Frjáls verslun - 01.05.1987, Qupperneq 49

við íþróttaleikvang bæjarins og rétt
vestan við Fjölbrautaskólann. Þetta
er mikið verkefni, sem á að skila fok-
heldu eftir nákvæmlega eitt ár.
Þá er Húsanes sf. að byggja við
Fjölbrautaskólann, 800 fermetra
húsnæði, sem verður að vera tilbúið
til notkunar, þegar skólaárið hefst í
haust.
Fleiri verkefni eru þeir með í
Keflavík: Þvottastöð fyrir Aðalstöð-
ina h.f. og fjögur parhús sem verið er
að byggja í sumar og þegar er farið
að selja.
Þá er loks að geta verkefnis utan-
bæjar, það er laxeldisstöð fyrir
Fjallalax að Hallkelshólum í Gríms-
nesi, en eigendur eru Gísli Hendriks-
son og Hörður Falsson ásamt norsk-
um aðilum, stórverkefni.
Hermann Ragnarsson er þekktur í
Keflavík fyrir pólitíska þátttöku sína.
Hann er formaður Alþýðuflokksfé-
lags Keflavíkur og við heyrðum það
á mörgum í bænum að fítonskraftur
formannsins hefði lyft krötum svo
mjög í bæjarstjórnarkosningunum
s.l. ár að þeir fengu kjörna 5 bæjar-
fulltrúa og ráða núna yfir meirihluta
í bæjarstjórninni. Jafnframt dreif
Hermann ásamt stjórn sinni í að
reisa flokknum almennilega félags-
aðstöðuí bænum. Ekki vill Hermann
þó gera mikið úr pólitísku starfi sínu
og kveðstekki eiga nemalítinn hlut í
hinni góðu kosningu.
Og Hermann og félagar hans eiga
sér ýmis hugðarefni. Þeir vilja nýta
krafta sína og fyrirtækisins í því
skyni að byggja hentugar íbúðir fyrir
eldri borgarana. Þeir benda á að
mesti auður í óveðsettum eignum á
íslandi í dag sé hjá þeim sem eru 65
ára og eldri, en yfir 90% þeirra eiga
skuldlausar eða skuldlitlar eignir og
þetta fólk eigi rétt á að vera sjálfs sín
herrar, en ekki að þurfa að bíða eftir
úthlutun hjá ríki og bæ um að kom-
ast í vemdaðar þjónustuíbúðir.
Eigendur Húsaness sf. hafa því
reiknað út möguleika á því að koma
á spánnýju fyrirkomulagi í þessum
efnum, ekki ósvipuðu því sem nú er
reynt af Sunnuhlíðarsamtökunum í
Kópavogi, enda sé vart byggt fyrir
aldurshópinn frá 65 ára og þaðan af
eldri á íslandi í dag. Þeir félagar segj-
ast álíta að einmitt þessi aldurshópur
vilji kaupa heppilegar íbúðir, vandað-
ar og vel búnar. Ekki vilja þeir viðra
hugmyndir sínar of náið að sinni,
en þær hafi verið kynntar bæjaryfir-
völdum og bönkum, og lítist mönn-
um vel á þær. Þama geti farið saman
hagsmunir allra aðilanna, og orðið til
þess að létta mjög útgjöld ríkis og
bæjar í framtíðinni.
Halldór Ragnarsson segir að sam-
keppnin í byggingabransanum sé
mikil og að allt of lág verð séu í gangi
á markaðnum. Mörg fyrirtæki hafi
síðan brennt sig á of miklum niður-
boðum og farið hreinlega á hausinn.
Þetta er varasamur markaður, marg-
ir em kallaðir, en ótrúlega margir
hverfa líka aftur og hafa brennt sig
illa í þessum bransa.
„Þetta er talsvert erfitt í þessum
rekstri, og ég held að okkur öllum
félögunum hafi dottið það í hug oftar
en einu sinni að betra væri nú að
vera í vinnu hjá einhverjum meistar-
anum og eiga þá áhyggjulausa til-
vem heima fyrir“, segir Halldór og
lítur til bróður síns, sem samþykkir.
Á tímabili áttu þeir félagarnir
byggingavömverslun í Keflavík
ásamt fleirum. En sá rekstur gekk
engan veginn upp, — tímasetningin
var röng, byggingaframkvæmdir
voru í lágmarki, ekki síst á Suður-
nesjum og fyrirtækið tapaði fé og var
loks lagt niður.
I Húsanesi sf. sér Hermann um
fjármálin og skrifstofuhaldið, sem er
talsvert að umfangi, og hafa þeir
nýlega tekið tölvu í sína þjónustu og
eiga eftir að taka í notkun ýmsa þá
möguleika, sem tölvan gefur þeim.
Halldór og Margeir sjá hinsvegar um
stjórnun á byggingastöðunum.
„Þetta er allt mjög lýðræðislegt hjá
okkur félögunum, — við hittumst á
fundi einu sinni í viku í það minnsta
og ræðum ailt í botn. Við tökum
ákvarðanir sameiginlega og skiptum
með okkur verkum. Þetta gengur vel
fyrir sig“, sagði Halldór.
Framundan hjá þeim félögum er
ýmislegt, m.a. að byggja á lóð sem
þeir eiga í Ártúnsholti í Reykjavík
ásamt Guðmundi kaupmanni í Star-
mýri bróður þeirra Halldórs og Her-
manns. Þama mun rísa mikil bygg-
ing með verslanamiðstöð og allmörg-
um íbúðum, en verið er að teikna
þetta hús. Það er ekki fyrsta fram-
kvæmd fyrirtækisins í Reykjavík, því
það var einmitt Húsanes sf. sem
byggði menningarmiðstöðina Gerðu-
berg í Breiðholti, en oft benda for-
ráðamenn Reykjavíkurborgar til
þeirrar framkvæmdar með nokkm
stolti sem eðlilegt er, enda afburða
mikið og gott mannvirki.
49