Frjáls verslun - 01.07.1988, Side 20

LÍTILL ÁRANGUR HJÁ
GORBASJOV
Þrátt fyrir Perestrojku og
Glasnost ríkir stöönun í
efnahagsmálum
Sovétríkjanna segja
erlendir fréttamenn í
Moskvu. Eftir nokkurn vöxt
áriö 1986 færðist ástandið
aftur í samt horf á árinu
1987. Þótt vöxtur væri
mælanlegur meö 2,3% er
reiknað með dulinni
verðbólgu uppá 2% þannig
að áhrif vaxtarins verða
nánastengin. Landbúnað-
urinn stendur á núllinu, út-
flutningsverðmætin halda
áfram að minnka og
aukning í samgöngum og
flutningum er varla
mælanleg. Iðnaðarfram-
leiðslan jókst um 3,8% á
árinu 1987 og er það
minna en áætlað hafði
verið og minna en árið
áður.
Það mun vera Halldór
Laxness sem einhvers
staðar kemst þannig að
orði, þegar hann lýsir einni
hlið á efnahagskerfinu í
Sovétríkjunum, að það sé
með ólíkindum hvað hægt
sé að fá fólk til að leggja á
sig sé því lofað að það fái
að éta eftir 5 ár.
Sten Sjöström, en hann
er fréttaritari sænskra
dagblaða í Moskvu, segir
m.a. að þrátt fyrir að
stjórnin geti bent á
einhverjar félagslegar
framfarir hverfi þær með
öllu í skuggann af hinum
klassíska skorti á
neysluvörum. Meðal þess
árangurs sem þakka megi
Gorbasjov sé að nú sé eitt
helsta efnahagsvanda-
málið í Sovétríkjunum þau
tvö kerfi sem ríki hlið við
hlið, annars vegar gamla
ráðstjórnarkerfið með allar
tilheyrandi stofnanir sínar
svo sem KGB en hins
vegar einhvers konar
fyrirskipað
markaðshagkerfi sem á að
vera fullmótað 1990 - haldi
Gorbasjov velli þangaö til.
Dæmi um þetta
fyrirskipaða
markaðshagkerfi er sú
staðreynd að sovéska
ríkisstjórnin hefur nú
ákveðið að aftur skuli taka
upp verðbréfaviðskipti í
landinu þannig að
ríkisfyrirtæki geti selt
starfsmönnum og
almenningi hlutabréf
samkvæmt sérstökum
reglum sem nú er verið að
kynna.
Gorbasjov gæti því látið
opna Kauphöllina í Moskvu
á ný en henni lét Stalín
loka árið 1930 þegar hann
ákvað að taka upp
fullkominn
áætlunarbúskap.
Kauphöllinni, sem stendur
skammt frá Rauða torginu,
hafði fyrst verið lokað í
byltingunni 1917 en var
opnuð á ný á nokkrum
árum síðar. Hún var opin á
s.k. NEP-tímabili fram að
1930.
FOKKER 50
KLM Royal Dutch
Airlines hefur fest kaup á 7
nýjum Fokker 50 flugvélum
og munu þær verða
notaðar á styttri flugleiðum
af dótturfyrirtækinu NLM
City Hopper, segir í frétta-
bréfinu Fokker News
(28/9). Þá segir einnig að
með tilliti til aukins
frjálsræðis í evrópskum
flugsamgöngum hafi KLM
tryggt sér kauprétt á
þremur Fokker 50 til
viðbótar.
Fokker 50 skrúfuþotan
tekur við af F27 Friendship
sem KLM hefur notað
reglulega síðan 1966.
Fjórar vélar verða afhentar
KLM á árinu 1990 og þrjár
á árinu 1991.
Meginástæðan fyrir vali
á Fokker 50 er sögð hafa
verið tæknistig, sparneytni
og þægindi sem jafnast á
við það sem gerist í
nýtísku þotum vegna
afburða hljóðeinangrunar
farþegarýmis. KLM hefur
einnig pantað 10 Fokker
100 farþegaþotur og tryggt
sér kauprétt á 5 til
viðbótar. Afhending Fokker
100 mun hefjast snemma
á árinu 1989.
Þegar hafa verið seldar
93 Fokker 50 (okt. 1988)
og tryggður kaupréttur á
29 til viðbótar, þ.e. samtals
122 vélar.
20