Frjáls verslun - 01.07.1978, Page 24

fyrirtæki í byggingariðnaði starfa á
heimavelli þó að þau taki að sér
verk erlendis ef um það er beðið.
Fyrirtæki í stíflugerö og áveitu-
framkvæmdum eða vegagerð eru
hins vegar önnum kafin í öllum
heimshornum við að grafa nýja
skipaskurði, byggja hafnir, áveitu-
kerfi, flugvelli og vegi.
Skipaútgerð
Augljóslega hefur lega Hollands
svo miðsvæðis í V.-Evrópu og löng
verzlunarhefð gert Hollendinga að
forystuþjóð í skipaútgerð og sam-
göngum á sjó. Kaupskipaflotinn er
um 5 milljón brúttótonn og er hinn
14. í röðinni af flotum helztu sigl-
ingaþjóða. Eftir heimsstyrjöldina
hafa risið upp fjölmörg skipafélög,
sem stunda áætlunarferðir um öll
heimsins höf. Farmskip eru um
51% af hollenzka kaupskipaflot-
anum en tankskip til flutninga á
olíu og gasi eru 49%. Er þá miðað
við tonnafjölda. Rotterdam og
Amsterdam, sem eru stærstu
hafnarborgir í Hollandi, eru mikil-
vægar umskiþunarhafnir fyrir vör-
ur, sem berast eiga til Mið-Evrópu
eða eru sendar þaðan lengra út í
heim. Til Rotterdam komu í fyrra
32 þúsund skip, samtals um 183
milljón tonn að stærð. Fyrir 50 ár-
um voru skipin, sem til hafnarinnar
komu 15 þús. og samtals 25 þús.
brúttótonn. Rotterdam er nú
stærsta höfn í heimi. Það er opin
leið úr höfninni út í Norðursjóinn
Amsterdam, höfuðborg Hollands. I landinu búa nærri 14 milljónir manna, sem njóta llfskjara á borð við
það bezta, sem þekkist. Þjóðartekjur eru um 233 milljarðar gyllina. Verkamaður hefur um 26.000 gyllini
í árslaun en gengið á hverju gylllni er 120 kr., þegar þetta er skrlfað. Kennarar myndu hafa 36 þús. gyllini
í árslaun og forstöðumenn fyrirtækja 70— 80 þús. Af launum sínum þarf kennarinn að greiða um 35% í
opinber gjöld. Húsaleiga kostar frá 200 gyllinum á mánuði og upp í 1200 fyrir 5 herbergja íbúð, en
nauðsynjavörur fyrir fjögurra manna fjölskyldu 600— 800 gylllni á mánuði. Ódýrir fjölskyldubílar kosta
10 þús. gyllini og smáíbúðarhús 250— 500 þús. gyllini.
24