Frjáls verslun - 01.04.1992, Side 35

INNRETTINGAR
Frjáls verslun kannaði inn-
réttingamarkaðinn fyrir
skömmu og komst að því að þeir,
sem eru í leit að innréttingum,
eru ekki á flæðiskeri staddir.
Urvalið er mikið hvort sem fólk
hefur eldhús, bað eða önnur her-
bergi í huga. Þeir aðilar, sem
rætt var við, voru flestir á einu
máli um að fólk sæktist eftir
heildarlausnum þegar það hygði
að innréttingum í híbýli sín

HEILDARLAUSNIR OG ENGIN EINS
þannig að skápurinn í forstof-
unni væri i stíl við eldhúsið og
baðherbergið, svo dæmi sé tek-
ið. Heildarlausn; það er kjörorð
margra á markaðnum í dag.
Einnig leggja seljendur innrétt-
inga áherslu á nána og persónu-
lega þjónustu. Fyrirtækin hafa
innanhússarkitekta á sínum
snærum sem eru fólki innan-
handar, skoða heimilin, gefa
góð ráð og teikna að lokum inn-
réttingu sem er oftast nær ein-
stök og nákvæmlega eins og
kaupandinn hafði hugsað sér
hana.
Þeir, sem til þekkja, telja að síðast-
liðin ár hafi á bilinu 1.800-3.000 eld-
húsinnréttingar selst á ári hverju hér
á landi. En auðvitað er orðið eldhús að
mörgu leyti villandi. Eldhús á nútíma-
heimili er svo miklu meira en staður-
inn þar sem matseld fyrir fjölskylduna
fer fram. Eldhúsið er oft og tíðum eini
staðurinn þar sem íjölskyldan hittist
og talar saman, eða reynir það a.m.k.
Þess vegna er mun meira lagt í eld-
húsinnréttingar í dag en áður. Einnig
er eldhúsið alltaf að verða opnara og
sú hugmynd nú nær alls ráðandi að
það myndi hluta af stærri heild húss-
ins eða íbúðarinnar frekar en að það
sé eitt herbergi lokað af frá hinum. Þá
er æ meir hugað að þægindum í eld-
húsinu, að það sé auðvelt að vinna í
því, þrífa það og nálgast alla nauðsyn-
lega hluti. Nú til dags er eldavélin
stundum höfð í því miðju en megin-
reglan er eftir sem áður sú að eldavél,
vaskur og ísskápur myndi þríhyming.
Oft er í því sambandi talað um hinn
„gullna þríhyming“ hita, vatns og
kulda.
í dag þykja innréttingar í baðher-
bergi sjálfsagður hlutur, ókkt því sem
áður var. Eins og áður sagði velja æ
fleiri kaupendur þann kost að hafa
þær í stíl við aðrar innréttingar á
heimilinu. Þá vilja allflestir að bæði
bað og sturta komist fyrir í baðher-
berginu. Hvítt er sem fyrr ráðandi
litur þegar um baðherbergi er að
ræða en samt sem áður hafa aðrir litir
verið að ryðja sér til rúms. Almennt
má segja að þróunin sé á þann veg í
innréttingamálum. Fyrir tveimur ár-
um stillti einn viðmælandi blaðsins
upp eldhúsinnréttingu þar sem aðal-
liturinn var blár. Hann segir að þá hafí
ekki verið litið við henni en nú veki
hún mikla athygli. Sömuleiðis ber
mikið á því nú að mörgum litum og
tegundum, t.d. viði og stáli, sé bland-
að saman.
Rétt er að taka fram að verðsaman-
burður hér að neðan getur verið
óraunhæfur vegna þess að ekki er
rúm til að taka nákvæmlega fram
hvað er innifalið í hveiju verði fyrir
sig. Og ekki er úttektin tæmandi þótt
þau 15 fyrirtæki, sem rætt var við,
standi vissulega í fremstu röð á mark-
aðnum í dag. En vonandi kemur þessi
úttekt þeim, sem eru að leita sér að
eldhús- eða baðinnréttingum, að
gagni og ekki er vanþörf á, því eins og
einn seljandinn benti á að fyrra
bragði, þá er þessi markaður kkastur
frumskógi fyrir þann sem ekki þekkir
til.
TEXTI: GUÐNI TH. JÓHANNESSON MYNDIR: KRISTJÁN EINARSSON
35