Frjáls verslun - 01.03.1981, Page 72

ekki grundvöll fyrir slík fyrirtæki í
svo fámennum byggðum, sem
nyrðra eru.
Ekkert gullæði
Þá líta margir hýru auga á þá
verkþekkingu, sem myndi skapast í
héraði í kjölfar virkjunarinnar, sem
síðan myndi nýtast viö uppbygg-
ingu iðnaóarins. Óneitanlega hefði
þetta einhver félagsleg áhrif í för
með sér, en staðurinn virðist vel
búinn til að taka við auknu þjón-
ustuhlutverki svo væntanlega yrði
ekki um neitt heljarstökk að ræða.
Menn virðast ekki óttast neitt gull-
æði þótt öllum sé Ijóst að pen-
ingamagn í umferð muni stórauk-
ast. Jafnframt virkjuninni horfa
menn til bættra samgangna í hér-
aði þar sem fyrirhugað er að aðal-
uppskipunarhöfn vegna fram-
kvæmdanna verði á Skagaströnd.
Það leiddi af sér uppbyggingu
vegarins til Blönduóss og til virkj-
unarinnar.
En heimamenn svífa ekki á ein-
hverju óraunverulegu draumaskýi
þeir líta líka til þess að með virkj-
uninni færu 56 ferkílómetrar lands
undir vatn, að verulegum hluta
gróið beitiland. Er það metið á
2400 ærgildi, en hvert, ærgildi er
talin beit fyrir eina á og 1,4 lömb í
eitt ár. Hinsvegar eru uppi hug-
myndir um að rækta upp nýtt
beitiland, á svæði, sem er örfoka
nú. Tilraunir með það lofa góðu.
Annað, sem talið er valda spjöllum
á landi og nytjum er að jökulvatni
yrði veitt um Þrístiklu, Austara-
Friðmundarvatn og Gilsvatn. Það
myndi spilla silungsveiði þar.
Orkustofnun, Veiðimálastjórn,
Rannsóknastofnun landbúnaðar-
ins og Náttúrugripasafnið á Akur-
eyri hafa gert rannsóknir á lífríki
vatna og lífríki og nytjum heið-
anna. Nú liggur fyrir umsögn
Náttúruverndarráðs og leggst það
ekki gegn virkjuninni.
Ýmsir leikir menn þenda líka á
að laxagengd í Blöndu neöan
virkjunar kunni að stóraukast þar
sem hin miklu uppistöðulón muni
hita vatn árinnar langt umfram það
sem nú er og það skapi laxinum
mun þetri skilyrði. í því samþandi
benda þeir á Laxá á Ásum, ein-
hverja bestu laxveiðiá hérlendis.
Hún rennur úr stórum lónum, sem
hita ánna upp.
Þótt hér hafi fyrst og fremst verið
fjallað um áhrif Blönduvirkjunar
fyrir uppbyggingu Blönduóss og
nágrennis, líta fleiri björtum aug-
um til rafmagnsöryggis í framtíð-
inni, verði Blanda virkjuð, því
virkjunin myndi þjóna Norður-
landi, Vestfjörðum og hluta Vest-
urlands. Ef til eldsumbrota eða
jarðhræringa á virkjunarsvæðun-
um sunnanlands kæmi, gæti
Blönduvirkjun einnig orðið þýð-
ingarmikil miðlunarstöð fyrir Suð-
urland á neyöartímum, sem þá
kynnu að skapast.
Þrátt fyrir að menn fallist á þau
rök að sé einblínt á arðsemissjón-
armið eingöngu, kunni Sultar-
tangavirkjun að vera hagkvæmari,
telja þeir ofantalin rök vega það
þungt að örlítið meiri arðsemi
Sultartanga réttlæti ekki forgang
þeirrar virkjunar framyfir Blöndu-
virkjun.
Ráðgerðir um Blönduvirkjun má
rekja allt aftur til ársins 1949, en
ávallt hefureinhversnurða hlaupið
á þráðinn svo sem mótmælaraddir
ýmissa heimamanna. Þeim virðist
þó fara ört fækkandi í síðari tíð,
þótt enn séu þær til.— gg
Húnvetningar - Ferðafólk
Vér bjóðum yður góða þjónustu í
verzlunum vorum:
Matvörudeild: Úrval matvara, búsáhöld.
Vefnaðarvörudeild: Sportfatnaður, skór,
gjafavörur.
Byggingavörudeild: Veiðarfæri,
viðleguútbúnaður.
Essó-skáli: Veitingar, matvörur, bensín,
olíur.
Útibú á Blönduósi og Skagaströnd.
Eitthvað af öllu.
KAUPFÉLAG
HÚNVETNINGA
BLÖNDUÓSI
72