Morgunblaðið - 25.01.2001, Qupperneq 1

20. TBL. 89. ÁRG. FIMMTUDAGUR 25. JANÚAR 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 25. JANÚAR 2001
PETER Mandelson, einn helsti ráð-
gjafi Tony Blairs, forsætisráðherra
Bretlands, sagði í gær af sér sem ráð-
herra Norður-Írlandsmála í bresku
ríkisstjórninni. Við embættinu tekur
John Reid, sem áður fór með málefni
Skotlands í stjórninni. Þetta er í ann-
að sinn sem Mandelson segir af sér
sem ráðherra í stjórn Blairs.
Ástæða afsagnarinnar nú eru af-
skipti Mandelsons af umsókn auðkýf-
ingsins Srichand Hinduja um breskan
ríkisborgararétt. Mandelson heldur
því fram að hann hafi ekki gert neitt
ólöglegt en málavextir samskipta
hans og Hinduja hafa verið á reiki
undanfarna daga. Srichand og tveir
bræður hans eru sakaðir um að hafa
þegið mútur í tengslum við vopna-
söluhneyksli á Indlandi.
Afsögnin er mikið áfall fyrir Blair
sem missir nú náinn samverkamann
úr ríkisstjórninni, fjórum mánuðum
fyrir kosningar.
Misvísandi upplýsingar
Mandelson viðurkenndi að hann
hefði ekki verið nægilega skýr þegar
hann tjáði sig um málið nýlega og því
hefðu misvísandi upplýsingar verið
gefnar ráðuneytum sem eftir þeim
föluðust. Aðra ástæðu afsagnarinnar
sagði hann vera þann ágang sem
hann hefði orðið fyrir frá fjölmiðlum
undanfarin fimm ár. Ekki er ljóst
hvort Mandelson hyggst gefa kost á
sér í þingkosningunum í vor.
Blair þakkaði Mandelson framlag
hans til málefna Norður-Írlands en
sagði að málið sem leiddi til afsagn-
arinnar yrði grandskoðað. Hann kvað
ekkert benda til ólöglegs athæfis.
Ekki er talið að afsögn Mandelsons
hafi skaðleg áhrif á friðarumleitanir á
Norður-Írlandi þótt hún komi á við-
kvæmum tíma. Hann þykir hafa
dregið taum sambandssinna og sjá
írskir þjóðernissinnar því ekki eftir
honum.
Peter Mandelson segir af sér í annað sinn
Afsögnin talin mik-
ið áfall fyrir Blair
London. AFP, AP.
YFIRVÖLD á Indlandi sögðu í
gær að um 32 milljónir hindúa
hefðu baðað sig í Ganges-fljóti til
að hreinsa sig af syndum sínum
frá því í fyrradag þegar
trúarhátíðin Kumbh náði há-
marki.
Hindúar telja að bað í Ganges-
fljóti, þar sem það sameinast
fljótunum Yamuna og Saraswati,
veiti þeim aflausn frá syndum og
leysi þá undan hringrás endur-
fæðinga.
Indversk yfirvöld sögðu að há-
tíðin hefði farið friðsamlega fram
og enginn hefði troðist undir
þrátt fyrir mannmergðina.
Þúsundir helgra bardaga-
manna, sem nefnast Naga
Sadhus, fóru fyrir hindúunum.
Þeir hlupu naktir í kalt vatnið og
veifuðu lurkum og sverðum.
AP
Milljónir
hindúa baða
sig í Ganges

Missagnir urðu/26
STJÓRN Ísraels tilkynnti í gær-
kvöldi að hún hefði ákveðið að
hefja friðarviðræður við Palestínu-
menn að nýju í Taba í Egyptalandi
í dag. Stjórnin sleit viðræðunum í
fyrradag eftir að tveir Ísraelar
voru skotnir til bana á Vestur-
bakkanum.
Í yfirlýsingu frá ísraelska for-
sætisráðuneytinu sagði að stjórnin
hefði ákveðið á fundi í gærkvöldi
að hefja viðræðurnar aftur eftir
útför Ísraelanna tveggja í dag og
þær ættu að standa í nokkra daga.
Ísraelar og Palestínumenn hófu
viðræðurnar á laugardag til að
reyna til þrautar að ná friðarsam-
komulagi fyrir forsætisráðherra-
kosningarnar í Ísrael 6. febrúar.
Ísraelskur heimildarmaður sagði
að viðræðunum yrði líklega haldið
áfram þar til á þriðjudaginn kem-
ur þegar vika verður til kosninga.
Ísraelski dómsmálaráðherrann
og samningamaðurinn Yossi Beilin
kvaðst gera sér grein fyrir því að
ef til vill yrði ekki hægt að ná frið-
arsamkomulagi á þeim skamma
tíma sem væri til stefnu. Í ísra-
elsku stjórninni voru skiptar skoð-
anir um hvort halda ætti viðræð-
unum áfram fyrir kosningarnar.
Skoðanakannanir benda til þess
Ariel Sharon, leiðtogi Likud-
flokksins, sigri Barak með miklum
mun í kosningunum.
Ísraelar
hefja
viðræð-
ur á ný
Jerúsalem. Reuters, AFP.
TALSMAÐUR hagsmunasamtaka danskra sjó-
manna, Bent Rulle, segir að samkomulag Evrópu-
sambandsins (ESB) og Noregs um að stöðva
þorskveiðar í Norðursjó í tíu vikur sé „heimsku-
legasta ákvörðun sem tekin hefur verið í ESB“
þann tíma sem hann hafi verið virkur í sjávarút-
vegsmálum. „Og það segir ekki svo lítið,“ bætti
hann við. Engin viðbrögð bárust í gær frá sjó-
mönnum í Noregi og á Bretlandi.
Danskir sjómenn eru æfir vegna ákvörðunar-
innar en hún kemur hart niður á þeim þar sem
þeir stunda einkum veiðar á þeim svæðum sem
verða lokuð, í norður- og austurhluta Norðursjáv-
ar. Segir Bent Rulle að bannið neyði danska sjó-
menn til að leita á önnur mið í Norðursjó þar sem
meira sé um smáfisk. Með því sé tekið fyrir veiðar
á stórþorski en þær auknar á smáfiski, sem sé í
andstöðu við verndunarsjónarmið.
Rulle telur að nær hefði verið að banna veiðar á
svæðunum nær Bretlandsströndum þar sem mik-
ið sé um að smáþorski sé hent við veiðar á öðrum
tegundum. Þá segir hann að í stað þess að banna
veiðar á svo mörgum tegundum hefði átt að herða
reglur um möskvastærð til að stöðva veiðar
skoskra og hollenskra sjómanna. Þeir veiði með 80
mm möskvum en danskir og sænskir sjómenn
hafa lagt til að möskvastærðin verði aukin upp í
110 mm.
Dönsku sjómannasamtökin hyggjast krefjast
skaðabóta vegna þess taps sem sjómenn verði fyr-
ir en Ritt Bjerregaard, matvælaráðherra Dan-
merkur, segir það ekki koma til greina, rétt eins
og að bændur fái engar skaðabætur vegna kúa-
riðumálsins.
Verndunarsinnar hafa einnig gagnrýnt bannið
en á öðrum forsendum, þeim að ekki sé nógu langt
gengið.
ESB og Noregur semja um að stöðva þorskveiðar í Norðursjó í tíu vikur
Veiðibanninu mótmælt
Kaupmannahöfn. Morgunblaðið.

Veiði bönnuð/26
ÞAÐ er erfitt að vera tilrauna-
rotta sem er látin hlaupa hring
eftir hring, tímunum saman,
og fær aðeins örlítinn skammt
af súkkulaðispæni að launum.
Þessi iðja er reyndar svo
erfið að rotturnar dreymir
hana á næturnar, að sögn
bandarískra vísindamanna.
„Við vitum nú með vissu að
þær dreymir og draumar
þeirra tengjast reynslu
þeirra,“ sagði Matthew Wilson
sem stjórnaði tilrauninni.
Vísindamennirnir komu fyr-
ir rafskauti í heila rottna til að
fylgjast með heilastarfseminni
meðan þær voru látnar hlaupa
í hring og einnig þegar þær
sváfu. Þeir komust að því að
þegar rotturnar sváfu starfaði
sá hluti heilans, sem tengist
minni, með nánast sama hætti
og þegar þær hlupu og þeir
gátu jafnvel greint hvar í
hringnum þær voru og hversu
hratt þær hlupu í draumnum.
Rottur
dreymir
Washington. Reuters.