Frjáls verslun - 01.08.1973, Page 60

Siglufjörður:
Atvinnulíf í
blóma á Siglufirði
Stefán Friðbjarnarson, bœjaxsljóri á Siglufirði.
Það er hugur í Siglfirðingum
um þessar mundir því segja má
að þar séu fjögur ný atvinnu-
tæki að komast á laggirn-
ar. Er þar fyrst að nefna skut-
togarann Stáivík sem um þess-
ar mundir er að hefja veiðar og
annan skuttogara sem Siglfirð-
ingar eiga í smiðum á Spáni og
er væntanlegur hingað upp úr
áramótunum næstu. Báðir eru
þeir eign Þormóðs ramma h. f.
Þá er að sögn Stefáns Frið-
bjarnarsonar bæjarstjóra á
Siglufirði verið að hefjast handa
við byggingu nýs frystihúss og
fiskiðjuvers, sem Þormóður
rammi h. f. verður eigandi að.
Það fyrirtæki er hlutafélag og
er bæjarsjóður stærsti hluthaf-
inn. í þessu nýja fiskiðjuveri
verður fiskurinn unninn og
frystur og einnig verkaður í salt.
Húsið mun standa á lóð þeirri
sem síldarvinnslustöðin Rauðka
stóð á áður, en nú er verið að
rífa hús þau er hún hafði til af-
nota. Gert er ráð fyrir að fyrsti
áfangi hins nýja húss rísi nú í
sumar.
FRAMLEIÐA EININGAHÚS
ÚR TIMBRI.
Þá er um það bil að taka til
starfa á Siglufirði fyrirtæki sem
nefnist Húseiningar h. f. Það er
einkafyrirtæki sem framleiða
mun íbúðarhús úr timbri í ein-
ingum. Það á að starfa í hluta
húsakynna Tunnuverksmiðju
ríkisins og er nú verið að taka
á móti vélakosti til framleiðsl-
unnar og koma honum fyrir og
fyrstu efnispantanir eru á leið-
inni. Að sögn Stefáns ætti þetta
að geta orðið mikil lyftistöng
fyrir atvinnulífið í bænum, því
þarna munu starfa milli 20 og
30 manns til að byrja með. For-
ráðamenn Húseininga h. f. eiga
nú samningaviðræður við Við-
lagasjóð og fleiri aðila um kaup
á þessum húsum, sem gert er
ráð fyrir að verði 30% ódýrari
en steinsteypt hús af sömu
stærð.
Siglfirðingar hafa nú um
skeið gert út einn 400 lesta skut-
togara, Dagnýju SI 70, og land-
aði hann 1500 1. af slægðum
fiski á Siglufirði frá 1. jan.—1.
júlí s.l. 20 þilfarsbátar eru gerð-
ir út þaðan og hefur þeim fjölg-
að mikið á síðustu 2 árum en
auk þeirra munu vera um 30
litlir opnir vélbátar í kaupstaðn-
um. Þar eru starfrækt 2 frysti-
hús, Þormóður rammi h. f. sem
áður var nefnt og ísafold h. f.
Einnig 9 saltfiskverkunarstöðv-
ar sem eru í einkaeign og vinna
að miklum hluta fisk úr eigin
bátum.
Af öðrum iðngreinum má
nefna saumastofuna Salína, sem
tók til starfa fyrir um það bil
einu og hálfu ári. Þar vinna um
20 stúlkur við sauma á fatnaði
til útflutnings fyrir Álafoss h. f.
FÓLKSFÆKKUNIN
STÖÐVAST.
Á Siglufirði búa nú um tvö
þúsund manns, og að sögn Stef-
áns hefur þar verið hæg fólks-
fækkun allt frá árinu 1948, en
allt bendir nú til að sú fækkun
sá stöðvuð í bili. Til marks um
það má nefna að verð á íbúðar-
húsnæði á Siglufirði hefur
hækkað að undanförnu. Þar eru
nú í smíðum 9 einbýlishús sem
telja má geysimikið, miðað við
það að á síðastliðnum 15 árum
hafa aðeins verið byggð þar 6
hús.
Síldarverksmiðjur ríkisins
starfrækja nú á Siglufirði þjón-
ustuverksmiðju fyrir fisk-
vinnslustöðvar sínar og annarra
víðs vegar um landið. Engin síld
er lengur unnin í þessum gamla
síldarbæ, utan Sigló-síldar og
sökum verkefnaskorts er engin
vinna hjá Tunnuverksmiðju rík-
isins á staðnum.
60
FV 8 1973