Frjáls verslun - 01.07.1988, Blaðsíða 13

DÖNSK
KAUPSKIPA-
ÚTGERÐ
BLÓMSTRAR
Farmgjöld á
alþjóöasiglingaleiöum hafa
hækkað um 70-80% á
síðustu árum. Samtímis
hefur heimsverslun aukist
og olíuverð lækkað. Dönsk
kaupskipafélög hafa notið
góðs af þessu með
auknum flutningum og
lækkandi rekstrarkostnaði
og eru rekin með miklum
hagnaði og fyrirsjáanlegur
er enn meiri hagnaöur af
rekstrinum árið 1989. Auk
fyrrgreindra ástæðna eru
tvö veigamikil heimatilbúin
atriði sem skipta máli,
annars vegar stöðugleiki í
dönsku efnahagslífi og
hins vegar nýtt skráningar-
kerfi sem tekið hefur verið
upp samhliða því að
danskir sjómenn eru
undanþegnir tekjuskatti.
Opið skráningarkerfi og
skattaívilnanir til danskra
farmanna hafa verið helstu
baráttumál Knut
Pontoppidan, fram-
kvæmdastjóra samtaka
danskra kaupskipaút-
gerða, sl. 3 ár.
DIS (Denmark’s
International Shipregister)
er skráningarkerfi sem
hefur gert það að verkum
að nú eru um 90% af öllum
kaupskipum sem stunda
millilandasiglingar og eru í
eigu danskra aðila skráð í
Danmörku. Það sem
einkennir DlS-skráningar-
kerfið er að það er aðeins
opið skipum í millilanda-
siglingum sem eru í eigu
danskra ríkisborgara og er
ekki opið útlendum fyrir-
tækjum eins og það
norska.
Skattaívilnanir til
danskra sjómanna hafa
lækkað launakostnað
kaupskipaútgerðar um
35% og gert það að
verkum að atvinnuleysi
meðal danskra farmanna
hefur stórminnkað.
AMSTRAD
STÆRST í EVRÓPU
Amstrad fyrirtækið
breska hefur náð ótrúleg-
um árangri í sölu á
Evrópumarkaði sem sést á
því að fjórða hver PC tölva
sem seld er í Evrópu er PC
1512 eða PC 1640, en það
eru IBM PC samhæfðar
tölvur frá Amstrad.
Amstrad hefur þannig náð
25% markaðarins í Evrópu
og er þar með 11% forskot
á IBM sem er með
næstmesta sölu PC tölva.
Amstrad virðist ekki eiga
í miklum erfiðleikum með
að sækja fram á fleiri en
einni vígstöð ef marka má
fréttir í bresku pressunni.
Sem dæmi var frá því sagt
fyrir nokkru að Amstrad
hefði samið um og keypt
sérstakt leyfi af IBM til að
nota einkaleyfi IBM
(„Patent cross licence
agreement"), þar á meðal
þau sem snerta PS/2.
Talsmenn IBM I Bretlandi
hafa tekið sérstaklega
fram í fjölmiðlum að þessi
samningur þýði ekki að
Amstrad geti framleitt nýju
gagnabrautina „Micro
Channel" eins og þá sem
notuð er í 32ja bita PS/2
tölvunum. Svo virðist sem
Amstrad og IBM leggi hvor
sinn sérstaka skilning í
þýðingu þessa
samkomulags en í bresku
pressunni eru uppi
vangaveltur um að þessi
samningur kunni að þýða
að Amstrad geti orðið fyrst
fyrirtækja til að setja á
markaðinn ódýra IBM PS/2
samhæfða tölvu.
Þetta samkomulag við
IBM hefur hins vegar ekki
komið í veg fyrir að
Amstrad hafi gengið til liðs
við EISA-samtökin, þ.e.
samtök nokkurra helstu
framleiðenda PC tölva um
að tryggja áframhaldandi
þróun PC tölvunnar þótt
IBM hafi yfirgefið hana og
snúið sér að PS/2.
Amstrad er einna
þekktast fyrir að vakta
markaðinn og geysast inn
með vöru á lægra verði en
aðrir þegar sýnt þykir að
um magnmarkað sé að
ræða (PC1512 með 20 Mb
disk og 6 hugbúnaðarkerf-
um fyrir 80 þúsund
krónurl). Þessi aðferð
hefur gefist Amstrad jafn
vel í tölvum sem
hljómflutnings- og
myndbandstækjum. Það er
nýjast að frétta að Amstrad
telur að magnmarkaður sé
fyrir tölvunet, þ.e. vél- og
hugbúnað sem gerir kleift
að tengja saman margar
tölvur og láta þær hafa
innbyrðis samskipti ásamt
því að nota sameiginlega
gagnageymslu, jaðartæki,
hugbúnað o.fl. Amstrad
LAN-kerfið var sett á
markaðinn í september sl.
Hér er um að ræða Corvus
netbúnað sem Amstrad
selur með sérstöku leyfi.
Grunnkerfið er ætlað fyrir
þriggja véla net. Flutnings-
og samskiptahraði í netinu
er sagður vera 1 Mbitar/
sek. Þetta netkerfi, sem
má stækka uppí 64 stöðva
net, er, að sögn talsmanna
Amstrad, einfalt, auðmeð-
farið og ódýrara en önnur
sambærileg netkerfi á
markaðinum.
13