Frjáls verslun - 01.07.1988, Qupperneq 45

TÖLVUSAMVINNA — SAMVINNSLA
EFTIR GUÐMUND HANNESSON REKSTRARHAGFRÆÐING
„Er Samvinnuhreyfingin farin að hasla sér völl á tölvusviðinu?" gæti hvarflað að lesandanum þegar hann ber
yfirskriftina augum. Ekki verða þær hugleiðingar ræddar nánar hér, heldur farið nokkrum orðum um samskipti og
samtengingar tveggja eða fleiri tölva. Þá verður fjallað sérstaklega um nýja grein tölvuvinnslu eða tölvuvæðingar sem
nú er að líta dagsins Ijós og talin eiga bjarta framtíð fyrir sér.
SAMTENGING TÖLVA
í lok síöasta áratugar þegar sí-
vinnsla (on-line processing) hóf
innreið sína fyrir alvöru, fóru
menn að þreifa sig áfram með
samtengingu á tveim eða fleiri
tölvum. Markmiðið var aðallega
að veita aðgang að og flytja gögn
milli tölva.
Gullöld tölvutenginganna hófst
síðan með almennri útbreiðslu
einmenningstölvanna. Þá urðu
tölvurnar sem hægt var að tengja
saman einfaldlega fleiri.
Til skamms tíma hefur sam-
tengingum verið þannig háttað að
notandi gerir skýran greinarmun
á því hvort unnið er í eigin tölvu
eða annarri tölvu tengdri henni.
Stundum er sagt að tengingin sé
„ógagnsæ".
Nýjungar í hugbúnaði, einkum
stöðlun á tengiflötum milli stjórn-
hugbúnaðar og notendahugbún-
aðar, hafa gert mönnum kleift að
gera tölvutengingarnar þannig úr
garði að notandi veit ekki lengur á
hvaða tölvu hann er að vinna.
Tengslin eru „gagnsæ".
HVAÐ ER SAMVINNSLA?
Eflaust hafa fræðimenn þegar
fastmótaða skilgreiningu á efninu
„Cooperative Processing", sem
hér á eftir verður nefnt sam-
vinnsla. En hér verður ekki farið
inn á verksvið fræðimannanna
heldur fyrst og fremst ræddir
verklegir þættir samvinnslu.
Guömundur Hannesson
Reynt verður að varpa Ijósi á það
hvers vegna samvinnsla ryður
sér til rúms.
þá verða gefin dæmi um nota-
gildi samvinnslu og þær hliðar
hennar sem við munum sjá á al-
mennum markaði á komandi
mánuðum og árum.
Það er oft erfitt að henda reiður
á því í tölvuheiminum hvenær
hugmynd, hugtak eða búnaður er
orðinn gamall. Fyrir heilli tölvuöld,
eða síðsumars 1983, minnist
greinarhöfundur þess í samtali
við dr. Jón Þór Þórhallsson for-
stjóra Skýrr að hafa heyrt í fyrsta
skipti heyrt minnst á samvinnslu,
þ.e.a.s. í þeim skilningi sem hér
er lagður í hugtakið. Umræðuefn-
ið var tölvuskjáir, einmennings-
tölvur og tenging þeirra við stærri
tölvur.
Gagnstætt venjulegum tölvu-
skjám (skjástöðvum), getur ein-
menningstölvan, auk þess að
hegða sér eins og skjástöð, unnið
með og úr gögnum sem skráð eru
á tölvuna eða send til hennar. Þar
kemur skýring á enska orðinu
„Intelligent Workstation" sem
stundum er í gamni og alvöru
nefnd „vitræn vinnustöð".
í áðurnefndu samtali voru
greinarhöfundi einkum tvö atriði
hugleikin. Annars vegar hug-
myndin um að geyma skjámynd-
irnar í einmenningstölvunni og
senda einungis þau gögn á milli
sem verið væri að vinna með
hverju sinni.
Hins vegar að villuprófa skrán-
ingu og frumvinna gögn í ein-
menningstölvunni áður en gögnin
væru send til endanlegrar úr-
vinnslu í stærri tölvu.
Hér er freistandi að draga hlið-
stæðu við hugmyndir hagfræð-
innar um sérhæfingu vinnuafls og
búnaðar á ákveðnum verksviðum
svo og samvinnu þeirra á milli.
Marmkið samvinnslu er einmitt
að tengja tölvur saman í stærri
heildir, sérhæfa og samnýta ein-
staka hluta heildarinnar, hugbún-
að og vélbúnað, þannig að not-
andi verði ekki var við hvar raun-
veruleg vinnsla fer fram, eins og
sagt var hér að framan.
EINMENNINGSTÖLVAN (ET)
í byrjun áratugarins, þegar ein-
menningstölvurnar hófu land-
45