjald.
b. Hjón eða sambýlisfólk greiði eitt gjald.
103