Morgunblaðið - 25.03.2001, Qupperneq 24

LISTIR
24 SUNNUDAGUR 25. MARS 2001 MORGUNBLAÐIÐ
Leiðbeinendastörf með hressu, ungu fólki
Fjölbreytt og gefandi störf.
Kjörið fyrir þá sem kraftur er í og kjósa útiveru
og skemmtilegan félagsskap.
Væntanlegir leiðbeinendur sækja námskeið
í upphafi ráðningartímans, t.d. í stjórnun,
vinnu með unglingum, ýmsum öryggismálum
og verklegum störfum.
Athugið að margvísleg reynsla og þekking
fæst með þessum störfum, sem nýtist fólki vel,
þegar horft er til framtíðar.
Frekari upplýsingar á skrifstofu
og heimasíðu okkar: www.vinnuskoli.is
VINNUSKÓLI
REYKJAVÍKUR
Borgartúni 1 • 105 Reykjavík
Sími 511 2590 • Fax 511 2599
Netfang: vinnuskoli@vinnuskoli.is
Veffang: www.vinnuskoli.is
VEFNAÐUR hefur verið skil-
greindur ansi þröngt á undanförnum
áratugum eins og reyndar allir miðlar
innan myndlistarinnar. Það er eins og
menn hafi ekki áttað sig almennilega
á þeim breytingum sem urðu á listinni
upp úr 1960, þegar formalisminn varð
að láta undan síga fyrir stöðugt djarf-
ari tilraunastarfsemi. Á árunum 1965
til 1970 gjörbylti bandaríska listakon-
an Eva Hesse öllum viðteknum skoð-
unum manna um veflistina með því að
tengja hana höggmyndalistinni svo
órjúfanlegum böndum að erfitt er að
sjá hvað er hvað, höggmynd eða text-
íll. Inn í þessa gerjun blandaðist auð-
vitað aldalöng kynjatogstreita þar
sem karlmenn reyndu að varðveita
hreinleik viðfangsefna sinna með því
að hnýta í aðrar listgreinar en mál-
ara- og höggmyndalist og kalla þær
einberar hannyrðir. Eins og landið
liggur í dag er munurinn á myndlist
og myndlist – málverki og vefnaði –
sáralítill á stundum enda er undir-
staða hvorrar greinar fyrir sig ofinn
strigi eða léreft. Var einhver stór-
vægilegur grundvallarmunur á að-
ferðum enska málarans Gary Hume
og egypska vefarans Ghada Amer í
Feneyjum í hittifyrra þótt málarinn
notaði álplötur en vefarinn striga sem
undirstöðu? Guðrún Gunnarsdóttir
hefur verið manna ötulust að upp-
hefja þann stimpil sem konur hafa
verið brennimerktar með því að
teygja veflistina út á ystu mörk þar
sem teikning, höggmyndalist og
þráðavinna sameinast í sérkennilega
svífandi lágmyndadansi. Austurvegg-
urinn í Ásmundarsal talar sínu máli.
Þar hefur Guðrún losað sig undan
skipulagðri hnýtingu, en bregður í
staðinn á þann leik að nota mismun-
andi þykkt og hnökur til að kalla fram
veggjakrot sem er margbrotið að
áherslum og eðli eins og besta teikn-
ing. Þá sýnir hún einnig fínleg net
sem hún hnýtir úr grönnum vír,
gúmmí, pappírsþráðum og akrýl, svo
verkin fylgja annað hvort tvívíðum
gildum og minna sumpart á laust
hnýttan fatnað, eða hanga í þéttari og
þrívíddarkenndari dokkum eftir
veggnum. Stundum er eins og Guð-
rún sjáist ekki beint fyrir í sköpunar-
gleði sinni og vilji takast á við allt í
einu. En slík hvatvísi verður að teljast
jákvæð innan um alla þá drepandi
varúð sem gerir íslenska list oft svo
yfirmáta hretlega og norræna – í nei-
kvæðri merkingu þess orðs. Guðrún
leyfir sér til að mynda ákveðið frelsi í
gryfjunni sem heppnast sumpart eins
og í málverkabendunni Óður til Hag-
kaupssloppsins, en virkar ef til vill
minna sannfærandi í syrpunni Ilmur.
Þessi augljósa tilraunastarfsemi
breytir því þó ekki að enn staðfestir
Guðrún Gunnarsdóttir sig sem einn
allrasnarpasti vefari okkar fyrr og
síðar.
Veggjakrot
MYNDLIST
L i s t a s a f n A S Í ,
Á s m u n d a r s a l
Til 1. apríl. Opið þriðjudaga til
sunnudaga frá kl. 14–18.
VEFLIST, LÁGMYNDIR
& MÁLVERK –
GUÐRÚN GUNNARS-
DÓTTIR
Morgunblaðið/Halldór B. Runólfsson
Eitt af verkum Guðrúnar Gunnarsdóttur.
Halldór Björn Runólfsson
TRÍÓIÐ Flís leikur á sunnudagstón-
leikum veitingastaðarins Ozio kl.
21.30. Liðsmenn eru Davíð Þór Jóns-
son píanó, Helgi Sv. Helgason,
trommur og Valdimar Kolbeinn Sig-
urjónsson, kontrabassi og bassa-
klarinett. Tríóið leikur aðallega sína
eigin tónlist. Miðaverð er 600 kr.
Tríóið Flís
leikur á Ozio
SÝNINGU Listasafns Reykjavíkur í
Hafnarhúsinu, Sófamálverkinu, lýk-
ur í dag sunnudag. Sýningarstjórar
og höfundar sýningarinnar eru Anna
Jóa og Ólöf Oddgeirsdóttir. Að sögn
Önnu Jóa er í bígerð að kanna hvort
„sófamálverkið“ njóti svipaðra vin-
sælda meðal Vestur-Íslendinga í
Kanada og í framhaldi af því setja
upp „Sófamálverkssýningu“ í Kan-
ada á næsta ári.
Síðasti
sýningardagur
 KVENNA megin. Greinar í fem-
ínískri heimspeki er eftir Sigríði
Þorgeirsdóttur.
Kvenna megin er safn greina sem
höfundur hefur skrifað á undan-
förnum árum um femíníska heim-
speki. Hér er kynnt til leiks ung grein
innan heimspekinnar sem hefur að
markmiði að túlka heiminn á for-
sendum beggja kynja. Femínísk
heimspeki sprettur upp úr kvenfrels-
ishreyfingum 20. aldar og leitast hún
við að gera kynjamisrétti sýnilegt í
því augnamiði að aflétta því báðum
kynjum til góðs. Um leið leitast þessi
heimspeki við að þróa hugsjón um
mannlegri heim þar sem bæði kynin
deila með sér ábyrgð og hafa jöfn
tækifæri til frelsis. Í greinum sínum
víkur höfundur að ýmsum þeim við-
fangsefnum þar sem sjónarhorn
kvenna- og kynjafræða varpa ljósi á
kynbundna afstöðu hefðbundinna við-
horfa. Fjallað er m.a. um hlut heimilis
og fjölskyldu í stjórnspekilegri um-
ræðu, mannskilning siðfræðinnar,
tvíhyggju hins karllega og kvenlega í
vestrænni menningu. Sigríður Þor-
geirsdóttir hefur áður gefið út bók í
Þýskalandi um heimspeki Nietzsches
og verið meðritstjóri greinasafna um
málefni fjölskyldunnar og heimspeki
Simone de Beauvoir.
Kvenna megin er áttunda ritið í rit-
röðinni Íslenzk heimspeki – Philo-
sophia Islandica, sem gefin er út af
Hinu íslenska bókmenntafélagi í því
skyni að koma á framfæri íslenskum
heimspekiritum, fornum sem nýjum.
Ritið er 166 bls., prentað í Steinholti.
Nýjar bækur
♦ ♦ ♦
♦ ♦ ♦
♦ ♦ ♦