Árbók Landsbókasafns Íslands - Nýr flokkur - 01.01.1993, Blaðsíða 85

BRÉF TIL BJARNA ÞORSTEINSSONAR
85
vor, og Friðrik Bjarnason Thorarensen úr 3ja bekk. Hætt liggja nú
2, Þorvaldur Stefánsson nýsveinn og Sigurður Helgason frá Vogi á
Mýrum, er eg hræddari um þann síðara. Apótekari Möller dó úr
sömu sótt í fyrradag. Allir kennarar heilir heilsu enn. - Fyrirgefið,
besti herra konferensráð, þessa málalenging, og leyfið mér að
undirskrifa mig
yðar hávelborinheita
einlægan elskandi vin
S:Egilsson
Utanáskrift: Hávelbornum/ herra konferensráði B. Thorstensen/ R.a.D./ á/
Stapa.
Undir dagsetningu stendur: Sv. 15. apr.
Skýringar: Áma: Árni Thorsteinson; nihil invita Minerva: ekkert að óathuguðu
máli.
Reykjavík þ. V.júlí 1847.
Hávelborni herra konferenzráð!
Næst því að þakka yður síðast meðtekið góða bréf, er nú ekki á
annað að minnast í þessu annríki en að Árni fer nú með vitnisburð
sinn frá skólanum; hann hefir staðið sig eins og eg hugsaði. En
hver, sem stendur, gæti þess, að hann ekki falli. Árni getur staðið,
þó hann sé enn nokkuð veikur, ef hann leggur sitt til, og til þess er
hann skyldugur. Því ekki kalla eg það annað en sjálfskaparvíti, að
margir yngri menn fara nú svo hraparlega, öðrum til hneisu, en
má vera sjálfum þeim til gamans. Eg kemst ekki til að skrifa lengra,
því eg er kominn í skömm með allt. Kona, börn og hjú fluttu
hingað til mín síðasta maí.
Með mestu virðingu og innilegri
elsku er eg alla tíma yðar
S:Egilsson
Utanáskrift: Hávelbornum/ herra konferenzráði amtm. Thorsteinson/ riddara
af Dannebroge/ á/ Stapa.
Undir dagsetningu stendur: Sv. 25. s.m.