Frjáls verslun - 01.03.1976, Blaðsíða 85
Esjuberg:
IMý og fullkomin veitingastofa
- bætir úr brýnni þörf
Borðvín
eru
borin
fram með
hádegis-
og kvöld-
matnum
að Esju-
bergi.
Ný veitingastofa var opn’uð
á fyrstu hæð Hótels Esju í
Reykjavík í haust. Þessi nýja
veitingastofa, sem hlotið hefur
nafnið Esjuberg er með sniði
caféteríu og bætir úr brýnni
þörf. Gestir Hótel Esju, sem eru
264 þegar gistirými er fullskip-
að, hafa fram að þessu haft að-
gang að veitingastofu á 9. hæð
hótelsins, sem aðeins rúmaði
58 manns í sæti. Veitingastofan
Esjuberg hefur hins vegar sæti
fyrir 248 gesti. Steindór Ólafs-
son, sölustjóri hótelsins svaraði
nokkrum spurningum F.V. um
rekstur hins nýja veitingasalar.
Nýtt og fullkomið eldhús var
tekið í notkun við opnun Esju-
bergs, en slíkt hafði ekki áður
verið fyrir hendi. Áður hafði
verið allgóð aðstaða til frum-
vinnslu matvæla í kjallara
hússinis og að auki 'þrjú lítil
eldhús með ófullkomnum
tækjakosti.
Esjuberg er 404 m- að gólf-
fleti, en eldhús er 154 m2. Öll
tæki í eldhúsi og veitingastofu
eru ný. Tæki í eldhúsi, svo sem
eldunartæki, kæliskápar og
uppþvottavélar eru fengin frá
Bandaríkjunum og Svíþjóð, en
að öðru leyti er veitingastofan
unnin af íslenskum iðnaðar-
mönnum. Sagði Steindór, að af-
greiðslu væri þannág háttað, að
gestir væru afgreiddir við langt
afgreiðsluborð og er afgreitt
frá báðum endum. Um sömu
rétti er að ræða í báðum íilfell-
unum.
Að Esjubergi er mikið úrval
rétta, allt frá bestu steikum til
ódýrra smárétta. Áhersla er
lögð á fljóta afgreiðslu. Fyrir
gesti hótel Esju og aðra, sem
þangað koma verður um stór-
breytingu að ræða, því að á-
ætlað er að 9. hæð hótelsins
verði nýtt til minni fundar-
halda, síðdegisdrykkju, brúð-
kaupsveislna og fermingar-
veislna o.fl.
Steindór sagði, að reynslan
af nýju veitingastofunni væri
mjög góð. Þangað koma ekki
aðeins hótelgestir, heldur einn-
ig starfsmenn fyrirtækja í ná-
grenninu, fjölskyldur og fjöl-
margir aðrir. Mikið er um það
að fjölskyldur fái sér að borða
á sunnudögum og fá börnin þá
hálfa skammta á hálfu verði.
Hótel Esja hefur vínveitinga-
leyfi og á Esjubergi eru borin
fram borðvín með matnum. í
hádeginu og á kvöldin kemur
þjónn sem býður þeim sem á-
huga hafa á vín með matnum.
Eingöngu eru á boðstólum
rauðvín, hvítvín og rósavín,
sterk vín og önnur létt vín eru
ekki á borðum. Sagði Steindór,
að forráðamenn hótelsins teldu
þetta nauðsynlega þjónustu
ekki síst vegna erlendu gest-
anna á sumrin, þar sem víða er-
lendis eru borðvín sjálfsagður
hlutur með mat.
Teiknistofan Ármúla 6 gerði
teikningar að innréttingu Esju-
bergs og eldhússins. Inn-
kaupadeild Flugleiða sá um
innkaup í samráði við hótel-
stjóra Hótel Loftleiða og Esju,
Erling Asperlund. Umsjón með
framkvæmdum af hálfu hótels-
ins höfðu Hafsteinn Vilhelms-
son, aðstoðarhótelstjóri á Esju
og Steindór Ólafsson. Af 64
manna starfsliði hótelsins
starfa 33 við veitingastofuna
Esjuberg.
Féikilega mikið af pöntunum
hafa verið bókaðar fyrir sum-
arið og verða gestir hótelsins
aðallega hópar frá meginlandi
Evrópu. Sagði Steindór að lok-
um, að alltaf væri verið að
lengja gistitímann og þykir
sýnt, að aðalgistitíminn verði
frá apríl—september í ár og
þannig hefur tekist að lengja
sumartímann hvað gistingu
snertir um tvo mánuði.
FV 3 1976
85