Frjáls verslun - 01.08.1978, Page 6

áfangar
Brynjólfur Sigurðsson, hefur verið settur
hagsýslustjóri við fjárlaga- og hagsýslustofnun
fjármálaráðuneytisins um tveggja og hálfs árs
skeið. Brynjólfur er fæddur 1. maí 1940 á ísa-
firöi. Hann varð stúdent frá Verzlunarskóla ís-
lands 1961, og kandidat úr viðskiptadeild Há-
skóla íslands 1965.
jverzlunarháskólanum íKaupmannahöfn var
Brynjólfur við kennslu- og rannsóknarstörf um
þriggja ára skeið, frá 1965—68. Starfaði hann
síðan fyrir verzlunarmáianefnd á vegum við-
skiptaráöuneytisins í tvö ár, 1968— 70.
Lektor við viðskiptadeild Háskóla íslands
varð hann 1970, og síðar dósent við sömu
deild, unz hann var settur hagsýslustjóri en
Gísli Blöndal, sem gegnt hefur starfi hagsýslu-
stjóra hefur fengið leyfi frá störfum til að hefja
störf við alþjóða gjaldeyrissjóðinn í Washing-
ton.
Brynjólfur sagði, að hann sem hagsýslustjóri
mundi starfa fyrst og fremst að undirbúningi
fjárlaga og vinna að ýmsum athugunum á
starfsemi ríkisstofnana með það fyrir augum að
bæta rekstur þeirra. Tekur Brynjólfur á ný við
dósentstöðu við Háskólann er hann hefur
gegnt störfum hagsýslustjóra í tvö og hálft ár.
Júlíus Sæberg Ólafsson, tók nýlega við
stöðu framkvæmdastjóra hjá Kristjáni Ó.
Skagfjörð hf., eða frá 1. september s. I. Hann
sagði í samtali, að hann sem framkvæmdastjóri
fyrirtækisins hefði umsjón með öllum dagleg-
um rekstri þess, þar með töldum fjármálum,
innkaupum, starfsmannahaldi og sölu svo eitt-
hvað sé nefnt.
Kristján Ó. Skagfjörð hf er fyrirtæki, sem
starfar á mörgum sviöum. Innan þess eru fimm
deildir, matvörudeild og veiðarfæradeild, sem
eru stærstu deildirnar, byggingavörudeild,
tölvudeild og véladeild. Kristján Ó. Skagfjörð
hf. veitir u. þ. b. 60 manns atvinnu.
Júlíus S Ólafsson er fæddur 20. marz 1943 á
ísafirði. Hann lauk stúdentsprófi frá Mennta-
skólanum í Reykjavík 1964 og prófi úr við-
skiptafræðideild Háskóla íslands í maí 1969.
Að loknu háskólanámi hóf Júlíus störf hjá
Félagi íslenzkra stórkaupmanna og Bílgreina-
sambandinu, sem framkvæmdastjóri. Við það
starfaði hann frá 1969—1977, en 1. okt. 1977
tók Júlíus við starfi skrifstofustjóra hjá lön-
lánasjóði, og starfaði þar í tæplega eitt ár, eða
þar til hann tók við framkvæmdastjórastöðu hjá
Kristjáni Ó. Skagfjörð hf.