Árbók Landsbókasafns Íslands - Nýr flokkur - 01.01.1993, Blaðsíða 89

LANDSBÓKASAFNIÐ 1992
89
Jónína J. Jónsdóttir, Reykjavík, ekkja Kristins Ólafssonar lög-
fræðings, afhenti ýmis kvæðahandrit Arnar Arnarsonar (Magnús-
ar Stefánssonar), en Magnús hafði beðið Kristin, mikinn vin sinn,
að varðveita þessi gögn eftir sinn dag.
Eva Ragnarsdóttir afhenti bréfasafn föður síns, Ragnars Ás-
geirssonar garðyrkjuráðunautar. Eru þar m.a. bréf nokkurra
merkra listamanna.
Kristján Sigtryggsson kennari færði handritadeild nótnabók afa
síns, sr. Kristins Guðlaugssonar á Núpi.
Sigfús Daðason færði safninu möppur með vélritum og handrit-
um Kristins E. Andréssonar til viðbótar gögnum, er hann afhenti
árið áður.
Kristín Zoéga afhenti nokkrar skissur af jólamerkjum Thor-
valdsensfélagsins.
Dr. Aðalgeir Kristjánsson afhenti uppskriftir ýmissa bréfa,
varðveittra í erlendum söfnum.
Dr. Þorleifur Jónsson afhenti tvær elztu fundargerðabækur
„Félags Árneshreppsbúa“.
Hann afhenti og síðar fyrir hönd Háskólabókasafns „Iceland:
World War Two Journal 1942-43 by George Ross Wren, Saint
Louis, Missouri, U.S.A. 16. september 1992.“
Skarphéðinn Steinarsson afhenti með vitund annarra ættingja
handritasafn afa síns, sr. Árelíusar Níelssonar. Voru þar í ræðu-
safn hans og nokkrar bækur, en von er á bréfasafni síðar.
Kristinn Gíslason afhenti nokkur gögn Jakobs H. Líndals fræði-
manns og bónda á Lækjamóti í Víðidal, fyrir hönd barna hans
Margrétar og Baldurs. Hér er um að ræða dagbækur hans með
jarðfræðiathugunum innbundnar í þrjár bækur og tvær kompur
að auki. Á lausum blöðum handrit greina og einnar skýrslu.
Borghild Jónsson hjúkrunarkona, Kópavogi, ekkja Björns Jóns-
sonar skólastjóra í Vík, afhenti nokkur gögn hans, mest kveðskap,
en einnig nokkur bréf.
Þessi gögn koma til viðbótar handritum, er hún afhenti í maí
1981.
Sigurlaug Gunnlaugsdóttir afhenti í einum kassa gögn Fylking-
arinnar til viðbótar þeim gögnum, er hún afhenti 16. des. 1991.
Heyrt og munað eftir Guðmund Eyjólfsson frá Þvottá. Vélritað
handrit Einars Braga eftir frumriti höfundar og þriðja próförk
þess. Eggert sonur Guðmundar afhenti.