Morgunblaðið - 25.01.2001, Blaðsíða 4

FRÉTTIR
4 FIMMTUDAGUR 25. JANÚAR 2001 MORGUNBLAÐIÐ
LISTAHÁSKÓLI Íslands verður í framtíðinni
annaðhvort í Reykjavík eða Hafnarfirði og eru
ýmsir kostir þar að lútandi fyrir hendi innan
beggja sveitarfélaganna. Þetta kemur fram í
skýrslu sem Björn Stefán Hallsson hjá arki-
tektastofunni O’Donnell, Wicklund, Pigozzi and
Peterson Architechts Incorporated í Chicago í
Bandaríkjunum hefur gert fyrir stjórn Listahá-
skóla Íslands. Fjallar hún um mat á gæðum
húsnæðis, ímynd í húsakynnum, umhverfi og
staðsetningu.
Vanda þarf til staðsetningar
Í skýrslunni segir að vanda þurfi til staðsetn-
ingar Listaháskólans því hún muni hafa veruleg
áhrif á hvernig starfsemi hans þróast. Við stað-
arval verði að gæta þess sérstaklega að skólinn
geti sem best þjónað því markmiði að vera lif-
andi listamiðstöð í nánum tengslum við lista- og
menningarlífið í landinu. Ennfremur segir að
staðsetning í norðurhöfn Hafnarfjarðar sé afar
sérstök hvað varðar umhverfi og möguleika á
sérstakri ímynd sem hugsanlegt væri að tengja
staðsetningunni að útliti til. Slík staðsetning
myndi jafnframt vafalítið hafa sterk og sjálf-
gefin tengsl við kröftugt lista- og menningarlíf
þess bæjarfélags og vera kærkominn aflgjafi að
því leyti. Þar yrði skólinn hins vegar tiltölulega
einangraður frá helstu menningarstofnunum
landsins.
15 valkostir nefndir
í Reykjavík
Staðsetning við miðborg Reykjavíkur sé því
sennilega kjörkostur, en alls eru 15 valkostir
nefndir í umræddri skýrslu.
Meðal staða sem nefndir eru í Reykjavík eru
við Tryggvagötu 13 og 18, hús Landssímans við
Austurvöll, Tollhúsið við Tryggvagötu, lóðir og
byggingar Ellingsen og Bæjarútgerðar í Vest-
urhöfn, Héðinsreitur, lóð SVR við Sætún,
Miklatún og reitur við Umferðarmiðstöðina.
Loks segir að frekari umræða í stjórn
Listaháskóla Íslands, ásamt viðræðum við
borgaryfirvöld, önnur bæjarfélög, ráðuneyti,
eftir því sem þau hafi afskipti af málinu, og
lóðaeigendur, séu þeir aðrir, muni væntanlega
fækka þessum valkostum.
Ef eftir standi val á fleiri en einum kosti sé
eðlilegt að lausleg athugun verði gerð á þeim,
það er að metið verði nánar hvort húsrými
skólans kæmist þar fyrir og á hverjum þeirra
yrði hugsanlega náð fram mestum gæðum.
Skýrsla bandarískrar arkitektaskrifstofu hefur verið lögð fram
Listaháskólinn verði í
Reykjavík eða Hafnarfirði
MEÐAN skíðamenn gráta snjóleys-
ið kætast golfarar. Þeir hafa und-
anfarið getað leikið íþrótt sína á
golfvelli Golfklúbbs Ísfirðinga í
Tungudal en slíkt er sjaldgæft á
þessum tíma árs. Reyndar hefur
eitthvað verið spilað á vellinum í
hverri viku í allan vetur, að sögn
Finns Magnússonar golfara. Hann
segir menn grínast með það hvort
hægt verði að hafa orðið „árlegur“
framan við „aðventumót“ eða
„þorramót“ í framtíðinni.
„Við höfum oft áður getað leikið
á vellinum á Þingeyri á þessum
tíma en sjaldan í Tungudal,“ sagði
Óli Reynir Ingimarsson. „Þetta hef-
ur verið alveg yndisleg tíð fyrir
okkur og þá sérstaklega á laug-
ardaginn. Þá var vorblíða og yfir
20 manns léku á vellinum.“
Haldi sumarvindar áfram að
blása hér vestra er vissulega ætl-
unin að halda þorramót í golfi.
„Slíkt hefur aldrei verið gert,“ seg-
ir Óli. „Miðað við hvernig veðrið er
núna eigum við að geta spilað í
Tungudal eða á Þingeyri allar helg-
ar. Dagurinn er reyndar heldur
stuttur, en ef vel viðrar þegar dag-
ur lengist verður líklega haldið
mót.“
Morgunblaðið/Halldór Sveinbjörnsson
Þessir kappar voru ásamt mörgum öðrum á golfvellinum í Tungudal á laugardaginn: Finnur Magnússon, Sig-
urður Dagbjartsson, Jón H. Jóhannesson, Gunnar Pétur Ólason og Sigurjón Guðmundsson.
Þorramót haldið
ef svo heldur
sem horfir
Ísafirði. Morgunblaðið.
HÁKON Már Örvarsson mat-
reiðslumeistari lenti í gær í
þriðja sæti í matreiðslukeppn-
inni Bocuse d’Or í Lyon í
Frakklandi. Er þessi keppni sú
virtasta sem haldin er í heim-
inum og óopinber heimsmeist-
arakeppni kokka. Er hún kennd
við franska matreiðslumeistar-
ann Paul Bocuse, sem stofnsetti
keppnina á sínum tíma og er
enn yfirmaður hennar.
Frakkinn François Adamski,
sem starfar á Restaurant Prun-
ier í París, sigraði í keppninni
en í öðru sæti varð Svíinn Hen-
rik Norström. Hann og Hákon
voru jafnir að stigum að keppni
lokinni en Svíinn úrskurðaður í
annað sæti af dómnefnd.
Munu þeir þrír skrá nafn sitt
í sökkul við veitingastað Bocuse
í bænum Collonges skammt
norður af Lyon.
Alls voru þátttakendur frá 22
ríkjum og urðu þeir að spreyta
sig á því að elda barra annars
vegar og lamb hins vegar.
Búinn að bíða lengi
eftir þessum degi
„Maður er búinn að bíða lengi
eftir þessum degi og fara vel yf-
ir þessa hluti,“ sagði Hákon í
gærkvöldi. „Það gekk allt eftir,
tímasetningar á öllu og útfærsl-
an á réttunum. Þetta gekk allt
upp. Við fengum líka mikla at-
hygli fyrir kynningu okkar,
bækling og hörkuklapplið, sem
lét vel í sér heyra. Þetta er heil-
mikill sigur. Það gerir sér eng-
inn grein fyrir hvað þetta er
risavaxin keppni fyrr en hann
kemur á staðinn. Það var stór-
kostlegt að heyra nafn sitt og
stökkva upp á pallinn og fagna.
Ég veit ekki hvað voru margar
sjónvarpsupptökuvélar þarna,“
sagði Hákon, sem sat galakvöld-
verð á vegum Bocuse í Lyon í
gær.
Í þriðja sæti á
Bocuse d’Or
Sigríður Snævarr, sendiherra Íslands í Frakklandi, Árni M. Mat-
hiesen sjávarútvegsráðherra, Paul Bocuse, upphafsmaður Bocuse
d’or keppninnar, Ísólfur Gylfi Pálmason alþingismaður og Sturla
Birgisson, yfirmatreiðslumaður í Perlunni.
STJÓRN Útgerðarfélags Akureyr-
inga hefur samþykkt kauptilboð frá
Færeyjum í frystitogarann Svalbak.
Söluverð skipsins er um 650 millj-
ónir króna sem er hið sama og bók-
fært verð þess.
Svalbakur hefur síðustu fjögur ár-
in verið á veiðum utan landhelgi,
fyrst úr kvótum þýska útgerðar-
félagsins Mecklenburger Hochsee-
fischerei en á liðnu ári var Svalbakur
gerður út á rækju á Flæmingja-
grunni og í Barentshafi í samvinnu
við litháíska aðila. Guðbrandur Sig-
urðsson, framkvæmdastjóri ÚA,
segir að borist hafi álitlegt tilboð í
skipið og það hafi þótt hagstæðari
kostur að ganga að því en halda skip-
inu á veiðum. Hann segir að salan
hafi lítil áhrif á starfsemi félagsins.
Áætlað er að skipið verði afhent
nýjum eigendum í febrúar nk. og
verður það að öllum líkindum gert út
á rækjuveiðar.
Svalbakur
seldur til
Færeyja
JEPPABIFREIÐ var stolið frá
Suðurgötu í Keflavík um kl. 7 í
gærmorgun. Eigandinn hafði sett
jeppann í gang til að hita hann
upp. Þegar hann var nýkominn inn
um dyrnar á heimili sínu heyrði
hann að jeppanum var ekið á
brott.
Jeppinn er af gerðinni Toyota
Landcruiser, árgerð 1999, dökk-
grænn og á stórum hjólbörðum.
Skráningarnúmer hans er OY-976.
Lögreglan í Keflavík biður þá sem
hafa upplýsingar um málið að hafa
samband við lögreglu.
Í fyrrinótt var einnig brotist inn
í fimm bíla í Reykjanesbæ og
geislaspilurum úr þeim stolið. Í
flestum tilvikum voru bílarnir
reyndar ólæstir þannig að þjóf-
urinn átti greiða leið að tækjunum.
Jeppa stolið í
Keflavík
♦ ♦ ♦
♦ ♦ ♦
MYNDBANDSTÆKI var stolið af
Listasafni ASÍ í fyrradag. Í tækinu
var myndbandsverk eftir listakon-
una Önnu Jóa.
Verkið heitir „Mynd í rauðu,
grænu og bláu“ og var hluti af sýn-
ingu hennar í safninu. Tækið stóð
á gangi safnsins þegar því var stol-
ið.
Anna biður þjófana um að póst-
setja spóluna og senda hana aftur
á Listasafn ASÍ enda hafi verkið
mikið tilfinningalegt gildi fyrir sig.
Myndbands-
verki stolið
Listasafn ASÍ