Frjáls verslun - 01.04.1992, Síða 31

Fyrir endurbætur: Myndin er tekin í kjallara hússins og ef hún prentast vel
má sjá samsetningu á burðarbita í milligólfi og nýjan steinvegg í neðra
horni, hægra megin.
Samband íslenskra samvinnufélaga
keypti eignina árið 1954. Alþingi eign-
aðist Tjarnargötu 3c árið 1982 og var
það nýtt síðustu árin til fundahalda á
vegum AA samtakanna. Má segja að
húsið, sem var orðið býsna illa farið
og lágreist í Tjarnarmýrinni, hafi
verið nær ónýtt þegar Finnur Guð-
steinsson og fjölskylda festu kaup á
því sumarið 1990 með það fyrir aug-
um að gera það upp og búa sér þar
heimili.
AUGASTAÐUR Á RAUÐU HÚSI
En hver voru tildrög þess að nú-
verandi eigendur föluðust eftir þessu
húsi, sem fáir virtust kæra sig um?
Finnur Guðsteinsson svarar þeirri
spurningu:
„Við gáfum þessu húsi engan sér-
stakan gaum íýrrr en það var auglýst
einn góðan veðurdag í lok apríl 1990.
Þar óskaði Innkaupastofnun ríkisins
fyrir hönd Alþingis eftir tilboðum í
húsið og skyldi það flutt innan eins og
hálfs mánaðar á lóðina Túngötu 12.
Má segja að þar bætist enn eitt heim-
ilisfestið á þetta hús því upphaflega
var það talið til Veltusunds, svo
Kirkjustrætis, þá Tjarnargötu, loks
Túngötu og nú telst það Grjótagata
11! Við gerðum tilboð og vorum svo
heppin að hljóta hnossið og þar með
hófst undirbúningur að flutningi hing-
að efst í Grjótaþorpið.“
Eins og Finnur sagði var þeim gert
að fjaríægja húsið á skömmum tíma
og því var unnið dag og nótt við hönn-
un og uppsteypu kjallara undir húsið á
nýja staðnum og undirbúning að flutn-
ingi, en það verk varð að vanda vel.
Borgarráð gaf Finni kost á lóðinni nr.
12 við Túngötu og athygli vakin á því
að síðar yrði gerð nánari grein fyrir
staðsetningu hússins á lóðinni. Var
ákveðið að suðurhluti lóðarinnar,
næst Túngötu, yrði almenningsgarð-
ur en þar er nú barnaleikvöllur. Upp-
haflega átti staðsetning hússins að
taka mið af götumynd Garðastrætis
en að athuguðu máli var talið eðlilegra
að telja húsið til Grjótagötu 11 enda er
inngangur í það frá þeirri götu.
í UPPRUNALEGA MYND
„Af okkar hálfu kom aldrei annað til
greina en gera húsið upp í þeirri mynd
sem það upphaflega var í. Við fengum
Vilhjálm Hjálmarsson arkitekt í lið
með okkur og húsið var virt og teikn-
að upp að loknum nákvæmum mæl-
ingum og í samráði við borgarminja-
vörð. Húsið var mjög illa farið og við
vorum svo óheppin að afar fáar mynd-
ir eða teikningar eru til af húsinu eins
og það var upphaflega. Því höfum við
orðið að leita víða fanga og hefur
Hjörleifur Stefánsson arkitekt og sér-
fræðingur um gömul timburhús,
verið okkur mjög hjálplegur í þeirri
vinnu. Einnig hefur borgarminjavörð-
ur aðstoðað okkur með ráðum og
dáð.“
Finnur Guðsteinsson hefur unnið
mikið við smíðar og m.a. vann hann
að endurgerð hússins að Kiðjabergi í
Grímsnesi, en það er frá árinu 1864,
en Meistarafélag húsamiða stóð fyrir
því verki.
,Jú, sú reynsla hjálpaði mjög við að
átta sig á eðli þessa húss sem ég er nú
að fást við. Hins vegar hefur verið
mjög erfitt að finna í því heilleg dæmi
um upprunalegan frágang og efnivið
því viðhaldi hefur verið áfátt síðustu
áratugina og ýmsu breytt til verri
vegar. Til dæmis var nær ekkert
lengur að finna af upprunalegri klæðn-
ingu utan á húsinu en við komust þó
að þeirri niðurstöðu í samráði við
Eftir endurbætur: Mynd frá sama stað í kjallara Grjótagötu 11. Steinveggir í
kjallara eru grófmúraðir með sérstökum hætti. Eldþolnar gifsplötur eru á
milli loftabita.
31