Frjáls verslun - 01.01.1980, Page 6

áfangan
Emil Guðmundsson var nýlega ráðinn
hótelstjóri á Hótel Lottleiöum.
Emil er fæddur hinn 31. júlí 1933 á Akranesi.
Hann hóf snemma störf hjá Loftleiðum. Hinn
fyrsta apríl 1956 réðst hann sem afgreiöslu-
maður til Loftleiða og stuttu síðar var hann
ráðinn í farmiðasölu. Árið 1957 var hann ráðinn
sem vaktstjóri á Reykjavíkurflugvelli og 1960
hóf hann störf sem stöðvarstjóri á Kastrup-
flugvelli og starfaði þar -fram á árið 1966 er
hann kom heim og varð móttökustjóri og síðar
aðstoðarhótelstjóri Hótels Loftleiða. Hinn
fyrsta júlí s.l. varð hann síðan hótelstjóri.
Emil var spurður um nýtingu hótelsins í vetur
og á komandi sumri, — hvort yfirflug Flugleiða
hafi þar ekki áhrif: ,,Það hefur það í vetur, vet-
urnir eru yfirleitt daufir, en það er ákaflega bjart
framundan hjá okkur. Pantanir hafa verið mikl-
ar og við búumst við því að komandi sumar
verði langmesta ráðstefnusumarið sem komið
hefur á Hótel Loftleiðum ''
Emil nefndi nokkur dæmi um þau þing og
ráðstefnur sem fyrirhugað væri að halda í
hótelinu í vor og sumar. Norðurlandaráð verður
með fundi í mars, alþjóölegt námskeið leið-
sögumanna verður haldið í apríl, samnorrænt
fóstrunámskeið í apríl, þing lyfjaframleiðenda
verður í maí, barnalæknar á Norðurlöndum
þinga, norrænir veðurfræðingar, norrænir
taugalæknar og svo mætti lengi áfram telja.
Emil nefndi það að síðan 1967, þegar fyrst var
farið að halda þing á Loftleiðahótelinu, hefði
aldrei orðið svona mikil aukning. Það væri því
bjart framundan, alla vega fram á haust.
Finnur Torfi Stefánsson var fyrir skömmu
ráðinn í embætti umboðsfulltrúa í dómsmála-
ráðuneytinu.
Finnur Torfi er fæddur 20. mars 1947. Hann
lauk stúdentsprófi frá Menntaskólanum í
Reykjavík 1967 og lagaprófi frá Háskóla íslands
1973. Tveimur árum síöar lauk hann prófi í
stjórnmálafræðum frá háskólanum í Manch-
ester. Sama ár, 1975, hóf hann störf sem lög-
fræðingur hjá Hagtryggingu h.f , en ári síðar
opnaði hann eigin lögfræðiskrifstofu, sem
hann rak þar til hann var kosinn á þing fyrir
Alþýðuflokkinn í Norðurlandskjördæmi vestra,
1978. í þingkosningunum í desember sl. féll
Finnur Torfi síðan út af þingi.
,,Starf umþoðsfulltrúa verður byggt upp með
hliðsjón af starfi ,,ombudsmand‘‘ í Danmörku,"
sagði Finnur Torfi í stuttu spjalli við Frjálsa
verslun. ,,Til að byrja með verður starf um-
boðsfulltrúans nokkru þrengra og fjallar nú
aðeins um þau málefni sem falla undir dóms-
málaráðuneytiö. Ég svara erindum fólks, sem
telur á sinn hluta hafa verið gengið í samskipt-
um við ríkið, og veiti einnig lögfræðilegar leið-
beiningar."
Finnur Torfi sagðist hafa orðið þess greini-
lega var, af reynslu þessara fyrstu daga sinna í
starfinu að eftirspurnin væri mjög mikil, og því
full þörf fyrir það.
6