Frjáls verslun - 01.04.1992, Blaðsíða 5

RITSTJORAGREIN
SJÁLFSTÆÐIFJÖLMIÐILS ER
GRUNDVALLARATRIÐI
Með þessu tölublaði Frjálsrar verslunar lætur undirritaður af
starfi ritstjóra blaðsins og nýr maður tekur við.
Ég lít á það sem merkilega lifsreynslu að hafa fengið tækifæri
til að gegna ritstjórastarfi á þessu blaði í þrjú og hálft ár. Frjáls
verslun á sér langa sögu að baki. Blaðið hefur komið út i meira
en hálfa öld.
Þegar ég tók við ritstjórninni höfðu útgefendur blaðsins ný-
lega gert veigamiklar breytingar á útgáfunni. Þær fólust í sam-
einingu þriggja blaða, Iðnaðarblaðsins, Viðskipta- & tölvublaðs-
ins og Frjálsrar verslunar undir nafni þess síðastnefnda. Jafn-
framt var blaðið fest í sessi sem mánaðarrit samhliða því sem
mun meira var vandað til efnisvinnslu og útlits.
Það hefur svo komið í hlut okkar, sem unnið höfum við blaðið
síðan, að fylgja þessum breytingum eftir. Það er ekki mitt að
dæma hvernig tekist hefur til. En útgáfan getur ekki kvartað
undan viðtökum kaupenda blaðsins og auglýsenda sem í vaxandi
mæli hafa litið á blaðið sem kjörinn vettvang.
Frjáls verslun hefur á þessum tíma talsvert verið í umræð-
unni vegna mála sem tekin hafa verið til umfjöllunar í blaðinu.
Stundum hefur ritstjórninni verið lesinn pistillinn af mönnum
sem hafa átt erfitt með að sætta sig við umfjöllun tengda þeim
eða fyrirtækjum og stofnunum á þeirra vegum. Miklu oftar hefur
þó umfjöllun blaðsins verið fagnað þegar vakin hefur verið at-
hygli á málum sem þörfnuðust athugunar og umræðu.
Ritstjórn blaðsins hefur m.a. litið áþað sem hlutverkFrjálsr-
ar verslunar að blanda sér í umræður urn þýðingarmikil mál sem
varða viðskiptalífið hér á landi og þjóðfélagið allt. Tímarit er
stundum í aðstöðu til að vinna umfjöllunarefni með öðrum hætti
en fjölmiðlar dagsins. Tímarit á að hafa meiri txma til að kafa
ofan í viðfangsefnin. Okkur hefur verið kappsmál að vinna með
þeim hætti hjá Frjálsri verslun.
Til upprifjunar vil ég nefna efnisþætti í blaðinu sem vakið
hafa athygli og kallað fram skiptar skoðanir aðila: Umfjöllun um
lyfjaverslun á íslnadi, byggingarharmsaga Þjóðarbókhlöðunn-
ar, útfararstjórar atvinnulífsins en þar var rætt um hlutverk
bústjóra og skiptastjóra í þrotabúum og dæmi nefnd um ótrúlega
tekjuöflun þeirra við þessi störf, eignir verkalýðshreyfingarinn-
ar en þar var sýnt fram á að eignasöfnun hennar nemur mörgum
milljörðum króna, tekjur nokkurra hátekjuhópa í þjóðfélaginu,
úttekt á gjaldþroti KRON undir heitinu „Fjöldafélag fellur", um-
fjöllun um rekstur Álafoss — „Dregur dilk á eftir sér“, könnun á
mikilvægi hersetunnar í efnahagskerfi Islandinga, athugun á
því hvort íslenska heilbrigðiskerfið sé á leiðinni undir hnífinn og
loks úttekt á Bifreiðaskoðun íslands undir fyrirsögninni „Ríkis-
tryggð einokun". Þá hefur blaðið ítrekað varað við háskalegri
valdasamþjöppun í viðskiptalífi landsmanna og fjallað um kol-
krabbann frá ýmsum hliðum.
Þá kröfu verður að gera til fjölmiðla að þeir haldi uppi mál-
efnalegri og gagnrýninni umfjöllun þegar við á. Umfjöllun má
ekki einkennast af illgirni gulu pressunnar eða slagsíðu stjórn-
málahreyfinga og hagsmunahópa. Þeir fjölmiðlar, sem ná að
halda sér við faglega og sjálfstæða umfjöllun, lifa lengur og gera
þjóðfélaginu meira gagn en hinir sem bundnir eru á klafa. Enda-
lok pólitísku flokksblaðanna eru dæmi um tímaskekkju í fjöl-
miðlun. Víti sem aðrir fjölmiðlar hljóta að varast.
Það er von mín að Frjálsri verslun takist í framtíðinni að
gegna þýðingarmiklu hlutverki sínu í íslenskri fjölmiðlun af
myndarskap. Nýjurn ritstjóra læt ég fylgja góðar kveðjur. Jafn-
framt þakka ég samstarfsmönnum og öllum samskiptaaðilum
ánægjulegt samstarf við útgáfu Frjálsrar verslunar.
ISSN 1017-3544
Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Helgi Magnússon — RITSTJÓRNARFULLTRÚI: Valþór Hlöðversson —
AUGLÝSINGASTJÓRAR: Sjöfn Sigurgeirsdóttir og Kristrín Eggertsdóttir — LJÓSMYNDARAR: Grímur Bjamason, Gunnar
Gunnarsson, og Kristján Einarsson — ÚTGEFANDI: Fróði hf. — Túnaritið er gefið út í samvinnu við samtök í verslun og viðskiptum —
SKRIFSTOFA OG AFGREIÐSLA: Ánnúli 18, sími 82300, Auglýsingasími 685380 — RITSTJÓRN: Bfldshöfði 18, sími 685380 —
STJÓRNARFORMAÐUR: Magnús Hreggviðsson - AÐALRITSTJÓRI: Steinar J. Lúðvíksson - FRAMKVÆMDASTJÓRI: Halldóra
Viktorsdóttir - ÁSKRIFTARVERÐ: 2.814 kr. (469 kr. á eintak) - LAUSASÖLUVERÐ: 549 kr. - SETNING, TÖLVUUMBROT,
PRENTUN OG BÓKBAND: G. Ben. prentstofa hf. - LITGREININGAR: Prentmyndastofan hf.
Öll réttindi áskilin varðandi efni og myndir
5