Frjáls verslun - 01.03.1998, Blaðsíða 12

NÆRMYND
KAUPMENN OG ATHAFNAMENN
akel Olsen hefur verið þekkt
innan sjávarútvegsins áratug-
um saman eftir að hafa rekið
stærsta skelframleiðslufyrirtæki lands-
ins ásamt eiginmanni sínum Ágúst
Sigurðssyni í Stykkishólmi. Hún komst
í fréttirnar fyrr í vetur þegar hún var
kjörin aftur í stjórn SH en margir höfðu
spáð sviptingum í því stjórnarkjöri. Hún
er skeldrottningin í Stykkishólmi og í
þessari nærmynd verður reynt að
skyggnast inn fyrir skelina.
Rakel Olsen, eða Rakel Sigurbjörg
Olsen eins og hún heitir fullu nafni, er
fædd í Keflavík 17. janúar 1942. Hún er
önnur í röð Jjögurra systkina. Rakel er
sjómannsdóttir. Faðir hennar var Ole
Olsen, sjómaður frá Færeyjum, nánar
tiltekið frá Tóftum á Austurey. Móðir
hennar var Þóra Gísladóttir frá Eskifirði
og er móðurættin grónir Austfirðingar
úr Reyðarfirði og Papey en hún getur
einnig rakið ættir sínar til eldklerksins
Jóns Steingrímssonar. Ole lést 1979 og
Þóra 1995.
Rakel óx úr grasi í Keflavík meðan
plássið, eins og landið allt, sigldi hrað-
byri inn í nútímann í kjölfar seinni
heimsstyrjaldarinnar. Árin fram til 1960
einkenndust af nýsköpun, uppbygg-
ingu og meiri hraða en áður hafði
þekkst í íslenskum
sjávarplássum.
SKÁTAR 0G ÁST
Rakel gekk í
barnaskóla og gagn-
fræðaskóla í Keflavík
en tók virkan þátt í
blómlegu skátastarfi
sem þá var haldið úti
í Keflavík í skátafé-
laginu Heiðarbúum.
Þau gildi sem skátar hafa í heiðri,
ábyrgð, reglusemi og staðfesta, féllu vel
að hennar hugsunarhætti og hafa ef-
laust mótað hana talsvert.
Það má segja að örlög Rakelar hafi
ráðist á vettvangi skátahreyfingarinnar
því árið 1960 fór hún, ásamt félögum
sínum úr Heiðarbúum, austur á Úlfljóts-
vatn á svokallaðan Gilwell-skátaskóla
sem er ætlaður fullorðnum skátum sem
vilja taka að sér leiðbeinendastörf innan
hreyfingarinnar. Þar var
einnig ungur maður
vestan úr Sfykkishólmi,
skátaforingi þeirra, í
sömu erindagjörðum.
Þetta var Agúst Sigurðsson einka-
sonur Sigurðar Ágústssonar kaup-
manns, þingmanns og athafhamanns í
Stykkishólmi. Agúst var fæddur 18. .júlí
1934 og því tæpum átta árum eldri en
Rakel. Ekki þarf að orðlengja það að
þau felldu hugi saman og 1963 fluttist
Rakel vestur í Stykkishólm, giftist
Agústi og þau áttu samleið allt til þess
að hann féll frá 8. mars 1993.
Agúst var einkabarn hjónanna Sig-
urðar Ágústssonar og Ingibjargar
Helgadóttur. Sigurður Agústsson var
fæddur í Stykkishólmi 1897. Hann var
sonur Ágústs Þórarinssonar, kaup-
manns og verslunarstjóra, sem starfaði
áratugum saman í Hólminum lengst af
hjá Leonard Tang og síðan hjá
Tang&Riis. Ágúst flutti til Stykkishólms
skömmu fyrir aldamótin og bjó þar til
dauðadags. Agúst var bróðir hins sögu-
fræga klerks og prófasts séra Árna Þór-
arinssonar sem Þórbergur Þórðarson
gerði ódauðlegan í stórmerkri ævisögu
sem hann færði í letur. Þar eru til ýms-
ar sögur af ,Ágústi bróður" sem var
gamansamur og orðheppinn náungi og
naut vinsælda á staðnum.
Fyrirtækið Sigurður Agústsson ehf.
var í rauninni stofnað 18. febniar 1933
þegar Sigurður
keypti eignir
Tang&Riis á upp-
boði en hann var þá
þegar kominn á fulla
ferð í eigin atvinnu-
rekstri og fékkst við
útgerð og refarækt.
Hann hafði gott lag
á hlutunum eins og
sést á því að hann
skyldi hafa bolmagn
til að kaupa þrotabú verslunarinnar í
miðri kreppunni.
Sigurður færði fljótlega út kvíarnar
og rak frystihús, sláturhús, refa- og
minkarækt og umsvifamikla bænda-
verslun í Stykkishólmi og frysting bol-
fisks hófst hjá fyrirtækinu 1942 þegar
Sigurður reisti frystihús. Þótt hann
væri sjálfstæður atvinnurekandi var
bændaverslunin rekin nákvæmlega
eins og kaupfélag og í rauninni með
sama sniði og danskir
kaupmenn höfðu rekið
verslun í Hólminum um
aldir. Bændur lögðu inn
afurðir og tóku út vörur.
HVAÐ FINNST ÞEIM?
Þegar samstarfsmenn og félagar
Rakelar úr sjávarútvegi eru spurb-
ir álits á henni og rekstrinum í
Stykkishólmi koma fljótt upp á yf-
irboröiö lýsingarorð eins og
stefnuföst, einbeitt, ákveðin, fylg-
in sér og áfram yfir skalann yfir í
stjórnsöm og ráðrík.
TEXTI
Páll Ásgeir Ásgeirsson
FV-myndir: Geir Ólafsson.
DROTT
Rakel Olsen
sem veltir 1.200
12