Frjáls verslun - 01.08.1979, Page 46

samtídarmadur
Hjalti Geir Kristjánsson:
„Helmingur húsgagna-
framleiðslunnar
þarf að fara
á erlendan markað”
— Lagði íslenzkur almenningur áherzlu á að búa
híbýli sín hentugum og smekklegum húsgögnum,
þegar Kristján Siggeirsson hóf verzlun með húsgögn
fyrir sextíu árum eða var það aðeins á færi hinna
efnameiri þá? Hvaða gerðir húsgagna vildi fólk helzt
eignast?
— Hjalti Geir: Fyrir 60 árum voru híbýli manna
miklu minni en nú tíðkast auk þess sem lifnaöarhættir
hafa breytzt. Þannig var t.d. borðstofan aðalíveru-
staður — miðpunktur — heimilisins, og þess vegna
var mikil áherzla lögð á húsgögn þess herbergis.
Eldhús voru minni, skápapláss lítið og að jafnaði ekki
gert ráð fyrir því að matazt væri í eldhúsi. Borðstofu-
húsgögn voru mun viðameiri en í dag. Þær tegundir
húsgagna, sem fólk helzt eignaðist, voru svefnher-
bergishúsgögn og borðstofuh'úsgögn. Sama máli
gegndi um svefnherbergishúsgögn, engir skápar
voru í svefnherbergjum nema þeir sem tilheyrðu hús-
gögnunum. Húsgagnakaup voru mjög almenn og fólk
lagði áherzlu á að búa heimili sín hentugum hús-
gögnum. Á þessum árum var innflutningur húsgagna
frjáls. Mest var keyþt frá Danmörku, Svíþjóð og
Þýzkalandi og i'tengslum við verzlun Kristjáns Sig-
geirssonar var lítið verkstæði til að setja saman hús-
gögn, sem flutt voru inn ósamsett.
— Hvenær hófst eigin húsgagnaframleiðsla Krist-
jáns Siggeirssonar, hvað var verkstæðið stórt fram-
an af og hvaða húsgögn voru smíðuð?
— Hjalti Geir: Strax á fyrstu árum fyrirtækisins hóf
það framleiðslu á húsgögnum, og var verkstæðið í
bakhúsum við Laugaveg 13. Unnu þar 10—15 menn
við húsgagnaframleiðslu. Þær tegundir, sem fram-
leiddar voru, voru ýmsar tegundir af stofuskápum,
kommóðum, grindum fyrir sófasett o.fl., því að
bólstrun var einn þáttur starfseminnar. Einnig var á
Hús Kristjáns Siggeirssonar hf. —
Laugavegur13.