Frjáls verslun - 01.08.1973, Blaðsíða 59

Sauðarkrókur:
Vítt starfssvið Kaupfélags Skagfirðinga
Helgi Rafn Traustason, kaupfélagsstjóri Kaupfélags Skagfirð-
inga á Sauðárkróki.
Heildarvelta Kaupfélags
Skagfirðinga var á síðasta ári
709,5 milljónir króna, og er
þá meðtalin velta í öllum þeim
fjölmörgu deildum og fyrir-
tækjum sem kaupfélagið rek-
ur eða á itök í. Það voru alls
730 manns sem þar þágu laun
á árinu en fastir starfsmenn þess
voru árið 1972 145 talsins. Heild-
arlaunagreiðslur námu um 100
milljónum króna að meðtöidum
launasköttum. Þessar og eftir-
farandi upplýsingar komu fram
í viðtali FV við Helga Rafn
Traustason kaupfélagsstjóra
Kaupfélags Skagfirðinga.
Kaupfélag Skagfirðinga rek-
ur verzlun í Varmahlíð, sem nú
er verið að stækka og einnig
á Hofsósi auk 2ja kjörbúða á
Sauðárkróki. Þar rekur það einn
ig mjólkursamlag, sláturhús og
kjötvinnslu, vefnaðarvöruverzl-
un, byggingavöruverzlun, vara-
hlutaverzlun, bifreiðaverkslæði,
vélaverkstæði, smurstöð, tré-
smíðaverkstæði og fóðurblönd-
unarstöð og hefur á hendi skipa-
afgreiðslu fyrir öll kaupskip
sem til Sauðárkróks og Hofsós
koma. Þá er kaupfélagið hlut-
hafi í Útgerðarfélagi Skagfirð-
inga á Sauðárkróki svo og í
Steypustöð Skagafjarðar sem
stofnuð var á síðasta ári og er
að sögn Helga Rafns nú all vel
búin tækjum. .
FL AGGSAUM ASTOF A
Á HOFSÓSI.
Á síðasta ári stofnaði Kaup-
félag Skagfirðinga ásamt Heklu
á Akureyri, flaggsaumastofu á
Hofsósi, sem nú mun vera
eina flaggsaumastofan á land-
inu. Vélakostur saumastofunnar
er frá Heklu. Sagði kaupfélags-
stjóri að þar væri töluvert að
gera og fyrirsjáanlegt að svo
yrði áfram, a. m. k. fram að
næstu þjóðhátíð. Hann sagði það
þó hafa nokkuð hamlað starf-
seminni að illa hefur gengið að
afla bómullarþráðar í fánana, en
hann er að öllu leyti unninn, of-
inn og litaður hjá Gefjun á Ak-
ureyri, sem einnig sér um inn-
flutninginn. Á saumastofunni
vinna yfirleitt um 10—12 stúlk-
ur.
Af þeim 709,5 milljónum,
sem var velta fyrirtækisins
á síðasta ári komu 56V2 milljón
frá Fiskiðju Sauðárkróks sem
rekin er af kaupfélaginu. Þar
er starfrækt fiskverkun og
frystihús. 344 milljónir voru
velta í sölu á vörum og þjónustu
og 309 milljónir sala á innlend-
um afurðum. Félagsmenn í
kaupfélaginu eru nú 1356, en
þeir ásamt fjölskyldum þeirra
eru alls 3119 manns en ibúatala
sýslunnar var 1. des. síðastlið-
inn 4040 manns.
MJÓLKURAFURÐIR
SELDAR ÚR LANDI.
Kaupfélag Skagfirðinga tók á
síðasta ári við 8 milljónum og
200 þúsund kílóum af mjólk
og að sögn kaupfélagsstjór-
ans var aðeins um 10% þess
mjólkurmagns notað sem
neyzlumjólk. Úr hinum 90% eru
unnar mjólkurafurðir, sem á síð-
asta ári urðu 147 tonn af smjöri,
457 tonn af osti og 42 tonn af
kaseini, sem notað er til efna-
gerðar og er aðallega selt úr
landi. Kaupfélag Skagfirðinga
seldi á síðasta ári 370 tonn af
mjólkurafurðum til annarra
landa, aðallega osta og kasein.
Þau lönd, sem keyptu eru:
Bandaríkin, Færeyjar, Svíþjóð,
Danmörk, England og Tékkósló-
vakía. Kaupfélagið greiddi
bændum 263.1 milljón á síð-
asta ári fyrir landbúnaðarafurð-
ir.
NÝTTSLÁTURHÚS
OG FRYSTIHÚS.
í haust verður tekið í notkun
nýtt sláturhús á Sauðárkróki,
sem verið er að ljúka við bygg-
ingu á. Þetta er 27500 rúmmetra
hús á tveimur hæðum og byggt
samkvæmt ströngustu kröfum
sem þekkjast í dag og verður
í því unnið af færiböndum. Slát-
urhúsið stendur á sömu lóð og
eldra sláturhúsið var, sem nú
hefur verið brotið niður. Af-
kastageta þessa nýja húss er
3000 kindur á dag og í við-
byggingu verður stórgripum
lógað. í sambandi við slát-
urhúsið verður einnig tekin
í notkun ný rétt við húsið,
þar sem hægt verður að rétta
3000 fjár í einu og frystihúsið
hefur verið stækkað til að mæta
þessari auknu afkastagetu.
FV 8 1973
59