Morgunblaðið - 03.04.2001, Síða 16

AKUREYRI
16 ÞRIÐJUDAGUR 3. APRÍL 2001 MORGUNBLAÐIÐ
AÐSTÆÐUR til knatt-
spyrnuiðkunar á Akureyri og
reyndar víðar á landsbyggð-
inni hafa verið frekar erfiðar
í vetur, svo ekki sé meira
sagt. Eftir að Sanavöllurinn á
Akureyri var aflagður fyrir
fáum árum versnaði æfinga-
og keppnisaðstaða félaganna
á Akureyri og Eyjafirði til
muna, enda var völlurinn oft-
ast sá eini brúklegi fram und-
ir vor. Það hefur því verið lít-
ið um æfingaleiki norðan
heiða í vetur en þau félög
sem þátt taka í deildarbik-
arkeppni KSÍ eru spila sína
leiki fyrir sunnan og þá oftast
við ágætar aðstæður.
Þess verður þó ekki langt
að bíða að knattspyrnumenn
komist undir þak á Akureyri,
eftir að þriggja ára áætlun
bæjarsjóðs árin 2002-2004 var
samþykkt nýlega. Þar er gert
ráð fyrir 300 milljónum króna
í fjölnota íþróttahús, sem
byggt verður á félagssvæði
Þórs við Hamar og að auki
settar 80 milljónir króna í
þetta verkefni á yfirstandandi
ári.
Ekkert norðlenskt
lið í efstu deild
Eftir að Leiftur í Ólafsfirði
féll úr efstu deild á síðasta
keppnistímabili er ekki eitt
einasta lið af Norðurlandi á
meðal þeirra bestu og er orð-
ið nokkuð langt síðan að sú
staða var uppi. Hins vegar
eru 6 norðlensk lið í 1. deild,
Þór, KA, Dalvík, Leiftur, KS
og Tindastóll og verður telj-
ast nokkuð líklegt að eitt-
hvert þeirra nái sæti í úrvals-
deild að hausti.
Aðstæður
til knatt-
spyrnuæf-
inga erfiðar
SYSTKININ Halldóra og Þorgils
Gunnlaugsbörn frá Sökku urðu
fyrstu heimsmeistararnir í brús, en
keppnin var hluti af menningarhá-
tíðinni Svarfdælskum marsi sem
efnt var til um helgina í Dalvíkur-
byggð.
Brús er spil sem einkum og sér í
lagi er spilað í Svarfaðardal og því
þótti ekki úr vegi að efna til þess-
arar heimsmeistarakeppni á menn-
ingarhátíðinni, en spilað var í
félagsheimilinu Rimum.
Hjörleifur Hjartarson, einn
þeirra sem stóðu að menningarhá-
tíðinni, sagði að vel hefði tekist til í
alla staði og því hefði fólk ekki séð
ástæðu til annars en að endurtaka
marsinn að ári. Spilað var á 10
borðum, þannig að 20 pör eða 40
manns tóku þátt í þessari fyrstu
heimsmeistarakeppni og sagði
Hjörleifur þátttöku framar vonum.
Auk þess fór fram kennsla og settar
voru upp æfingabúðir og þá fylgd-
ist fjöldi fólks með spilamennskunni
og skemmti sér hið besta. „Við ger-
um því ráð fyrir mikilli aukningu á
næsta heimsmeistaramóti sem
verður að ári,“ sagði Hjörleifur.
Yfir eitt hundrað manns sóttu
málþing um svarfdælska menningu
sem haldið var í Dalvíkurskóla á
laugardag og þá var einnig mikið
fjölmenni þegar svarfdælskur mars
var stiginn á Rimum að kveldi þess
dags. Í marsinum tóku þátt 45 núm-
eruð pör, en Hjörleifur sagði að
drifið hefði að fólk úr öðum sveit-
um, m.a. Bárðardal en þar tíðkast
einnig sá gamli siður að taka mars-
inn. Brottfluttir íbúar voru einnig á
meðal gesta menningarhátíðar-
innar, m.a. tók Kór Svarfdæla sunn-
an heiða þátt í kóramóti í Dalvík-
urkirkju.
Menningarhátíðin Svarfdælskur mars tókst einkar vel
Systkinin á Sökku
heimsmeistarar í brús
Morgunblaðið/Gunnar Jónsson
Hjörleifur Hjartarson afhendir Þorgilsi og Halldóru Gunnlaugsbörnum
bikar til eignar en þau eru fyrstu heimsmeistararnir í brús.
Morgunblaðið/Gunnar Jónsson
Ábúðarmikið spilafólk og kynslóðabilið brúað. Þarna eru þau Þórarinn
Eldjárn og Unnur Ólafsdóttir, sem fengu sárabótarverðlaun fyrir mestu
klórningu, að spila við Sigurlaugu Hönnu Hafliðadóttur frá Urðum, en
hún var yngsti keppandinn á mótinu, á 13. ári, og Lilju Hannesdóttur,
sem var í hópi þeirra elstu, en hún er frá Odda á Dalvík.
ÞRJÁR stúlkur, framhaldsskóla-
nemi, grunnskólanemi og verka-
kona, hafa í Héraðsdómi Norður-
lands eystra verið dæmar í 90 daga
fangelsi en það er skilorðsbundið til
tveggja ára. Stúlkurnar voru ákærð-
ar fyrir líkamsárás á stúlku í júlí í
fyrrasumar en árásin átti sér stað
við Giljaskóla. Þá var stúlkunum
gert að greiða fórnarlambi sínu um
78 þúsund krónur í skaðabætur
ásamt dráttarvöxtum sem og þókn-
un réttargæslumanns og annan sak-
arkostnað.
Stúlkurnar þrjár voru ákærðar
fyrir að hafa í sameiningu með
blekkingum fengið stúlkuna til að
hitta sig við Giljaskóla á Akureyri
þar sem þær veittust að henni, tóku
hana hálstaki og börðu hana marg-
sinnis í andlitið og víðar á líkamann,
felldu hana í jörðina, spörkuðu í
hana og lömdu liggjandi og síðar eft-
ir að hún stóð upp haldið áfram að
berja hana í andlit og sparka með
hné í maga hennar með þeim afleið-
ingum að hún hlaut bólgu og mar í
kringum bæði augu, sár á neðri vör
og eymsli.
Sögusagnir, baktal
og afbrýðisemi
kveikjan að árásinni
Játuðu stúlkurnar fyrir dómi að
hafa sammælst um að blekkja stúlk-
una til að hitta sig við skólann og við-
urkenndu þær einnig að ætlan
þeirra hafi verið sú að ganga í
skrokk á henni. Af framburði þeirra
var ráðið að meintar sögusagnir og
baktal hennar í þeirra garð sem og
afbrýðisemi vegna kærasta og „eitt-
hvað svona smotterí“ eins og það er
orðað hafi verið kveikjan að árásinni.
Háttsemi þeirri þótti með játn-
ingu þeirra nægilega sönnuð. Við
ákvörðun refsingar var litið til þess
að stúlkurnar stóðu saman að atlög-
unni samkvæmt fyrirframgerðu
samkomulagi og var árásin að mati
dómsins fólskuleg. Því þótti refsing
þeirra hæfilega ákveðin 90 daga
fangelsi en með hliðsjón af ungum
aldri þeirra, hreinum sakaferli,
hreinskilningslegum játningum svo
og því að fyrir dómi hafi þær lýst yfir
nokkurri iðran vegna verknaðarins
þótti rétt að fresta fullnustu refsing-
ar og mun hún falla niður að tveimur
árum liðnum haldi þær almenn skil-
orð.
Blekktu stúlku til að
hitta sig og gengu í
skrokk á henni
Þrjár stúlkur dæmdar
fyrir fólskulega árás
FULLTRÚAR Iðntæknistofn-
unar voru á faraldsfæti um
landið í febrúar og mars. Þeir
heimsóttu alla landsfjórðunga
og voru með kynningarfundi
undir nafninu „Átt þú erindi við
okkur?“
Fundirnir voru skipulagðir í
samvinnu við atvinnuþróunar-
félögin á hverjum stað en Iðn-
tæknistofnun leggur ríka
áherslu á samstarf við atvinnu-
ráðgjafa í landinu. Á dögunum
voru þeir á Akureyri og notuðu
tækifærið til að veita Þórarni
Kristjánssyni, Gúmmívinnsl-
unni hf., brautryðjendaverð-
laun Iðntæknistofnunar en þau
voru veitt á hverjum stað.
Hallgrímur Jónasson, for-
stjóri Iðntæknistofnunar,
veitir Þórarni Kristjáns-
syni í Gúmmívinnslunni
brautryðjendaverðlaunin.
Brautryðj-
endaverðlaun
Iðntækni-
stofnunar
AÐALFUNDUR Knattspyrnu-
félags Akureyrar verður haldinn í
KA-heimilinu í kvöld, þriðjudags-
kvöldið 3. apríl og hefst hann kl. 20.
Dagskrá fundarins er samkvæmt
lögum félagsins auk þess sem fjallað
verður um lagabreytingar. Tillögur
til breytinga á lögum félagsins liggja
frammi í KA-heimilinu.
Aðalfundur KA
♦ ♦ ♦