Morgunblaðið - 25.01.2001, Blaðsíða 20

LANDIÐ
20 FIMMTUDAGUR 25. JANÚAR 2001 MORGUNBLAÐIÐ
Hvammstanga - Sveitarstjórn
Húnaþings vestra hefur ákveðið að
byggja íþróttahús á Hvammstanga
á þessu ári. Byggingin á að rísa við
hlið þjónustuhúss sundlaugarinnar
og tengjast því og þannig samnýta
aðkomu, búnings- og hreinlætisað-
stöðu. Húsið verður 32 x 24,5 m að
stærð með allt að sjö metra loft-
hæð. Gert er ráð fyrir að lengja
megi íþróttasalinn.
Tilboð í bygginguna voru opnuð
á skrifstofu sveitarstjóra hinn 23.
janúar. Fjórir aðilar gerðu tilboð í
verkið og voru tilboðin opnuð í við-
urvist flestra tilboðsgjafa, sveitar-
stjórnar og ráðgjafa hennar, svo og
sveitarstjóra.
Lægsta tilboðið var frá Tveimur
smiðum ehf. á Hvammstanga, 71
milljónir og 240 þúsund kr., stál-
grindarhús með eins metra háum
steyptum veggjum. Tilboð frá
Steypustöðinni ehf. á Hvamms-
tanga, stálgrindarhús, 77 milljónir
og 554 þús. kr. Þar var einnig boðið
steinsteypt hús á 80 milljónir og
365 þúsund kr. Tilboð kom frá ÍS-
TAK hf, stálgrindarhús upp á 80
milljónir og 518 þúsund kr. Tilboð
frá Stíganda hf. á Blönduósi, lím-
tréshús á 8 milljónir og 370 þúsund
kr., en þeir buðu einnig steinsteypt
hús á 90 milljónir og 594 þúsund kr.
Tilboðunum fylgdu fleiri frávikstil-
boð vegna mismunandi gólfefna,
sem reyndust vera frá 5,6 milljón-
um til 8 milljóna kr. af heildarverði.
Sveitarstjórn hefur allt að fjög-
urra vikna frest til að yfirfara til-
boðin. Ljóst er að tilboðin eru mun
hærri en vænst hafði verið og má
segja að þau endurspegli þenslu á
byggingarmarkaðinum í dag.
Nýtt íþróttahús á Hvammstanga
Fjögur tilboð
bárust í verkið
Morgunblaðið/Karl Á. Sigurgeirsson
Fulltrúar tilboðsgjafa á skrifstofu Húnaþings vestra. Páll Eggertsson,
Indriði Karlsson, Hilmar Kristjánsson og Halldór P. Sigurðsson.
Egilsstöðum - Sveitarstjórn Aust-
ur-Héraðs hefur ákveðið að kaupa
tvær af þremur flotbryggjum far-
þegaferjunnar Lagarfljótsormsins
á Lagarfljóti. Verður greitt fyrir
þær matsverð, um 1,6 milljónir
fyrir hvora um sig. Með þessu er
sveitarfélagið að leggja lóð á vog-
arskálar reksturs Lagarfljóts-
ormsins hf. á ferjunni, en hann
gekk ekki sem skyldi síðastliðið
sumar þegar farþegafjöldi stóð
ekki undir væntingum. Þá ferð-
uðust 5.500 farþegar með ferjunni,
en tæplega 8.000 sumarið áður.
Einnig hefur Lagarfljótsormur-
inn hf. sent Fellahreppi formlega
beiðni um að hann kaupi þriðju
flotbryggjuna af fyrirtækinu, en
þar mun erindið enn í athugun.
Austur-Hérað og Fellahreppur
hafa stofnað með sér hafnarsam-
lag. Það þarf að vinna hafnar-
reglugerð, sem m.a. þarf að fela í
sér ákvörðun um staðsetningu
hafnar fyrir farþegaferjuna og
eign eða umráðarétt landsvæðis
hafnarinnar. Þetta er skilyrði fyrir
fjárveitingu Siglingastofnunar til
hafnarinnar; 15,6 milljónir til
dýpkunar og stjórngarða og önnur
eins upphæð til gerðar bryggju, en
fjárveitingin er í tillögu á hafna-
áætlun og liggur nú fyrir sam-
göngunefnd Alþingis til afgreiðslu
á næstu vikum.
Ekki er ljóst hvar höfnin á Lag-
arfljóti verður í framtíðinni, en nú
eru flotbryggjurnar þrjár Egils-
staðamegin við brúarsporð Lag-
arfljótsbrúar. Það mun óhentugt
siglingafræðilega séð og fjárveit-
ing Siglingastofnunar m.a. háð því
að fundinn verði annar staður.
Nokkrir staðir, 400–600 metra of-
an við brúna, hafa verið nefndir,
en sem fyrr segir er alls óljóst
hvar höfnin verður sett niður.
Forsvarsmenn Lagarfljótsorms-
ins hf. eru bjartsýnir á komandi
sumar, ekki síst vegna þess fjölda
fólks sem búist er við að sæki
Landsmót UMFÍ, sem haldið verð-
ur á Egilsstöðum um miðjan júlí.
Tillaga að 31,2 milljóna fjárveitingu í höfn á Lagarfljóti
Morgunblaðið/Steinunn Ásmundsdóttir
Farþegaferjan Lagarfljótsormurinn liggur við vetrarfestar.
Allt á huldu um fram-
tíðarhafnarstæði
Mývatnssveit - Mývetningar fögn-
uðu þorrakomu með blóti á laug-
ardagskvöldið í Skjólbrekku og
var fjölmennt að venju eða á fjórða
hundrað gesta. Á þorrablóti í Mý-
vatnssveit er ætíð mjög blandað lið
veislugesta. Heimamenn á öllum
aldri frá 16 ára, einnig brottfluttir
Mývetningar og síðast en ekki síst
fólk sem búið hefur hér einhver ár
og tengst sveitinni tryggðabönd-
um, fjöldi slíkra kemur ætíð á
þorrablótið og verða þar fagnaðar-
fundir. Nú var fjöldi aðkomufólks
með mesta móti og má þakka það
einstakri veðurblíðu og góðri færð.
Sú er venja hér að hvert heimili
kemur með mat sinn í eigin trogi
og etur hver sitt, er þá að sjálf-
sögðu nokkur áherslumunur í mat-
föngum. Eitthvað hið sérstakasta í
trogum manna hér eru eflaust
úldnu eggin sem margir leggja
metnað sinn í að hafa með en
vandi er að verka þau svo gott
þyki.
Skemmtidagskráin einkenndist
af græskulausu gamni um sveit-
unga, athafnir þeirra eða sérkenni
og taka menn slíku vel. Hefur hér
trúlega lítið breyst síðan Látra
Björg sagði um Mývatnssveit:
„Fólkið gott en fær þann vott, að
fullt sé það af háði.“
Sum atriði dagskrárinnar voru
leikin af kvenfélagskonum og mök-
um þeirra en önnur fram borin í
bundnu máli, kemur sér þá vel að
ýmsir geta hér sett saman vísur.
Bragur eftir Friðrik Steingríms-
son, Gufubaðsvísur, var sunginn
við lagið „Stóð ég úti í tunglsljósi“,
þar er gert góðlátlegt grín að
gufubaðsferð einhvers en jarðbað
á sér margra alda hefð í Mývatns-
sveit og nota menn það óspart sér
til heilsubótar enda til þess góð
aðstaða austan Jarðbaðshóla.
Bragurinn er þessi:
Stóð ég úti í tunglsljósi stóð ég úti ber
Stúlkur komu úr Vogum og hlógu dátt
að mér.
Var það út af stubbaling þeim sem
undir er?
Eða var það vömbin sem dillaði sér?
Vöfðu þær sér handklæði vandlega
upp í háls.
Vöfruðu inn í gufu og tóku svo til máls.
Eins og þegar móðir við barn sig
byrsta fer
„bíddu ekki þarna uns kelur undan þér.“
Heldur betur aldeilis ég hentist innfyrir,
hlassaðist í bekkinn og sat þar
alveg kyrr,
með senjórítu bráðfagra sína á
hvora hlið,
svei mér ef að nafni minn lifnaði
ekki við.
Meðal fjölda annarra vísna var
þessi sending til Íslandspósts, eftir
fyrrnefndan Friðrik:
Hafist gæti röfl og róstur
ryskingar og hvað sem er,
þegar úldinn Íslandspóstur
eftir jólin skilar sér.
Á milli skemmtiatriða var sung-
ið og þykir mörgum þá vera há-
punktur samkomu með Mývetn-
ingum þegar Þráinn Þórisson
stígur á stokk og lætur söfnuðinn
syngja raddað „Litlu Stínu“. Að
loknu borðhaldi og skemmtiatrið-
um var svo stiginn dans fram eftir
nóttu við undirleik hljómsveitar
Valmars, Jósa og sona Dóra. Þar
söng Jóhanna Seljan tvö lög eftir
Sólveigu Illugadóttur við texta
Hákonar Aðalsteinssonar og Jón-
asar Friðriks.
Kvenfélag Mývatnssveitar hefur
haft veg og vanda af þorrablótum
Mývetninga í áratugi og gerir það
ætíð af miklum myndarskap. For-
maður kvenfélagsins er Anna Dóra
Snæbjörnsdóttir á Helluvaði.
Þorri blótaður
í Mývatnssveit
Þorlákshöfn - Ný og glæsileg
tvöhundruð fermetra félags-
miðstöð var formlega tekin í
notkun í Stjórnsýsluhúsinu í
Þorlákshöfn fyrir skömmu.
Ragnar M. Sigurðsson,
íþrótta- og æskulýðsfulltrúi,
sagði við það tækifæri að miklar
breytingar yrðu nú á starfsem-
inni sem hefur farið fram í
Grunnskólanum í tæp tvö ár
meðan framkvæmdir hafa staðið
yfir. Meðal breytinga á starf-
seminni sem fyrirhugaðar eru,
er að taka inn börn úr 6. og 7.
bekk og jafnvel að opna fyrir
yngstu nemendur framhalds-
skólanna. Hann sagði að mikill
áhugi væri í unglingaráðinu en
það stýrir starfseminni að mestu
ásamt starfsmönnum. Hjörleifur
Brynjólfsson oddviti óskaði ung-
lingunum til hamingju með nýju
aðstöðuna og sagði að breyting-
arnar hefðu kostað um 10 millj-
ónir og að auki hefði verið lögð
ein milljón til kaupa á tækjum
og húsbúnaði.
Þegar Hjörleifur hafði lokið
máli sínu brá hann sér í gervi
Johnny National sem hann taldi
víst að unglingarnir „fíluðu“
jafnvel enn betur en hann sjálf-
an. Mikill og góður rómur var
gerður að rapp- og eftirhermu-
hæfileikum oddvitans sem að
vísu viðurkenndi fyrir fréttarit-
ara eftir á að hann hefði notið
aðstoðar unglingssonar síns við
textagerðina, honum væri ekki
tamur allur þessi orðaforði ung-
linganna.
Morgunblaðið/Jón H. Sigurmundsson
Hjörleifur Brynjólfsson odd-
viti, í gervi Johnnys National,
óskar unglingum til hamingju
með nýju félagsmiðstöðina.
Það er betra að vera viss um að allt sé í lagi. Áhugasamir 8. bekk-
ingar, frá vinstri, Ársæll Guðmundsson, Kristín Henný Grétarsdóttir,
Örvar Unnþórsson og Davíð Guðlaugsson.
Ragnar M. Sigurðsson íþrótta- og æskulýðsfulltrúi, til vinstri, og
Hjörleifur Brynjólfsson oddviti prófa nýja poolborðið.
Ný félags-
miðstöð í
Þorlákshöfn