Morgunblaðið - 28.03.2001, Page 4

FRÉTTIR
4 MIÐVIKUDAGUR 28. MARS 2001 MORGUNBLAÐIÐ
BANDARÍSKT lögfræðifyrirtæki hefur nú
tekið formlega að sér að sækja skaðabætur á
hendur bandarískum tóbaksframleiðendum
fyrir hönd 18 Íslendinga, sem hafa orðið fyrir
heilsutjóni í kjölfar reykinga.
Að sögn Jóns Steinars Gunnlaugssonar
hæstaréttarlögmanns, sem hefur ásamt Gunn-
ari G. Schram lagaprófessor haft milligöngu
um að koma hópi Íslendinga í samband við
bandaríska lögfræðifyrirtækið, eru nú komnir
á undirritaðir samningar á milli bandarísku
lögmannsstofunnar og Íslendinganna um bóta-
kröfur á hendur bandarískum tóbaksframleið-
endum.
Boðin aðstoð við
gagnaöflun hér innanlands
„Nú er þess bara beðið að bandarísku lög-
mennirnir gefi fyrirmæli um gagnaöflun í mál-
unum hér,“ segir Jón Steinar.
Þar sem gengið hefur verið frá samningum
er málið nú í höndum bandarísku lögmanns-
stofunnar sem verður í beinu samningssam-
bandi við sína íslensku umbjóðendur um fram-
haldið.
,,Þeim hefur auðvitað verið boðin aðstoð við
alla gagnaöflun hér innanlands vegna málsins
og er þess nú að bíða að þeir láti í sér heyra
um það,“ sagði Jón Steinar Gunnlaugsson
hæstaréttarlögmaður.
Undirbúningur málaferla gegn bandaríska tóbaksiðnaðinum
Semja við bandaríska lögmenn MIKIÐ líf var í Reykjavíkurhöfn í
gær en þá mátti sjá æðarfugla
synda milli bryggjustólpa í leit að
æti en þeir borða ýmis lindýr, svo
sem krækling og beitukóng, en
einnig krabba, krossfiska og mar-
flær.
Tilhugalíf æðarfugla hefst í byrj-
un vetrar en stendur hæst þegar
vor er í vændum, en þá er oft mikið
um að vera og kollan, í sínum
brúna búningi, syndir með svart-
hvítan blikaher í kringum sig.
Morgunblaðið/RAX
Æðarfugl
í höfninni
FESTA er komin á fasteignamark-
aðinn og sú spenna sem einkennt
hefur markaðinn á síðustu miss-
erum er að baki, að sögn Sverris
Kristinssonar, fasteignasala í
Eignamiðlun.
Sverrir sagði að staðan á mark-
aðnum væri góð og hann teldi já-
kvætt að það spennuástand sem
einkennt hefði markaðinn væri að
baki. Eignir seldust mjög vel og
vantaði eignir í sölu í mörgum
hverfum á höfuðborgarsvæðinu.
Sverrir nefndi sem dæmi Vest-
urbæ Reykjavíkur, Fossvoginn,
nýja hverfið í Kópavogi, Þingholtin
og Grafarvog. Þarna vantaði eignir
í sölu og kæmu inn góðar eignir
bærust oft fleiri en eitt tilboð í
þær.
Eftirspurn mjög góð víða
„Eftirspurn er mjög góð á til-
tölulega mörgum svæðum. Ekki
bara á grónum svæðum eins og í
Vesturbænum heldur líka til dæm-
is í nýjum blokkum í Kópavogi og
nýjum eignum í Grafarvogi,“ sagði
Sverrir.
Hann sagði að komist hefði jafn-
vægi á verð á markaðnum og ekki
væri um verðhækkanir að ræða
eins og nú væri málum háttað.
Verðið væri stöðugra en áður eftir
þær hækkanir sem orðið hefðu síð-
ustu árin, enda hefði verð á fast-
eignum verið orðið óvenjulágt og
undir raunverði í mörgum tilfellum
þegar um stærri eignir hefði verið
að ræða.
Sverrir bætti því við að sala á
fasteignamarkaði hefði verið mjög
góð síðastliðið ár, þótt hún hefði
ekki verið jafnmikil og árið þar áð-
ur. Það væri hins vegar ekki eðli-
leg viðmiðun þar sem á því ári
hefði verið einhver mesta velta á
fasteignamarkaði á einu ári þótt
litið væri þrjátíu ár aftur í tímann.
Hann sagði einnig að of lítið
framboð á lóðum hefði orðið til
þess að spenna upp verð á fast-
eignamarkaðnum á sínum tíma.
Nú hefði framboð á lóðum aukist
og væri það enn einn þáttur af því
sem skapaði það jafnvægi sem nú
virtist vera framundan.
Hann bætti því við að taka
þyrfti á einu vandamáli sem varð-
aði möguleika ungs fólks til að
kaupa sína fyrstu íbúð. Það skap-
aðist vegna þess að breytingar
hefðu verið gerðar á endurmati
brunabótamats og nú væru
ákveðnir þættir sem áður var
byggt á teknir út úr því. Ungt fólk
fengi í mörgum tilfellum ekki fullt
lán vegna þess að brunabótamatið
væri ekki lengur í samræmi við
markaðsverð á fasteignum. Þetta
væri óeðlilegt og eðlilegast væri að
gera breytingar á reglugerð um
húsbréfaviðskipti.
„Þar sem brunabótamat endur-
speglar yfirleitt ekki kaupverð
eignar tel ég óeðlilegt að miða
lánsreglur Íbúðalánasjóðs við slíkt
mat. Breyting eins og að framan
greinir myndi leysa vandamál
þeirra sem væru að kaupa sína
fyrstu íbúð,“ sagði Sverrir enn-
fremur.
Sverrir Kristinsson fasteignasali
Festa komin á fast-
eignamarkaðinn
MÁLEFNI fyrirtækisins Íslensks
harðviðar á Húsavík voru til umræðu
á fundi bæjarráðs Húsavíkur í gær.
Þar var lögð fram greinargerð frá
ráðgjafarfyrirtækinu Pricewater-
houseCoopers. Sem kunnugt er varð
fyrirtækið gjaldþrota öðru sinni fyrr
á þessu ári og Skipaafgreiðslan hf. á
Húsavík tók reksturinn á leigu til
vors. Húsavíkurbær, verkalýðsfélög-
in, Atvinnuþróunarfélag Þingeyinga
og Skipaafgreiðslan hafa myndað
vinnuhóp til að finna lausnir á rekstri
Íslensk harðviðar og fór sá hópur m.a.
fram á mat óháðra aðila. Samþykkti
bæjarráð að fela bæjarstjóra að vinna
áfram að málinu.
Verkefninu haldið áfram
Reinhard Reynisson, bæjarstjóri á
Húsavík, sagði við Morgunblaðið að á
grundvelli þeirrar vinnu sem Price-
waterhouseCoopers hefði skilað af
sér verði verkefninu haldið áfram.
Ljóst væri þó að ekki væri mælt með
frekari fjárfestingum á meðan óvissa
ríkti um ýmsa þætti rekstrarins.
„Við ætlum að láta reyna betur á
ákveðnar forsendur, annars vegar við
hráefnisöflun og hins vegar mögu-
leika á markaði fyrir afurðirnar áður
en farið verður í fjárfestingar á tækj-
um og húsnæði. Við munum móta það
á næstunni hverjir taka þátt í þessari
tilraun og hvernig verður staðið að
því. Eitt af því sem kemur til greina
er að fá eignirnar leigðar til lengri
tíma heldur en núgildandi leigusamn-
ingur kveður á um. Menn telja ekkert
fullreynt í þessum efnum,“ sagði
Reinhard.
Málefni Íslensks
harðviðar rædd í
bæjarráði Húsavíkur
Ráðgjafar
mæla ekki
með frek-
ari fjár-
festingum
Gjaldþrotum
einstaklinga
fækkar
GJALDÞROTUM einstaklinga hefur
fækkað mjög á undanförnum árum,
að því er fram kemur í svari dóms-
málaráðherra við fyrirspurn Jóhönnu
Sigurðardóttur, þingmanns Samfylk-
ingarinnar. Þannig lýstu héraðsdóm-
stólar landsins alls 461 einstakling
gjaldþrota árið 2000, en samsvarandi
fjöldi fyrir árið 1995 var 872. Fjöldi
gjaldþrotabeiðna hefur einnig dregist
saman, en alls var farið fram á gjald-
þrot 1.098 einstaklinga í fyrra, en
fimm árum áður var farið fram á
gjaldþrot alls 2.075 einstaklinga.
Í fyrra voru 270 lýstir gjaldþrota
hjá Héraðsdómi Reykjavíkur, en 125
hjá Héraðsdómi Reykjaness.
Miklu fleiri karlar en konur eru
jafnan lýstir gjaldþrota. Þannig voru
70 konur úrskurðaðar gjaldþrota í
fyrra, en 391 karl.
♦ ♦ ♦
Hægt miðar
í sjómanna-
deilunni
ENGAR fréttir er að fá af viðræðum
sjómanna og útvegsmanna um gerð
nýs kjarasamnings. Ríkissáttasemj-
ari hefur lagt áherslu á að forystu-
menn viðsemjenda tjái sig ekki við
fjölmiðla um gang viðræðna meðan
þessi fundalota stendur yfir.
Fundað var í kjaradeilunni í gær og
er áformað að halda fundi alla daga
vikunnar. Verkfall hefst að nýju 1.
apríl hafi samningar ekki náðst fyrir
þann tíma. Samkvæmt heimildum
Morgunblaðsins hefur hægt miðað í
viðræðunum síðustu daga.