Frjáls verslun - 01.07.1978, Blaðsíða 58

damhöfn er boðið upp á allar full-
komnustu tækninýjungar við lest-
un og losun skipa og þar eru
birgðageymslur fyrir alla vöru-
flokka. Málmgrýti er þar geymt í
miklu magni, einnig korn og olía.
Rotterdam er dreifingarmiðstöð
fyrir erlend fyrirtæki, sem eiga við-
skipti við Evrópu. Skip koma
þangað úr öllum áttum, m. a. dag-
lega frá Hong Kong eða Shanghai.
í fyrra fóru 288.1 milljón tonn af
flutningi um höfnina, þar af 148.5
milljón tonn af óunninni olíu. Þrjú
hundruð mismunandi áætlunar-
ferðir eru farnar frá Rotterdam, en
ferðafjöldinn var 13 þús. alls í
fyrra. Af almennri frakt fóru 27.6
milljón tonn um Rotterdam.
Stórar gámamiðstöðvar
Flutningar með gámum námu
9.5 milljón tonnum og voru gám-
arnir alls 816 þúsund, sem losaðir
voru og lestaðir í gámamiðstöðv-
um Rotterdamhafnar, þar af 537
þús. í gámastöðinni Europe Con-
tainerTerminusog 175 þús. íþeirri
næststærstu, Multi Terminals.
Árið 1976 komu 32 þúsund skip
frá meira en 95 löndum til Rotter-
dam og staða Rotterdam sem
flutningamiðstöðvar styrkist stöð-
ugt. Á árabilinu 1950—1975 jókst
flutningamagnið með skipum í
heiminum um 490%, úr 525 milljón
tonnum 1950 í 3100 milljón tonn
1975. Á sama tíma jókst flutningur
um Rotterdam úr 30 milljón tonn-
um 1950 í 273 milljón tonn 1975
eða um 810%. Miklir möguleikar
eru til frekari aukningar í Rotter-
dam og margs konar iðnaður hef-
ur risiö upp í tengslum við höfnina
og leggja borgaryfirvöld áherzlu á
að skapa meiri möguleika á því
sviði.
í samtali okkar við Meyerink vik-
um við að lokum að þeirri gagn-
rýni, sem við heföum orðið varir
við á íslandi, um að oft drægist að
fá vörur sendar heim með skipum
Eimskipafélagsins og hefði þetta
meðal annars komiö fram hjá bíla-
framleiðendum. Hann benti á aö
mest af evrópsku bílunum færi um
höfnina í Antwerpen í Belgíu á leið
til Islands, en hins vegar þekkti
hann vel til þessara mála. Hann
sagði, að framleiöendur sendu
iðulega skeyti til íslands um að
vara væri tilbúin að fara um borð í
skip, t. d. bílar, meöan þ eir væru
enn í verksmiðjunni. Bílafram-
leiðslan hefði yfirleitt gengið á eftir
áætlun hjá evrópskum framleið-
endum að undanförnu. í Rotter-
dam stæðu málin líka stundum
þannig, að þangað kæmu algjör-
lega fyrirvaralaust 60—70 bílar,
sem fara ættu með skipi áfram til
íslands. Fullyrða mætti, að þeir
biðu aldrei meira en hálfan mánuð
eftir flutningi. Ef eitthvað biði að
ráöi væru send sérstök skip til að
hreinsa upp og þannig væru send
skip sérstaklega eftir bílum til Ant-
werpen, ef svo stæði á.
Frá höfninni í Rotterdam.
58