Morgunblaðið - 28.03.2001, Síða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 28. MARS 2001 VERÐ Í LAUSASÖLU 165 KR. MEÐ VSK.
STÝRIVEXTIR Seðlabanka Íslands lækka næsta
þriðjudag, þann 3. apríl, um 0,5% en frá árinu
1997 hafa vextir bankans hækkað og það nokkuð
ört á árunum 1999 og 2000, að sögn Birgis Ísleifs
Gunnarssonar seðlabankastjóra, á ársfundi bank-
ans í gær. Eftir breytinguna verða stýrivextir
bankans 10,9%.
Það er mat Seðlabankans að efnahagslífið sé
komið yfir erfiðasta hjallann í þenslunni og að
tímabært sé að slaka nokkuð á í peningastefnunni
til þess meðal annars að komast hjá því að sam-
dráttur verði of mikill.
Davíð Oddsson forsætisráðherra kynnti á árs-
fundi Seðlabankans samkomulag sem ríkisstjórn-
in og Seðlabankinn hafa gert um breytingar á fyr-
irkomulagi stjórnar peningamála á Íslandi sem
taka gildi í dag. Þar er kveðið á um að í stað þess
að miða peningastefnuna við að halda gengi krón-
unnar innan vikmarka mun Seðlabankinn hér eft-
ir miða hana við að halda verðbólgu innan ákveð-
inna marka. Stefnt skuli að því að árleg verðbólga
verði að jafnaði sem næst 2,5%. Því markmiði
verði náð fyrir árslok 2003.
Forsætisráðherra kynnti frumvarp til laga um
Seðlabanka Íslands sem samþykkt var í ríkis-
stjórn í gær og lagt verður fyrir Alþingi fljótlega.
Þar er meðal annars kveðið á um að starfsemi
Seðlabanka Íslands verði sett skýrt markmið um
að tryggja stöðugt verðlag. Með því að festa það í
lög ávinnst, að sögn forsætisráðherra, það að mun
erfiðara verður að bregða út af stöðugleikastefnu í
peningamálum fyrir skammtímahagsmuni.
Davíð Oddsson segir að með frumvarpinu verði
sjálfstæði Seðlabankans aukið og með þessu fái
bankinn sambærilega stöðu og annars staðar ger-
ist meðal seðlabanka sem þykja standa framar-
lega hvað varðar gagnsæi og fagleg vinnubrögð
við mótun og framkvæmd stefnu í peningamálum.
Forsætisráðherra segir að ekki sé hægt að
túlka vaxtalækkun Seðlabankans á annan hátt en
að bankinn meti það svo að þensla fari minnkandi.
Birgir Ísleifur segir að Seðlabankinn telji að
breytingar á gengisstefnu bankans muni eyða
þeirri óvissu sem ríkt hafi á gjaldeyrismarkaði að
undanförnu og markaðurinn muni róast í kjölfar-
ið.
Seðlabankinn ákveð-
ur 0,5% vaxtalækkun
Horfið frá sveigjanlegri gengisfestu yfir í verðbólgumarkmið

Tímabært/30
FJÓRAR breiðþotur bætast á næstu
vikum við flugflota Flugfélagsins
Atlanta en félagið hefur keypt tvær
Boeing 767-200-þotur og leigt tvær
til viðbótar. Kaupverð vélanna er
tæpir fjórir milljarðar króna.
Arngrímur Jóhannsson, forstjóri
og annar aðaleigenda Flugfélagsins
Atlanta, segir það hafa lengi verið í
undirbúningi að taka nýja breiðþotu-
tegund í reksturinn. Síðustu vikurn-
ar hafi staðið yfir lokahrina í flóknu
samningaferli um kaup og leigu vél-
anna jafnframt því sem ganga hafi
þurft frá samningum um verkefni.
Þrjár þotnanna verða framleigðar
breska leiguflugfélaginu Excel
Airways og verða þær einkum í sól-
arlandaflugi út frá Englandi. Fjórða
vélin verður í verkefnum út frá Skot-
landi. Verkefnið fyrir Excel Airways
er til fimm ára og er andvirði samn-
ingsins um 7,2 milljarðar króna. Seg-
ir Arngrímur þetta stærsta flug-
leigusamning í íslenskri flugsögu.

Kaupir tvær/6
Atlanta kaupir og leigir
fjórar breiðþotur
GENGI krónunnar hélt áfram að
veikjast í gær eftir veikingu síðustu
daga. Upphafsgengi vísitölu krón-
unnar í gær var 123 stig en loka-
gengið 125,10 stig. Þegar vísitalan
hækkar veikist gengi krónunnar og
veikingin í gær nam 1,7%. Seðla-
bankinn greip inn í viðskipti á milli-
bankamarkaði í gær með því að selja
gjaldeyri og kaupa krónur fyrir um
3,8 milljarða króna. Þetta var gert í
því skyni að styrkja gengi krónunn-
ar. Efri vikmörk gengisvísitölu ís-
lensku krónunnar voru 125,36 stig í
gær og var lokagildi gærdagsins því
0,22% frá vikmörkunum og hefur
aldrei verið nær.
Heildarviðskipti dagsins voru 18,4
milljarðar króna, sem er þriðja
mesta velta frá upphafi á einum degi.

 

    



 



 
 
 
   














Seðlabank-
inn varði
vikmörk
krónunnar
♦ ♦ ♦
NEI, þetta er ekki meðlimur úr
Prúðuleikarafjölskyldunni heldur
bergrisi sem hefur tekið sér ból-
festu í Eden í Hveragerði.
Til að koma tröllinu atarna á
legg klæddi Bragi Einarsson, eig-
andi staðarins, vænan haug af
úrítani með dúk sem fylltur var
með grasfræi. Með vökvun og
umhyggju skapara þess óx það og
dafnaði og því er óhætt að segja
að fóstri þess hafi staðið í ekta
mannrækt.
Það er þó ekki aldeilis fyr-
irhafnarlaust að hafa lifandi risa
í áhöfninni því kauða sprettur
grön meir en góðu hófi gegnir og
þarf Bragi því að raka hann á
hverjum degi og notar til þess
skæri og greiðu að eigin sögn.
Risinn hefur vakið óskipta at-
hygli ferðalanga sem átt hafa leið
um staðinn og hér má sjá einn
þeirra heilsa upp á þann græna.
Morgunblaðið/RAX
Allt er vænt sem vel er grænt
TOLLGÆSLAN á Keflavíkurflug-
velli handtók á sunnudaginn 36 ára
íslenskan karlmann vegna smygls á
ígildi 2.000 e-taflna. Alls fundust
1.333 e-töflur við leit á manninum og
í farangri hans. Þá var hann með 167
g af e-töflumulningi innvortis.
Héraðsdómur Reykjavíkur úr-
skurðaði manninn á mánudag í 14
daga gæsluvarðhald að kröfu fíkni-
efnadeildar lögreglunnar í Reykja-
vík sem fer með rannsókn málsins.
Maðurinn kom til landsins frá
Amsterdam síðdegis á sunnudag.
Við gegnumlýsingu á handfarangri
mannsins kom í ljós að böggli sem
innihélt e-töflur hafði verið komið
fyrir í úðabrúsa. Frágangurinn á
brúsanum mun hafa verið þannig að
ómögulegt var að sjá að við hann
hafði verið átt. Við leit á manninum
kom enn fremur í ljós að e-töflur
höfðu verið saumaðar inn í buxna-
streng hans.
Maðurinn var afhentur fíkniefna-
deild lögreglunnar í Reykjavík. Við
röntgenmyndatöku kom í ljós að
maðurinn hafði 167 g af e-töflumuln-
ingi innvortis.
Þetta er í fyrsta skipti sem maður
er handtekinn á Keflavíkurflugvelli
vegna fíkniefnasmygls frá því Ísland
varð hluti af Schengen-svæðinu.
Handtekinn með ígildi
2000 e-taflna á Kefla-
víkurflugvelli
Faldi efnið
í úðabrúsa
og buxna-
streng
TÍFALDA má verðmæti kolmunna-
aflans með því að vinna hann til
manneldis í stað þess að setja hann í
bræðslu. Síldarvinnslan hf. í Nes-
kaupstað vinnur nú að sérstöku
verkefni um nýtingu á kolmunna og
segir Björgólfur Jóhannsson fram-
kvæmdastjóri ótal tækifæri liggja í
manneldisvinnslu á kolmunnanum.
Verkefnið snýst fyrst og fremst um
söltun á kolmunna fyrir markaði í
Suður-Evrópu. Jafnframt er SVN að
vinna að verkefni sem snýr að flökun
og marningi. Stefnt er að manneld-
isvinnslu á um 1.500 tonnum af kol-
munna á þessu ári og gæti útflutn-
ingsverðmæti þeirra numið ríflega
100 milljónum króna.
Vinna kol-
munna til
manneldis

Ætla sér/C8