Morgunblaðið - 14.02.2001, Side 10

FRÉTTIR
10 MIÐVIKUDAGUR 14. FEBRÚAR 2001 MORGUNBLAÐIÐ
69. FUNDUR hefst á Alþingi í
dag, miðvikudag, kl. 13.30. Á dag-
skrá fundarins eru:
1. Lax- og silungsveiði, stjfrv.,
Frh. 1. umr. (Atkvgr.).
2. Dýrasjúkdómar, stjfrv., Frh.
1.umr. (Atkvgr.).
3. Lax- og silungsveiði, stjfrv.,
Frh. 1. umr. (Atkvgr.).
4. Eldi nytjastofna sjávar, stjfrv.,
Frh. 1. umr. (Atkvgr.).
70. fundur hefst strax á eftir, en
þar eru á dagskrá eftirtalin mál:
Fyrirspurnir til samgönguráð-
herra:
1. Vegagerðin, fsp. frá GunnB,
363. mál, þskj. 566.
2. Sjúkraflug, fsp. frá KLM, 405.
mál, þskj. 659.
Fyrirspurnir til félagsmálaráð-
herra:
3. Tjón af völdum óskilagripa,
fsp. frá SJS, 387. mál, þskj.
637.
4. Undanþágur frá fast-
eignaskatti, fsp frá EKG., 409.
mál, þskj. 664.
Fyrirspurn til sjávarútvegs-
ráðherra:
5. Hvalveiðar, fsp. frá SvanJ,
397. mál, þskj. 647.
Fyrirspurnir til iðnaðarráðherra:
6. Endurgerð brúar yfir
Ströngukvísl, fsp. frá JB, 398.
mál, þskj. 649.
7. Staða sjávarbyggða, fsp. frá
SJS, 404. mál, þskj. 656.
Fyrirspurn til landbúnaðarráð-
herra:
8. Reglur Evrópusambandsins
um viðskipti með dýraafurðir,
fsp. frá JB, 400. mál, þskj. 652.
Fyrirspurn til menntamálaráð-
herra:
9. Framhaldsskólanám í Stykk-
ishólmi, fsp. frá JB, 406. mál,
þskj. 661.
Fyrirspurn til fjármálaráðherra:
10. Fasteignamat ríkisins og
Landskrá fasteigna, fsp. frá
ÁSJ, 395. mál, þskj. 645.

NEFNDIR Alþingis flytjast nú
á næstunni úr Þórshamri í ný-
uppgert hús gegnt Alþingishús-
inu, sem hefur fengið nafnið Ísa-
foldarhús.
Bókasafn Alþingis og tækni-
deild flytjast yfir í Þórshamar.
Halldór Blöndal forseti Alþingis
skýrði frá þessu í upphafi þing-
fundar á mánudag.
Sagði Halldór af þessu tilefni,
að fastanefndirnar hefðu haft að-
setur í Þórshamri allt frá árinu
1965 og alls hefðu þar farið fram
um 10 þúsund nefndafundir á því
tímabili.
Í nýju húsnæði yrði mun rúmra
um starfsemina og vonandi myndi
það skila sér í betra starfi.
Um leið væri tímanna tákn að
hin ört vaxandi tæknideild Al-
þingis fengi betri aðstöðu.
Nefndir Alþingis
flytjast

FIMMTÁN þingmenn úr öllum
þingflokkum á Alþingi, utan Vinstri
grænna, hafa lagt fram á Alþingi
frumvarp til laga um að lögleiða
ólympíska hnefaleika. Er um að
ræða óbreytt frumvarp frá því sem
lagt var fram á síðasta þingi og fellt
eftir miklar umræður og munaði
aðeins einu atkvæði.
Fyrsti flutningsmaður frum-
varpsins er Gunnar Birgisson, þing-
maður Sjálfstæðisflokksins. Það er
einungis fjórar greinar og kveður á
um að heimil sé keppni og sýning á
ólympískum hnefaleikum. Enn
fremur sé heimilt að kenna ólymp-
íska hnefaleika, selja og nota hnefa-
leikaglófa (hanska) og önnur tæki
sem ætluð eru til þjálfunar í ólymp-
ískum hnefaleikum og að Íþrótta-
og ólympíusamband Íslands setji
reglur um ólympíska hnefaleika.
Hnefaleikar enn
á dagskrá
ÁKVÆÐI laga um Ríkisútvarpið
sem varða framkvæmdasjóð stofnun-
arinnar verða felld niður samkvæmt
frumvarpi til laga sem lagt hefur ver-
ið fram á Alþingi. Menntamálaráð-
herra tekur undir með útvarpsstjóra
um að markmiðum sjóðsins hafi verið
náð og því sé ekki þörf fyrir hann
lengur. Gagnrýnt var á þingi, einkum
af þingmönnum Vinstri hreyfingar-
innar – græns framboðs að enn hafi
ekki öllum landsmönnum verið
tryggður aðgangur að útsendingum
RÚV og þar með hafi framkvæmda-
sjóðurinn enn hlutverki að gegna. Því
eigi ekki að leggja hann niður.
Framkvæmdasjóður Ríkisút-
varpsins var stofnaður með breyt-
ingu á útvarpslögum árið 1970. Var
þá kveðið á um að 5%
af heildartekjum
stofnunarinnar
skyldu renna í sjóð-
inn. Það hlutfall var
hækkað í 10% með
breytingu á útvarps-
lögum árið 1979.
Í greinargerð frá
útvarpsstjóra sem
fylgir frumvarpinu
segir að markmiðum
framkvæmdasjóðsins
hafi verið náð og það hafi verið inn-
siglað nú fyrir skemmstu þegar sjón-
varpsstarfsemi Ríkisútvarpsins var
flutt í Útvarpshúsið við Efstaleiti og
öll starfsemi stofnunarinnar samein-
uð þar.
Stórátak hafi
og verið gert í
endurbyggingu
langbylgjukerf-
isins með hin-
um nýju sendi-
stöðvum á
Gufuskálum og
Eiðum. Á all-
nokkrum
sveitabæjum á
tiltölulega af-
skekktum
svæðum séu enn ekki skilyrði til að
ná útsendingum Sjónvarpsins.
Áætlað sé að kostnaður vegna við-
bótarsenda og annarra aðgerða við
dreifikerfið til að þjóna umræddum
bæjum, sem eru 41 að tölu, nemi um
120 milljónum króna. Þá er miðað við
venjulega senda fyrir eina rás Sjón-
varpsins. Ný tækni, sem er í þróun,
geti orðið álitlegur kostur við að
leysa umrædd tæknivandamál með
heildstæðari lausnum en viðbætur
við hið hefðbundna dreifikerfi Sjón-
varpsins fela í sér.
Vísaði útvarpsstjóri m.a. til þess að
Landssíminn ynni nú að áætlun um
ISDN-væðingu sveitabæja. Með
þeirri tækni væri lagður grunnur að
stafrænum flutningi til símnotenda.
Sá grunnur gæti jafnframt verið
nýttur til að flytja sjónvarpsefni frá
dagskrárveitu til notenda ef fjarlægð
frá stofnveitu fjarskiptakerfisins í
heimahús notenda væri innan viðráð-
anlegra marka.
Deilt um framkvæmdasjóð RÚV
TILLAGA til þingsályktunar um
lagabreytingar til að fullnægja
ákvæðum Genfarsáttmálans um
vernd óbreyttra borgara á stríðs-
tímum hefur verið lögð fram á Al-
þingi. Flutningsmaður tillögunnar
er Steingrímur J. Sigfússon, þing-
maður Vinstri hreyfingarinnar –
græns framboðs.
Tillagan kveður á um að Alþingi
álykti að fela ríkisstjórninni að und-
irbúa lagasetningu um viðurlög við
stríðsglæpum í samræmi við ákvæði
Genfarsáttmálans frá 1949 um
vernd óbreyttra borgara á stríðs-
tímum og viðauka við hann frá
árinu 1977.
Í greinargerð með tillögunni seg-
ir að Genfarsáttmálarnir frá árinu
1949 um vernd óbreyttra borgara,
sjúkra og fanga við hernaðarátök
og hernám séu meðal mikilvægustu
alþjóðasáttmála sem gerðir hafi
verið um mannréttindi. Í sáttmála
um vernd óbreyttra borgara á
stríðstímum sé kveðið skýrt á um
það í 146. gr. að aðildarríki hans
skuldbindi sig til að lögleiða viðeig-
andi refsingar við alvarlegum brot-
um gegn ákvæðum sáttmálans.
Sáttmálinn var undirritaður 12.
ágúst 1949 og tók gildi 21. október
1950. Ísland fullgilti sáttmálann
1965 og tók hann gildi hvað Ísland
snertir ári síðar. Með þingsálykt-
unartillögunni er hins vegar skorað
á ríkisstjórnina að beita sér fyrir
lagasetningu sem fullnægi ákvæð-
um 146. gr. sáttmálans.
Tillagan var áður flutt á síðasta
þingi en varð þá eigi útrædd og er
endurflutt nú óbreytt.
Ákvæðum Genfarsátt-
málans verði fullnægt
JÓHANNES Jónsson, stjórn-
arformaður Baugs hf., afhenti
Barnaspítala Hringsins í gær
lungnamælingatæki fyrir nýbura.
Atli Dagbjartsson, yfirlæknir
barnadeildarinnar, veitti gjöfinni
viðtöku og sagði þennan sérbúna
tækjabúnað breyta í mörgu að-
stæðum hér á landi til sjúkdóms-
greiningar á fyrirburum og astma-
sjúkum börnum allt að fimm ára
aldri. Þetta er fyrsta tæki sinnar
tegundar sem tekið hefur verið í
notkun á Íslandi. Búnaðurinn kost-
ar milli 8 og 9 milljónir króna og
var fjárins aflað með sölu á hljóm-
disknum Velkomin jól sem út kom
fyrir síðustu jól í nafni líknarfélags-
ins Barnið okkar í samstarfi við
Bónus, Hagkaup og Olís.
Hákon Hákonarson, sérfræð-
ingur í lungnasjúkdómum barna,
segir tækið munu gerbreyta að-
stöðu lækna hér á landi hvað varðar
vinnslu gagna og greiningu margra
mikilvægra lungna- og öndunar-
færasjúkdóma hjá ungbörnum og
koma til með að hjálpa til við að
greina þau börn sem séu í mestri
áhættu á að fá lungnasjúkdóma, og
mæla svörun við þeirri meðferð
sem nú er veitt. Börn sem fæðast
fyrir tímann, börn með meðfædda
lungnagalla svo og börn sem fá al-
varlegar öndunarfærasýkingar á
fyrstu dögum eftir fæðingu eru í
aukinni hættu á að hljóta varan-
legan lungnaskaða sem getur haml-
að bæði almennum þroska þeirra
og vexti í framtíðinni. Hákon segir
mikilvægt að fylgjast náið með
þessum börnum svo hægt sé að
koma í veg fyrir frekari skaða og
stuðla að sem bestri útkomu. Tækið
muni gera þetta auk þess að auka
þekkingu lækna og bæta greiningu
og meðferð við þeim lungnasjúk-
dómum sem hrjái íslensk börn.
Barnaspítali Hringsins fær lungnamælingatæki að gjöf
Morgunblaðið/Árni Sæberg
Jóhannes Jónsson afhenti Atla Dagbjartssyni, yfirlækni barnadeildar, lungnamælingatækið.
Bætir meðferð og greiningu á
lungnasjúkdómum ungbarna
FRIÐRIK Þór Guðmundsson,
faðir eins fórnarlamba flugslyss-
ins í Skerjafirði, segir það ekki
koma til móts við sínar kröfur
að samgönguráðherra fari til
formanns flugslysanefndar og
fái þau skilaboð frá honum að
rannsókn flugslyssins sé í eðli-
legu fari.
„Hvað það varðar að ráðherra
telji rannsóknina í góðum hönd-
um formanns flugslysanefndar,
þá er ég einfaldlega afar ósam-
mála ráðherra og tel rannsókn-
ina þurfa á því að halda að það
komi maður að utan. Ég stend
við þá skoðun mína að Þorsteinn
Þorsteinsson eigi að koma inn
og erlendur sérfræðingur að
fara yfir rannsóknina. Ég tel
þetta mjög brýnt,“ sagði Friðrik
í samtali við Morgunblaðið.
Ekki um nýjan
liðsauka að ræða
Í frétt Morgunblaðsins í gær
er haft eftir Sturlu Böðvarssyni
að rannsóknanefndinni hafi
bæst liðsauki Þormóðs Þor-
móðssonar, fyrrverandi flug-
rekstrarstjóra Íslandsflugs, sem
hefði verið ráðinn til starfa hjá
nefndinni.
Að sögn Friðriks er þarna
verið að gefa í skyn að sér-
staklega hafi verið kallað á nýj-
an liðsmann og þá væntanlega í
tengslum við fjarveru Þorsteins
Þorsteinssonar stjórnanda rann-
sóknarinnar. Þess beri hins veg-
ar að gæta að Þormóður hafi
verið ráðinn í fyrra til að taka
við formennsku í flugslysanefnd
af Skúla Jóni Sigurðarsyni og
hafi Þormóður hafið störf hjá
flugslysanefnd um síðustu ára-
mót og hafi verið í starfsþjálfun
sem væntanlegur formaður.
Hann geti því ekki talist nýr
liðsauki og segir Friðrik að
hann hafi gert allar sínar at-
hugasemdir að teknu tilliti til
þess að Þormóður hafi verið
starfsmaður flugslysanefndar.
Krefst
upplýsinga
Í frétt Morgunblaðsins í gær
segist samgönguráðherra ekki
hafa fengið nákvæmar upplýs-
ingar um það hvenær Þorsteinn
Þorsteinsson hafi verið frá
rannsókninni, nema þann tíma
sem hann hafi fengið formlega
launalaust leyfi.
Friðrik segir athyglisvert að
ráðherra hafi ekki fengið ná-
kvæmari upplýsingar og segist
standa við þá skoðun sína að um
miðjan janúar hafi Þorsteinn
sagt að þá væri hann að fara í
stutt leyfi. „Ég krefst þess að
það verði upplýst hvenær Þor-
steinn var frá rannsókn og hve-
nær hann var við rannsókn,“
segir Friðrik.
Friðrik Þór Guðmundsson ósáttur
við viðbrögð samgönguráðherra
Brýnt að fá utan-
aðkomandi aðila
að rannsókninni