Morgunblaðið - 25.03.2001, Blaðsíða 18
FORMÚLA-1
18 SUNNUDAGUR 25. MARS 2001 MORGUNBLAÐIÐ
ÞETTA var eins og fæðing. Barn-ið er komið í heiminn og það
grét fallega í dag, sagði Andre de
Cortanze, tæknistjóri formúludeild-
ar Toyota, eftir frumakstur fyrsta
bíls sem Toyota smíðar vegna þátt-
töku sinnar í Formúlu-1, en liðið mun
mæta til leiks í fyrsta móti að ári.
Markar afhjúpun rauðhvíta bílsins
og frumaksturinn í Paul Ricard-
brautinni við Miðjarðarhafsströnd
Frakklands í fyrradag upphaf um-
fangsmikilla prófana næstu 11 mán-
uðina svo liðið megi koma sem best
undirbúið til leiks.
Toyota, þriðji stærsti bílafram-
leiðandi heims, hefur skellt sér út í
þann harða slag sem Formúla-1 er
og ætlar sér stóran hlut. Hefur und-
irbúningur að því staðið yfir í tæp tvö
ár og á föstudag var fyrsti bíll liðsins
afhjúpaður við athöfn í hinni sögu-
frægu Paul Ricard-braut við Mið-
jarðarhafsströnd Frakklands að við-
stöddum rúmlega 300 fulltrúum
fjölmiðla og fjölda annarra gesta.
Forsvarsmenn liðsins og Toyota
sögðust þar gera sér grein fyrir því
hversu dýrkeypt það væri að mistak-
ast í Formúlu-1 og virðast því hafa
vandað vel til hlutanna. Hjá keppn-
isdeildinni, sem risamannvirki hefur
verið byggt yfir í Köln í Þýskalandi,
starfa nú þegar um 550 manns af 27
þjóðernum og hafa 60% þeirra
reynslu af störfum á vettvangi
Formúlu-1. Þótt liðið byrji frá
grunni hvað hönnun bíls og keppnis-
liðs varðar eru þó engir nýgræðingar
þar að störfum því kjarninn er mann-
skapur sem vann að þróun keppn-
isbíls sem vann heimsmeistaratitil í
ralli og Le Mans-kappaksturinn. Til
að einbeita sér að Formúlu-1 hætti
Toyota hins vegar þátttöku í þessum
tveimur greinum í hittiðfyrra.
Með þátttökunni í Formúlu-1 er
gamall draumur forsvarsmanna
Toyota sagður rætast. Íþróttin sé
æðsti mælikvarði á tæknilegt ágæti
og því sé mikið í húfi að standa sig
vel. Góður árangur mun ekki einung-
is nýtast tæknideildum fyrirtækisins
varðandi þróun og smíði fólksbíla
heldur og gagnast í markaðssetn-
ingu. Ekki síst í Evrópu sem verið
hefur lokuð utanaðkomandi bíla-
framleiðendum allt fram á síðustu
ár.
Toyota fer ekki mjög troðnar slóð-
ir því það ætlar að smíða bæði bíl
sinn og mótor hans sjálft. Af núver-
andi keppnisliðum, og reyndar um
langt árabil, er Ferrari hið eina sem
gerir slíkt hið sama. Og frönsku bíla-
verksmiðjurnar Renault bætast í
hópinn á næsta ári en þær byrja þó
ekki frá grunni heldur keyptu Ben-
etton-liðið með húð og hári til að
komast inn í íþróttina. Norðmaður-
inn Ove Anderssen, yfirmaður
keppnisdeildar Toyota, sagði að
þetta væri hinn eðlilegi gangur mála
hjá Toyota. „Ég veit ekki hvort þetta
er fljótasta leiðin á toppinn en að
okkar mati er þetta rétta leiðin.
Þrautseigja, hollusta og ástríða allra
starfsmanna mun ráða hvort árang-
ur náist. Takist vel til geta starfs-
menn fyrirtækisins glaðst en mistak-
ist okkur höfum við ekki við aðra en
okkur sjálfa að sakast, sagði hann.
Ætla sér árangur
skjótar en í CART
Við athöfnina skein í gegn að Toy-
ota ætlar sér stóra hluti í Formúlu-1.
Þó vörðust forsvarsmenn Toyota að
setja einhverja mælistiku á hvenær
fyrsti mótssigur skyldi verða í höfn
og hvenær ætlunin væri að liðið
keppti um heimsmeistaratitla. „Liðið
er ekki nógu hrokafullt til að lýsa því
yfir hvenær það ætlar að vinna mót
fyrsta sinni, sagði aðalökuþórinn
Mika Salo. Akihiko Saito, forstjóri
Toyota, sagði þó að liðið ætlaði sér
árangur skjótar en í bandaríska
CART-kappakstrinum. Þar hafa
verksmiðjurnar lagt nokkrum
keppnisliðum til mótora í bíla sína
síðustu fimm árin með þeim árangri
að þeir fimm mót í fyrra. Af orðum
Saito verður því ráðið að ekki er ætl-
unin að svo langur tími líði áður en
Toyota vinnur sinn fyrsta sigur í
Formúlu-1.
Af hógværð sagði Andersson þó að
fyrsta markmiðið væri að komast í
gengum tímatökurnar í fyrsta
mótinu, í mars á næsta ári. Jean
Claude Martens, aðalhönnuður und-
irvagns og yfirbyggingar, segir að í
raun og veru sé bíllinn, sem afhjúp-
aður var í fyrradag, að öllu leyti
tilbúinn til keppni. Hann uppfylli all-
ar kröfur um höggvarnir og nýjustu
tæknireglur greinarinnar. Segir
hann talsverðan sveigjanleika mögu-
legan í hönnunarforsendum bílsins
sem komi sér vel við þróun hans á
næstu mánuðum.
Sá orðrómur hefur verið á kreiki
að CocaCola-verksmiðjurnar verði
einn aðalsamstarfsaðili Toyota en
ekkert í þá veru var látið uppi við at-
höfnina. Myndu verksmiðjulitir Toy-
ota og gosdrykkjaframleiðandans þó
fara vel saman. Einungis var upplýst
hverjir helstu tæknilegu samstarfs-
aðilar liðsins yrðu, en þar á meðal
mun franski dekkjaframleiðandinn
Michelin sjá því fyrir dekkjum á
næstu árum, Exxon Mobil fyrir
bensíni og smurolíum, Magneti Mar-
elli fyrir rafeindastýrikerfum vegna
mótors og franska veðurstofan fyrir
veðurupplýsingum á mótum.
Ljóst má vera að Toyota hefur
varið gríðarlegum fjármunum í und-
irbúning sinn en hafist var handa um
hönnun bílsins fyrir tæpum tveimur
árum og fyrsti V10-mótorinn var
gangsettur í bekk í september í fyrra
eftir umfangsmikið þróunarstarf.
Kostnaðartölur vildu forsvarsmenn
ekki nefna en til samanburðar er tal-
ið að Ferrari verji í ár 284 milljónum
dollara vegna þátttöku sinnar í
Formúlu-1 og McLaren 274 en hjá
ítalska liðinu starfar 681 maður en
því enska 450.
Salo ánægður
Eftirvænting ríkti er Mika Salo
skyldi frumaka bílnum. Á slaginu
13:40 að staðartíma, 12:40 að íslensk-
um tíma, ók hann út úr hinni tækni-
væddu bækistöð sem Toyota hefur
sett upp við Paul Ricard-brautina og
verður heimili annarrar tilrauna-
sveitar liðsins næstu 11 mánuðina.
Eftir samakstur í einn hring með
Corolla-rallbíl og Le Mans GT-1 bíl
tók Salo á sprett.
Lagði Salo sex hringi að baki og að
frumakstrinum loknum skein af hon-
um ánægjan. Sagðist þó hafa haldið
aftur af sér enda aldrei áður ekið
hring í brautinni, svo og verið var-
aður við því af Andre de Cortanze
tæknistjóra að klessukeyra ekki
frammi fyrir heimspressunni. Sömu-
leiðis ekki vitað um brautarhita og
virkni dekkja við aðstæður sem í
brautinni voru. „Það þarf að smá-
stilla eitt og annað til að bæta með-
færileikann; gírskiptinguna, hæðina
undir bílinn og dekkjahallann. Á því
byrjum við á morgun, en aðalatriðið
er að við erum komnir í gang. Fyrir
aksturinn varaði Andre mig við því
að klessukeyra en ég var búinn að
gleyma varnaðarorðunum eftir tvo
hringi. En ég vissi ekkert við hverju
var að búast svo ég var svolítið
óstyrkur, sagði Salo.
„Ég er mjög ánægður það sem af
er. Eftir þessu augnabliki hef ég
lengi beðið. Nú getum við hafist
handa af alvöru. Það er erfitt að
segja til um hvar við munum standa
þegar við hellum okkur í keppni en
allur mannskapurinn mun gera sitt
besta. Og sé útlitið eitthvað til að
fara eftir þá verður hann hraðskreið-
ur en byltingarkenndi búnaðurinn er
falinn undir hinu fagra skinni. Það
verður ekki bara mikilvægt fyrir
Toyota að við verðum samkeppnis-
færir, heldur Formúlu-1 líka. Íþrótt-
in þarf á öðru stórliði að halda, von-
andi verður það Toyota. Þess vegna
réð ég mig til liðsins, sagði Salo.
Þó svo vélarhljóðin þættu benda
til þess að þak hefði verið sett á
mögulegan snúningshraða að þessu
sinni gaf Salo hressilega í eftir hin-
um langa upphafs- og lokakafla
brautarinnar, frammi fyrir gestum
og mörg hundruð blaða- og sjón-
varpsmönnum hvarvetna að úr heim-
inum. Hægði þó á sér fyrir beygjur
og skipti niður miklu fyrr en hann
myndi gera í keppni.
Salo sagði að bíllinn hefði haft til-
hneigingu til að yfirstýra en ekki
væri búið að setja í hann spólvörn.
Svo sem greinilega mátti sjá er hann
spólaði út úr annars gírs beygju og
byrjaði sprettinn niður eftir upp-
hafs- og lokakafla brautarinnar.
Frumaksturinn vakti athygli við-
staddra enda snurðulaus. Sem á ekki
alltaf við er keppnislið í Formúlu-1
frumsýna nýja bíla sína, hvað þá þeg-
ar nýtt lið mætir til leiks sem smíðað
hefur bíl sinn frá grunni að mótor
meðtöldum.
Morgunblaðið/Ágúst Ásgeirsson
Mika Salo frumekur Toyotabílnum í Paul Ricard-brautinni í Frakklandi og fer hér yfir marklínuna á um 300 kílómetra hraða. Mikil eftirvænting ríkti við brautina er Salo
hóf aksturinn. Þótti hann takast vel en aksturinn markar upphaf umfangsmikilla 11 mánaða bílprófana áður en Toyota hefur keppni í Formúlu-1 á næsta ári.
Toyota hell-
ir sér út í
slaginn í
Formúlu-1
AP
Allan McNish og Mika Salo svipta hulunni af Toyotabílnum við athöfnina á Paul Ricard-brautinni.
TOYOTA ætlar greinilega að und-
irbúa sig sem best undir þátttöku í
Formúlu-1 á næsta ári. Með frum-
akstrinum í Paul Ricard-brautinni
við smábæinn Le Castellet skammt
frá Marseille hófst 11 mánaða törn
þar sem hvergi verður slakað á.
Tvær aksturstilraunasveitir
verða að störfum. Annars vegar
hefur Toyota komið sér upp full-
kominni bækistöð við Paul Ricard-
brautina og þar mun bíllinn verða
þróaður, mótor, yfirbygging, loft-
aflið o.s.frv. Aksturinn þar verður
að mestu í höndum Mika Salo.
Hins vegar verður önnur til-
raunasveit að störfum með Allan
McNish undir stýri og mun heim-
sækja flestar brautirnar sem keppt
er á í Formúlu-1. Þar gefst ekki að-
eins tækifæri til að reyna bílinn á
eiginlegum keppnisbrautum, heldur
staðfestu forsvarsmenn Toyota á
blaðamannafundinum í Paul Ricard,
að liðið yrði í einhverjum brautanna
um leið og núverandi keppnislið í
Formúlu-1. Þar með fengist lítils-
háttar samanburður og mælikvarði
á hvar liðið stæði miðað við önnur.
Mun þetta þó ekki eiga sér stað fyrr
en á seinni hluta keppnistímabilsins,
um og upp úr júlí. Á þeim tíma er
bílþróun keppnisliðanna mjög langt
komin og samanburðurinn því Toy-
ota mikilsverður varðandi eigin
þróun.
Toyota hóf reyndar aksturspróf-
anir þegar í fyrra og bar þá GT1-
bíllinn úr Le Mans-kappakstrinum
notaður til að prófa ýmsa íhluti og
kerfi komandi keppnisbíls, m.a.
vökvakerfin og bremsukerfin. Sagði
McNish að með því hefði þegar ver-
ið komið í veg fyrir ýmis vandamál
sem ella hefði verið við að etja í ár.
Tveir tilraunahópar