Morgunblaðið - 03.04.2001, Síða 2

FRÉTTIR
2 ÞRIÐJUDAGUR 3. APRÍL 2001 MORGUNBLAÐIÐ
Fylgstu
með
nýjustu
fréttum
www.mbl.isHermann Hreiðarsson og Ipswich
Town nálgast Arsenal /B3
Sigurður Jónsson frá
vegna meiðsla /B1
12 SÍÐUR48 SÍÐUR
Sérblöð í dag
Á ÞRIÐJUDÖGUM
15 ÁRA íslensk
stúlka beið bana í
umferðarslysi á
Djurslandi á Jót-
landi í Danmörku
aðfaranótt laugar-
dags. Hin látna hét
Hafrún Freyja Sig-
urðardóttir og bjó
ásamt foreldrum
sínum og systkinum
í Grenå á austur-
strönd Jótlands, um
60 km norðaustur af
Árósum.
Hafrún Freyja
fæddist 28. desem-
ber árið 1985, dóttir Sigurðar
Hafsteinssonar og Maríönnu
Bjargar Arnardóttur.
Hún var farþegi í bifreið
tveggja vina sinna, 17 og 18 ára,
sem hafnaði á húsvegg eftir að
hafa farið út af veg-
inum milli Kolind og
Grenå. Mun bifreið-
in, sem var á mikilli
ferð, hafa hafnað á
húsveggnum af
miklu afli með þeim
afleiðingum að hún
gjöreyðilagðist.
Samferðamenn Haf-
rúnar Freyju kom-
ust lífs af úr slysinu
en liggja slasaðir á
sjúkrahúsi og mun
líðan þeirra vera eft-
ir atvikum.
Vegna slyssins
hafa aðstandendur hinnar látnu
og fjölskyldu hennar stofnað
söfnunarreikning nr. 308-13-
850500 í Búnaðarbankanum á
Hellu, til styrktar foreldrum
hinnar látnu.
Lést í umferðar-
slysi í Danmörku
BANASLYS varð á
Þorlákshafnarvegi
um klukkan 15 á
sunnudag þegar bif-
reið valt út af vegin-
um með þeim afleið-
ingum að sextán ára
piltur frá Þorlákshöfn
lést. Hinn látni hét
Gunnar Jón Guð-
mundsson, til heimilis
að Lýsubergi 16, Þor-
lákshöfn. Hann var
fæddur 16. nóvember
1984. Foreldrar hans
heita Guðmundur
Karl Baldursson og
Kim Brigit Sorning.
Slysið átti sér stað skammt frá
mótum Eyrarbakkavegar og Þor-
lákshafnarvegar og varð með
þeim hætti að öku-
maður lítillar fólks-
bifreiðar, sem í voru
þrír farþegar, missti
stjórn á bifreiðinni
sem fór út af vegin-
um og valt tvær til
þrjár veltur. Piltur-
inn sem lést var far-
þegi í aftursæti bif-
reiðarinnar og
kastaðist út úr
henni. Hann mun
hafa látist sam-
stundis, samkvæmt
upplýsingum lög-
reglunnar á Sel-
fossi. Samferðamenn hans þrír
sluppu ómeiddir. Rannsókn á til-
drögum slyssins er í höndum lög-
reglunnar á Selfossi.
Lést í bílveltu á
Þorlákshafnarvegi
FÓLKIÐ, sem lést í
bílslysinu við Lög-
bergsbrekku á Suð-
urlandsvegi síðast-
liðinn laugardag, hét
Nelson Ivan Japke
Adriasola, 44 ára, til
heimilis að Bjargi,
Hellu, og Paula
Andrea Yanez Vega,
25 ára, til heimilis að
Þrúðvangi 31, Hellu.
Þau voru frá Chile og
höfðu verið búsett
hérlendis undanfarin
ár.
Maðurinn var
fæddur 22. mars 1957 og lætur eft-
ir sig eiginkonu og þrjú börn. Kon-
an var fædd 11. maí 1975 og lætur
eftir sig eiginmann og eitt barn.
Létust í bílslysi
á Suðurlandsvegi
TEKIN hefur verið ákvörðun um
að leggja Þjóðhagsstofnun niður.
Þetta kom fram á fundi
ráðuneytisstjóra og skrifstofu-
stjóra forsætisráðuneytis með
starfsmönnum Þjóðhagsstofnunar
í gær, samkvæmt upplýsingum
Katrínar Ólafsdóttur, formanns
Starfsmannafélags Þjóðhagsstofn-
unar.
Katrín sagði að á fundinum
hefði komið fram að tekin hefur
verið ákvörðun um að leggja
stofnunina niður. Málið yrði ekki
tekið fyrir í ríkisstjórn heldur
yrðu verkefni Þjóðhagsstofnunar
flutt til annarra stofnana og það
væri ekki fyrr en það hefði verið
gert sem lögum um Þjóðhags-
stofnun yrði breytt, samkvæmt því
sem komið hefði fram á fundinum.
Katrín sagði að þarna væri mjög
furðulega að verki staðið og sam-
kvæmt þessu virtist til dæmis sem
biðlaunaréttur stofnaðist ekki þar
sem starfsmenn Þjóðhagsstofnun-
ar yrðu annaðhvort hættir störfum
eða komnir til starfa hjá öðrum
stofnunum áður en stofnunin verð-
ur lögð niður.
Starfsfólkið
litlu nær
Hún sagði að annars væru þau
litlu nær um hvað fram undan er.
Starfsmönnum hefði algerlega ver-
ið haldið utan við umræður um
þessi efni. Það væri því þungt
hljóð í fólki en fram hefði komið að
það er von á bréfi til starfsmanna í
næstu viku þar sem nánar verður
útlistað hvað fram undan er.
Þegar hún var spurð um hvenær
stofnunin yrði lögð niður og hvert
verkefni hennar yrðu færð sagði
hún að ákveðnar tímasetningar
hefðu ekki komið fram á fundinum
en þetta yrði væntanlega gert á
næstu mánuðum. Fram hefði kom-
ið að hugmyndir eru uppi um að
færa verkefni til fjármálaráðu-
neytis, Seðlabanka og Hagstofu og
að starfsmönnum verða boðin sam-
bærileg störf. Hún sæi þó ekki
hvernig það væri hægt þegar búið
væri að deila verkefnum stofnun-
arinnar milli þriggja stofnana.
Verkefni starfsmanna Þjóðhags-
stofnunar hefðu einmitt alltaf ver-
ið mjög fjölbreytt.
Tilkynnt að Þjóðhagsstofnun verði lögð niður
Talsmaður starfsmanna
segir þungt hljóð í fólki
Á SUNNUDAGSKVÖLD féllu
nokkur snjóflóð á veginn til Siglu-
fjarðar og var hann lokaður af þeim
sökum fram á mánudagsmorgun.
Stærsta flóðið féll úr svokölluðu
Selgili en það er á leiðinni frá
Strákagöngum að Siglufirði. Það flóð
var nokkuð breitt og hátt. Sakir
hættu á fleiri snjóflóðum var ákveðið
að halda veginum ekki opnum og
mokstri hætt um kl. 19. Farþegum
sem komið höfðu með áætlunarflugi
frá Reykjavík til Sauðárkróks, og
voru í rútu á leið til Siglufjarðar, var
snúið við í Mánárskriðum um 10 km
frá Siglufirði. Ákveðið var að fólkið
eyddi nóttinni í húsi skammt frá Ket-
ilási í Fljótum. Húsið er í eigu starfs-
mannafélags Kaupfélags Skagfirð-
inga.
Að sögn eins farþeganna fór ágæt-
lega um fólkið þarna því að aðstæður
eru góðar. Ferðinni var síðan haldið
áfram um morguninn en þá hafði
vegurinn verið ruddur og ekki vænst
frekari flóða.
Morgunblaðið/Halldór Þormar
Nokkur snjóflóð féllu á Siglufjarðarveg.
Snjóflóð lokuðu
Siglufjarðarvegi
Siglufirði. Morgunblaðið.
VARNARLIÐIÐ á Keflavíkurflug-
velli verður með opið hús 5. maí
næstkomandi í tilefni af 50 ára af-
mæli varnarsamningsins.
Að sögn Friðþórs Eydals, upp-
lýsingafulltrúa varnarliðsins, verða
þeir staðir opnaðir sem auðvelt er
að láta fólk komast að til þess að
skoða. Þá verða flugvélar til sýnis
sem og annað markvert á vell-
inum.
Friðþór segir að varnarliðið hafi
staðið fyrir sambærilegum upp-
ákomum einu sinni til tvisvar á ári
en að þessu sinni verði meira haft
við en ella.
Afmæli varnarsamningsins
Opið hús hjá varnarliðinu
HÁSKÓLABÍÓ og Sambíóin hafa
stofnað sameiginlegt fyrirtæki sem
þau eiga að jöfnu og er því ætlað að
sjá um innkaup, dreifingu og mark-
aðssetningu á kvikmyndum. Björn
Árnason, framkvæmdastjóri Sam-
bíóanna, segir í samtali við Morgun-
blaðið að nýja fyrirtækið fari af stað
af fullum krafti eftir páska og segir
markmiðið að ná niður kostnaði og
bæta markaðssetningu á kvikmynd-
um fyrirtækjanna.
Alls ræður nýja fyrirtækið yfir sjö
kvikmyndahúsum sem eru Háskóla-
bíó, Bíóborgin, Kringlubíó, Bíóhöll-
in, Sagabíó, Nýja bíó í Keflavík og
Nýja bíó á Akureyri. Ætlunin er að
auka þjónustuna með betra úrvali
kvikmynda að sögn Björns svo og að
styrkja stöðuna við erlend innkaup.
Í frétt frá þeim Einari S. Valde-
marssyni, framkvæmdastjóra Há-
skólabíós, og Birni Árnasyni segir að
kvikmyndahús hafi unnið æ meira
saman síðustu árin og að samkomu-
lag um nýtt fyrirtæki staðfesti í raun
formlega þá þróun sem verið hafi
hérlendis sem erlendis.
„Kvikmyndahús hér á landi hafa
verið fremst í flokki varðandi tækni
og alla umgjörð um kvikmyndasýn-
ingar og er því nauðsynlegt að leita
nýrra leiða til að auka þjónustuna við
neytendur og halda jafnframt niðri
kostnaði um leið. Er það trú okkar að
samstarfið styrki fyrirtækin í því að
þjóna enn betur mismunandi hópum
kvikmyndaunnenda og munu þeir í
framtíðinni geta gengið að vísu fjöl-
breyttara úrvali kvikmynda en í
dag,“ segja þeir.
Sambíóin og Háskóla-
bíó í samstarf
Stofna sam-
eiginlegt
markaðs-
fyrirtæki