Morgunblaðið - 03.04.2001, Síða 12
FRÉTTIR
12 ÞRIÐJUDAGUR 3. APRÍL 2001 MORGUNBLAÐIÐ
FULLTRÚAR smábátasjómanna á
Vestfjörðum afhentu sjávarútvegs-
ráðherra í gær áskorun frá íbúum
á Vestfjörðum um að koma í veg
fyrir framkvæmd laga um króka-
veiðar sem kveða á um kvótasetn-
ingu á ýsu, steinbít og ufsa og
fækkar sóknardögum dagabáta.
Alls ritaði 2.121 íbúi á Vest-
fjörðum undir áskorunina. Í henni
er skorað á sjávarútvegsráðherra
að koma í veg fyrir að lög um
krókabáta komi til framkvæmda
hinn 1. september nk. Segir í
áskoruninni að með framkvæmd
umræddra laga verði fótunum
kippt undan þeirri uppbyggingu
sem átt hefur sér stað í smábátaút-
gerð á undanförnum misserum og
byggst hefur á frelsi þessara báta
til veiða á ýsu, steinbít og ufsa.
Guðmundur Halldórsson, for-
maður smábátafélagsins Eldingar,
afhenti sjávarútvegsráðherra
áskorunina, ásamt undirskriftalist-
unum, í gær. Hann benti á að með
umframaflanum hefðu krókabátar
unnið þjóðarbúinu mikið gagn.
Krókabátar veiddu um 5.818 tonn
umfram áætlaða ýsuveiði þeirra á
síðasta fiskveiðiári og nam verð-
mæti umframaflans ríflega 1,1
milljarði króna. Hann sagði að ef
lögin kæmu til framkvæmda hefði
það einnig mikla byggðaröskun í
för með sér á Vestfjörðum. „Línu-
útgerð leggst af á Vestfjörðum ef
lögin koma til framkvæmda. Flest-
ir bátarnir eru mjög skuldsettir
því margir sjómenn sem misst hafa
atvinnuna á síðustu árum hafa
keypt sér trillu og byrjað útgerð.
Verði lögin að veruleika verða þeir
að selja útgerðina frá sér. Við
treystum því að Árni M. Mathiesen
verði okkur hliðhollur í þessu máli
og sjái til þess að staðið verði við
gert samkomulag í þessum efnum.
Ég trúi því ekki að menn leggi út í
þá byggðaröskun sem þetta leiðir
af sér. Verði mikil byggðaröskun
þá er kvótakerfið hrunið því al-
menningur lætur ekki líðast að
heilu landsfjórðungarnir leggist
af.“
Árni sagðist myndu skoða málið
gaumgæfilega og reyna að taka til-
lit til þessara sjónarmiða við þá
endurskoðun á stjórn fiskveiða
sem von er á. „Vonandi verðum við
svo gæfusöm að fá farsæla nið-
urstöðu í þetta mál,“ sagði ráð-
herrann.
Komi í veg fyrir
kvótasetningu
Morgunblaðið/Ásdís
Guðmundur Halldórsson, formaður smábátafélagsins Eldingar, afhendir Árna M. Mathiesen sjávarútvegs-
ráðherra áskorunina fyrir utan Alþingi í gær.
2.121 Vestfirðingur skorar á sjávarútvegsráðherra
EMBÆTTISMENN í samgöngu-
ráðuneytinu og heilbrigðisráðuneyt-
inu fóru í gær yfir svarbréf Flug-
málastjórnar vegna rekstrar
Leiguflugs Ísleifs Ottesen ehf.
(LÍO) og mun verða ákveðið í fram-
haldinu hvort ástæða sé til að segja
upp áætlunarflugi og sjúkraflugi við
LÍÓ, skv. upplýsingum Jakobs Fals
Garðarssonar, aðstoðarmanns sam-
gönguráðherra. Er viðbragða ráðu-
neytisins hugsanlega að vænta í
dag.
Ráðherra bað um umsögn Flug-
málastjórnar og í tilefni þess fór
fram sérstök úttekt á LÍO dagana
27. og 28. síðasta mánaðar.
Flugmálastjóri vísar gagnrýni
um ónákvæmt orðalag á bug
Í yfirlýsingu lögmanns Leiguflugs
Ísleifs Ottesen. sem birt var í Morg-
unblaðinu sl. sunnudag, er því m.a.
haldið fram að í svari Flugmála-
stjórnar til samgönguráðherra sé
afar ónákvæmt orðalag, sem gefið
hafi tilefni til rangra ályktana um að
ófært sé annað en segja upp samn-
ingum ríkisins við félagið og svipta
það leyfum. Er í því sambandi vitn-
að til eftirfarandi kafla úr svari
Flugmálastjórnar: „Allt frá því
slysið varð, hefur legið fyrir að ekki
var af hálfu flugrekandans nægjan-
lega framfylgt gildandi starfs-
reglum sem ætlað var að tryggja
farsælar lyktir sérhvers flugs hlut-
aðeigandi loftfars. Til dæmis voru
leiðarflugsáætlanir ekki gerðar. Í
þessu felst alvarleg vanræksla á
faglegum grundvallarþætti í flug-
rekstri.“
Spurður um þessa gagnrýni LÍO
sagði Þorgeir Pálsson flugmála-
stjóri í gær að Flugmálastjórn vís-
aði því á bug að um ónákvæmt orða-
lag hafi verið að ræða.
Reyndu árangurslaust að koma
bréfinu samdægurs til LÍO
Í yfirlýsingu lögmanns LÍO er því
haldið fram að upphaflegu bréfi
samgönguráðherra til Flugmála-
stjórnar hafi verið dreift til fjölmiðla
áður en það barst til vitundar Ísleifs
Ottesen.
Jakob Falur Garðarsson segir að
ráðuneytið ætli ekki að skattyrðast
við Leiguflug Ísleifs Ottesen um
þetta atriði. Hann segir að bréfið
hafi verið skrifað á laugardegi og
það hafi þá þegar verið boðsent út á
Reykjavíkurflugvöll til flugfélagsins
til að afhenda bréfið en enginn verið
þar til að taka á móti því. Einnig
hafi verið reynt að koma bréfinu til
skila með símhringingu og tölvu-
póstsendingu en án árangurs. „En
hann fékk bréfið strax á mánudags-
morgninum. Við reyndum allt sem
við gátum,“ segir Jakob.
Bréfaskipti vegna efasemda
um hæfi þriggja nefndarmanna
Í yfirlýsingu lögmanns LÍO kem-
ur einnig fram að fyrirtækið hafi
gert athugasemdir við hæfi þriggja
nefndarmanna í Rannsóknarnefnd
flugslysa (RNF) á meðan á ritun
skýrslu nefndarinnar stóð, sem
félagið benti á að tengdust sam-
keppnisaðilum í flugrekstri. Var því
haldið fram að þessi tengsl gætu
haft áhrif á hlutlægni þeirra og
traust á nefndinni.
Í bréfaskiptum sem fóru fram á
milli Ísleifs Ottesen, framkvæmda-
stjóra LÍO, og rannsóknarnefndar
flugslysa kemur fram að umræddir
þrír nefndarmenn eru Steinar
Steinarsson, flugstjóri hjá Flugleið-
um, Þorsteinn Þorsteinsson, sem er
sagður m.a. vinna að verkefnum fyr-
ir Flugfélagið Atlanta, og Sveinn
Björnsson, eigandi Flugþjónustunn-
ar á Reykjavíkurflugvelli.
Vitnar Ísleifur Ottesen, fram-
kvæmdastjóri LÍO, í bréfi 18. mars
til ákvæðis í stjórnsýslulögum varð-
andi hugsanlegt vanhæfi nefndar-
mannanna og segir þessar athuga-
semdir settar fram vegna þess
hvernig rannsókn málsins hafi
þróast svo og með hvaða hætti ein-
stök atriði í lokadrögum beinist að
rekstri LÍO ehf. án þess að séð verði
að þau varði rannsóknarefnið og án
þess að jafnframt hafi þá verið
rannsakað hvernig almennt var
staðið að loftflutningum fólks frá
Vestmannaeyjum umræddan dag, ef
þessi atriði varði flugatvikið á annað
borð. „Hefur þetta vakið efasemdir
okkar um óhlutdrægni nefndar-
manna yðar í garð LÍO ehf. og grun
um að annarleg sjónarmið ráði ýms-
um atriðum í lokadrögunum,“ segir
m.a. í bréfinu.
Fór Ísleifur Ottesen einnig fram
á að umræddir nefndarmenn vikju
sæti við umfjöllun um málefni LÍO
vegna efasemda um hæfi þeirra og
jafnframt var þess óskað að nefnd-
armenn tækju rökstudda afstöðu í
málinu.
Skúli Jón Sigurðarson, formaður
rannsóknarnefndar flugslysa, sagði
í samtali við Morgunblaðið í gær að
þessari athugasemd hefði verið vís-
að áfram til samgönguráðuneytisins.
Í svarbréfum Skúla Jóns til LÍO
segir að svo virðist sem um mis-
skilning sé að ræða, þar sem van-
hæfiástæður sem tilgreindar séu
eigi ekki við. Þar segir einnig að
ástæður þær sem tilgreindar séu
um meint vanhæfi umræddra nefnd-
armanna séu svo almenns eðlis að
telja verði að þær varði í raun al-
mennt hæfi þessara nefndarmanna
til að vera skipaðir og sitja í rann-
sóknarnefnd flugslysa. „Ef þessar
ástæður yllu hér vanhæfi fæli það
m.ö.o. í sér vanhæfi til að rannsaka
og fjalla um öll flugslys, flugatvik og
flugumferðaratvik þar sem íslenskir
flugrekendur ættu þátt að máli.
Með vísan til þess sem að ofan
greinir telur rannsóknarnefnd flug-
slysa að þér eigið að beina erindi yð-
ar til samgönguráðherra, sbr. 2.
mgr. 2. gr. laga nr. 59/1996,“ segir í
svarbréfi formanns rannsóknar-
nefndar flugslysa.
Embættismenn ráðuneyta fara yfir bréf Flugmálastjórnar vegna LÍO
Viðbragða ráðu-
neytis vænst í dag
ELVAR Eyvindsson, formaður
sameiningarnefndar sveitarfélag-
anna í Rangárvallasýslu, segir með
öllu óljóst hvert framhaldið verði í
sameiningarmálum í sýslunni. Þar
var síðastliðinn laugardag kosið um
sameiningu tíu sveitarfélaga. Sam-
einingin var samþykkt í Rangár-
vallahreppi, Hvolhreppi, Austur-
Eyjafjallahreppi, Austur-Landeyja-
hreppi, Vestur-Landeyjahreppi og
Fljótshlíðarhreppi en felld í Vestur-
Eyjafjallahreppi, Djúpárhreppi,
Ásahreppi og Holta- og Landsveit.
„Mín persónulega skoðun er sú
að þeir sem samþykktu sameiningu
komi nú saman og láti kjósa um
sameiningu þeirra hreppa. Skyn-
samlegast væri að þessi sex sveit-
arfélög myndu sameinast. Það er
mjög afgerandi niðurstaða í flestum
þessara hreppa og það hlýtur að
endurspegla vilja fólksins. Ég hef
trú á því að það sé vilji fyrir sam-
einingu í þessum hreppum. Reynd-
ar þætti mér gáfulegast ef það tæk-
ist að sameina þéttbýliskjarnana,
Rangárvallahrepp og Hvolshrepp,“
segir Elvar.
Ágúst Ingi Ólafsson, sveitarstjóri
í Hvolhreppi, segir að á næstu dög-
um verði niðurstöður kosninganna
skoðaðar og ekki sé hægt að fjöl-
yrða um útkomuna fyrr en að þeirri
skoðun lokinni. Aðspurður um
hvort honum þætti líklegt að stóru
hrepparnir, Hvolhreppur og Rang-
árvallahreppur, sameinist í ljósi
niðurstaðanna sagði Ágúst Ingi:
„Mér finnst ekki ólíklegt að það
verði gerð tilraun til að skoða sam-
einingu allra hreppa austan Ytri-
Rangár, þ.e. Rangárvallahrepps,
Hvolhrepps, Austur- og Vestur-
Landeyja, Fljótshlíðar og Eyja-
fjallahreppanna. Jafnvel þótt sam-
eining hafi verið felld í Vestur-
Eyjafjallahreppi finnst mér rétt að
skoða þetta nánar,“ segir Ágúst
Ingi.
Kosningar um sameiningu
hreppa í Rangárvallasýslu
Óvíst hvert
framhald-
ið verður
!
"#$ "%
&'()*
+ , - -
-
.
/
"
.
('00*
12345
!
6 7
8 7
7
0)
2*
10
22
09
&04
&&(
9*
2)
(1
492
7
9*
2:
(*
((
0*
:4
(*2
4(
(99
01
2)(