Morgunblaðið - 03.04.2001, Qupperneq 6

FRÉTTIR
6 ÞRIÐJUDAGUR 3. APRÍL 2001 MORGUNBLAÐIÐ
MJÖG góð veiði var fyrsta veiðidag
stangaveiðivertíðarinnar er nokkr-
ar sunnlenskar sjóbirtingsár voru
opnaðar á sunnudaginn. Skilyrði
voru góð, fremur hlýtt og bjart,
strekkingur framan af en síðan
stillt og gott veður. Mikill fiskur
sást og veiddist víða, m.a. um
hundrað stykki í Varmá við Hvera-
gerði.
„Þetta er einhver líflegasta byrj-
un sem ég man eftir, ég held að
stengurnar sex séu með a.m.k. um
hundrað fiska og það var góð taka
alveg fram á kvöld. Mest var þetta
1-2 punda fallegur geldfiskur en
einnig stærri. Ég fékk t.d. einn
rúmlega 5 punda birting og tvær
næstum 3 punda bleikjur. Þá var
einnig slangur af regnbogasilungi,“
sagði Haukur Haraldsson sem var
meðal þeirra sem renndu fyrst í
Varmá.
Mok í Hörgsá og Eldvatni
„Þetta var frábær byrjun. Við
félagarnir opnuðum Hörgsá á
sunnudaginn og það komu 18 fisk-
ar á land. Við slepptum þeim öllum
enda eingöngu með flugu,“ sagði
Jón Marteinsson, leigutaki árinnar.
Hann sagði mikinn fisk að sjá,
einkum í tveimur veiðistöðum,
númer 3 og 6. Stærstu fiskarnir
voru áætlaðir 10 og 11 punda.
„Kunningjar okkar voru austur í
Eldvatni á Brunasandi og þeir
fengu 36 birtinga. Voru þar í fínum
málum. Þeir fengu fiska um alla á
en langflesta þó neðst, í ármót-
unum við Hverfisfljót. Þeir fengu
held ég átta fiska á beitu og hirtu
þá en hina á flugu og var þeim
flestum sleppt. Þetta var mest 2 til
4 punda í Eldvatni, mikið af björt-
um geldfiski,“ bætti Jón við.
Gunnar Óskarsson, formaður
Stangaveiðifélags Keflavíkur, sagði
félaga sína hafa opnað Geirlandsá á
sunnudag og hefðu 12 veiðst þann
daginn og hafi lítið verið staðið við.
„Þeir voru mest uppteknir við að
standsetja húsið fyrir vertíðina en í
morgun (gærmorgun) fóru þeir á
kreik og voru búnir að landa 30 um
hádegi. Það gera 32 fiska en þeir
höfðu ekki hirt nema held ég 14
stykki. Þetta er nánast allt flugu-
veiði hjá þeim og hafa þeir jafnvel
verið að fá fiska á örlitlar Peacock-
kúlupúpur,“ sagði Gunnar. Mikið af
fiskinum í Geirlandi er boltafiskur,
sá stærsti var 12 pund og síðan
voru einn 11,5 og annar 11 punda
og „slatti“ af 10 punda,“ eins og
Gunnar komst að orði. Veiðin var
öll tekin í Ármótunum og hafði
Gunnar eftir félögum sínum að þar
væri mikið af fiski og sýndi sig
mikið.
Þá voru Vatnamótin opnuð á
sunnudag og þar veiddust tíu fisk-
ar fyrsta daginn, allt að 11 punda.
Líflegt á sjóbirtingsslóðum
Morgunblaðið/GG
Haukur Haraldsson þreytir birting í Varmá á sunnudaginn.
Örn Sveinbjörnsson með tvo fal-
lega birtinga úr Eldvatni á
Brunasandi.
ERU
ÞEIR AÐ
FÁ’ANN?
STEFNT er að því að fram-
kvæmdir við skálabyggingu við
Alþingishúsið hefjist í haust og
ljúki á næsta ári. Á fjárlögum í
ár er veitt 100 milljónum kr. til
verksins, en gert er ráð fyrir að
heildarkostnaður við skálann full-
frágenginn verði 3–400 milljónir
kr. að sögn Halldórs Blöndals,
forseta Alþingis.
Framkvæmdum við skálann var
frestað á sínum tíma þegar
stjórnvöld drógu úr fram-
kvæmdum á þess vegum vegna
mikillar þenslu á byggingamark-
aði.
Halldór sagði í samtali við
Morgunblaðið að verið væri að
bjóða verkið út og stefnt að því
að framkvæmdir hæfust á hausti
komanda og hægt yrði að ljúka
þeim á næsta ári.
Hann sagði að það sé orðið
þröngt um margvíslega starfsemi
í Alþingishúsinu. Skálinn verði
nokkurs konar kjarnabygging
undir ýmsa þjónustustarfsemi og
horft sé til framtíðar í þeim efn-
um. Skálinn rís að vestanverðu
við Alþingishúsið og verður bíla-
geymsla undir honum. Þar er
gert ráð fyrir fundarherbergj-
um, matstofu og aðstöðu til að
taka á móti gestum.
Þá er þjónustuskálanum meðal
annars ætlað að verða nýr inn-
gangur fyrir Alþingi og verður
tengdur eldri byggingu með
glergangi. Byggingin verður
þrjár hæðir, kjallari sem búið er
að byggja og tvær hæðir til við-
bótar.
Nýr þjónustuskáli við Alþingishúsið
Framkvæmdir hefjast í haust
Tölvuunnin teikning af fyrirhuguðum skála við Alþingishúsið en gert er ráð fyrir að veggir hans verði að
hluta til klæddir flísum úr íslensku grágrýti og að hluta til glerklæddir, en innan við glerveggi verði við-
arklæddir fletir og sólskermur úr lerki. Meginhluti þaks er stálklæddur.
RANNSÓKN á upptökum elds í
gamla BÚR-húsinu við Grandagarð
hinn 27. janúar sl., er lokið og benda
niðurstöðurnar helst til þess að
kviknað hafi í út frá rafmagni. Í hús-
inu stóð til að opna tölvufyrirtæki.
Samkvæmt upplýsingum frá lög-
reglunni eru taldar mestar líkur á
því að kviknað hafi í út frá rafmagni
því þarna var mikið af framlenging-
arsnúrum og rafmagn ófrágengið í
húsinu. Þó er ekki talið útilokað að
óvarlega hafi verið farið með eld í
húsinu, t.d. í tengslum við reykingar.
Húsið var mikið brunnið og torveld-
aði það rannsókn málsins. Þó telur
lögreglan fullvíst að ekki hafi verið
um íkveikju að ræða. Mikill eldsmat-
ur var í húsinu, sag á gólfum og mik-
ið af fínu ryki.
Eldsvoðinn í BÚR-húsinu
Helst talið að kviknað
hafi í út frá rafmagni
ATLI Helgason, sem sætir ákæru
ríkissaksóknara fyrir að hafa banað
Einari Erni Birgissyni hinn 8. nóv-
ember sl., neitaði sök um að hafa haft
ásetning til manndráps, við þingfest-
ingu málsins í Héraðsdómi Reykja-
víkur í gær. Atli er ákærður fyrir að
hafa banað Einari Erni með því að
slá hann margoft í höfuðið með
hamri á bifreiðastæði í Öskjuhlíð í
Reykjavík umræddan dag. Fyrir
dómi kvað ákærði Einar Örn hafa
verið besta vin sinn og það hefði ekki
verið ætlun sín að bana honum. Um
hefði verið að ræða hræðilegt slys og
hefði hann talið sig vera að verjast
eftir að hann lenti í deilum við hinn
látna.
Ríkissaksóknari krefst þess að
Atli verði dæmdur til refsingar og
hann verði sviptur leyfi til málflutn-
ings fyrir héraðsdómi.
Ríkissaksóknari ákærir Atla einn-
ig fyrir fjárdrátt með því að hafa
dregið sér og notað heimildarlaust í
eigin þágu rúmlega fjórar milljónir
sem voru eign fyrirtækis sem hann
og Einar Örn áttu. Lögmaður fyr-
irtækisins krefst þess að Atli verði
dæmdur til að greiða fyrirtækinu
rúmlega sex milljónir auk dráttar-
vaxta.
Neitar að hafa dregið sér fé
Atli er einnig kærður fyrir fjár-
drátt með því að hafa í opinberu
starfi á árunum 1999 og 2000 sem
héraðsdómslögmaður og skipaður
skiptastjóri dregið sér 1,2 milljónir
króna. Þá er honum gefið að sök að
hafa dregið sér um 1,7 milljónir sem
skiptastjóri þrotabús Agnars W.
Agnarssonar. Ákærði neitaði fyrir
dómi sök um öll ákæruatriði vegna
fjárdráttar.
Aðalmeðferð í málinu hefst 3. maí.
Ákærði ber
við sjálfsvörn
Meintur banamaður Einars Arnar
Birgissonar leiddur fyrir dómara
FLUGREKSTRARSTJÓRI Leigu-
flugs Ísleifs Ottesen hefur óskað eft-
ir að draga sig í hlé meðan rannsókn
stendur yfir á meintum ávirðingum
hans við flug frá Vestmannaeyjum til
Selfoss 7. ágúst í fyrra. Hefur fyr-
irtækið tilnefnt nýjan flugrekstrar-
stjóra en beðið er samþykkis Flug-
málastjórnar.
Að sögn Friðriks Ottesen, hjá
Leiguflugi Ísleifs Ottesen, hefur
Birgir Björgvinsson flugrekstrar-
stjóri óskað eftir að draga sig í hlé
meðan lögreglurannsókn stendur yf-
ir á umræddri flugferð í fyrra þar
sem hann var flugstjóri. Óskað hefur
verið eftir rannsókn lögreglunnar
vegna upplýsinga sem fram hafa
komið um að of margir farþegar hafi
verið í flugvél undir stjórn hans.
Friðrik segir að nýr flugrekstrar-
stjóri hafi verið tilnefndur í gær sem
staðgengill Birgis meðan mál hans
er í rannsókn. Kvaðst hann eiga von
á svari flugmálastjóra í dag um hvort
staðgengillinn yrði samþykktur.
Flugrekstrarstjóri
LÍO dregur sig í hlé