Morgunblaðið - 03.04.2001, Page 26

NEYTENDUR
26 ÞRIÐJUDAGUR 3. APRÍL 2001 MORGUNBLAÐIÐ
DÖNSK fyrirtæki virða að vettugi
viðmið OECD um viðskipti á Net-
inu, samkvæmt rannsókn sem um-
boðsmaður neytenda gerði í Dan-
mörku. Hún var hluti stærri
rannsóknar sem framkvæmd var í
19 löndum en alls voru yfir 3.200
heimasíður á Netinu skoðaðar með
tilliti til þess hvort áðurnefndum
reglum OECD væri framfylgt.
Reglurnar eru í tíu liðum og
kveða m.a. á um að fram komi upp-
lýsingar um fyrirtækið, heimilis-
fang, hvaða reglur gildi um skrán-
ingu og rétt neytandans til að skila
vöru. Af 37 dönskum heimasíðum
sem skoðaðar voru uppfyllti aðeins
ein öll tíu skilyrðin sem OECD set-
ur. Í flestum tilfellum vantaði upp-
lýsingar um lágmarksaldur kaup-
enda en einnig vantaði oft
upplýsingar um hvort viðkomandi
fyrirtæki sendi vörur út fyrir land-
steinana. Niðurstaðan í Danmörku
er í samræmi við það sem gerist í
öðrum löndum, m.ö.o. reglur OECD
eru að jafnaði ekki virtar. Þetta ger-
ist þrátt fyrir að svipuð könnun hafi
verið gerð á síðasta ári og athygli
fyrirtækja vakin á niðurstöðunni.
Peter Fogh, lögmaður hjá umboðs-
manni neytenda, segir fyrirtæki
ekki virða þær reglur sem fyrir
hendi eru og geri ekkert til að kynna
sér þær. Í kjölfar rannsóknarinnar
verður eftirlit með viðskiptum á
Netinu nú kannað enn frekar í von
um að fyrirtækin taki sig á.
Hunsa reglur um
viðskipti á Netinu
Kaupmannahöfn. Morgunblaðið.
VIÐSKIPTI
NÝ vefverslun Griffils var opnuð
fyrr í vikunni á fimm stöðum á
landinu; á Akureyri, Akranesi, Ísa-
firði, í Mosfellsbæ og Fjarðabyggð.
Kristján Þór Júlíusson, bæjar-
stjóri á Akureyri, Halldór Hall-
dórsson, bæjarstjóri Ísafjarðar-
bæjar, Gísli Gíslason, bæjarstjóri á
Akranesi, Jóhann Sigurjónsson,
bæjarstjóri í Mosfellsbæ, og Smári
Geirsson, forseti bæjarstjórnar í
Fjarðabyggð, opnuðu vefversl-
unina og urðu fyrstir til að panta
vörur. Í vefversluninni er hægt að
fá allt frá yddurum til skrifborða
og margvíslegan tölvubúnað svo
eitthvað sé nefnt. Þá munu öll til-
boð í verslun Griffils í Skeifunni
vera á vefnum.
Griffill var með fyrstu verslun-
um með skrifstofuvörur til að setja
upp vefverslun, en hún hefur legið
niðri um skeið og hafa nú verið
gerðar breytingar á útliti og inni-
haldi hennar. Vörurnar eru sendar
til viðskiptavina með Íslandspósti
og afhentar daginn eftir að pönt-
unin á sér stað.
Vefverslun
Griffils
NÝLEGA úthlutaði Norræna um-
hverfisstofnunin þúsundasta leyfinu
til notkunar á umhverfismerkinu
Svaninum en tíu ár eru liðin frá því
fyrsti Svanurinn var veittur.
Statoil-bílaþvottastöðin við Umeå í
Svíþjóð varð fyrir valinu og er þar-
með fyrsta umhverfismerkta bíla-
þvottastöðin á Norðurlöndum, að
sögn Sigrúnar Guðmundsdóttur
starfsmanns umhverfismerkisráðs
Íslands. Til þess að uppfylla kröfur
Svansmerksisins þurfa bílaþvotta-
stöðvar að minnka losun á málmteg-
undum og olíu til umhverfisins um
80% sem er gífurlegur ávinningur
fyrir umhverfið, segir Sigrún enn-
fremur.
Fjögur íslensk fyrirtæki
bætast í hópinn?
Tvö íslensk fyrirtæki hafa hlotið
norræna umhverfismerkið hér á
landi en það eru Frigg hf., fyrir
Maraþon milt þvottaefnið, og prent-
smiðjan Hjá Guðjón Ó. fyrir prent-
verk. Fjögur íslensk fyrirtæki hafa
sótt um Svaninn og gerir Sigrún ráð
fyrir að leyfi verði veitt bráðlega.
„Svansmerkið hefur átt ríkan þátt
í að auka umhverfisvitund neytenda,
innkaupastjóra og fyrirtækja en
einnig haft beinan ávinning fyrir um-
hverfið. Sem dæmi má nefna að
svansmerking í prentvinnslu hefur
leitt til minni notkunar á kemískum
efnum og umhverfisvænni fram-
leiðslu prentiðnaðarins. Hvað þvotta-
efni varðar hefur innihald þeirra
gjörbreyst, til dæmis hefur magn
fyllingarefna – sem ekki hafa nein
þvottaáhrif – minnkað um 95% sem
hefur í för með sér minnkun umbúða-
magns og minni orku og hráefnis-
notkun við framleiðslu og flutninga.“
2.000 tegundir í
40 vöruflokkum
Sigrún segir yfir tvö þúsund
svansmerktar vörutegundir vera í
ríflega 40 vöruflokkum á markaði. Að
stærstum huta er um að ræða venju-
legar lausavörur og hluti á borð við
þvottavélar, tölvur, sláttuvélar og
þvottaduft en einnig merkingar á
þjónustu, svo sem á hótelum og bíla-
þvottastöðvum.
Upplýsingar um Svaninn má finna
á vef Hollustuverndar ríkisins:
www.hollver.is.
Norræna umhverfismerkið
tíu ára og þúsund leyfi veitt
Svanurinn eykur
umhverfisvitund
HAGNAÐUR af rekstri Þorbjarnar
Fiskaness hf. árið 2000 fyrir afskrift-
ir og fjármagnsliði var 603,8 millj-
ónir króna, eða 23,1% af tekjum, en
hagnaðurinn var 471 milljón króna
árið 1999, eða 23,9% af tekjum. Tap
af reglulegri starfsemi fyrir skatta
var 126,4 milljónir króna, eða 4,8% af
tekjum, en árið 1999 var hagnaður-
inn 116 milljónir. Tap ársins nam því
88,8 milljónum króna, eða 3,4% af
tekjum, en 112,7 milljóna króna
hagnaður varð árið 1999.
Rekstrartekjur félagsins voru
2.617 milljónir króna árið 2000, en
voru 1.975 milljónir árið 1999. Í til-
kynningu til Verðbréfaþings segir að
hækkunin sé til komin vegna þess að
á árinu voru Fiskanes hf. í Grindavík
og Valdimar ehf. í Vogum sameinuð
Þorbirni hf. og var nafni fyrirtæk-
isins jafnframt breytt í Þorbjörn
Fiskanes hf. Sameining þessi var
staðfest á hluthafafundum í félögun-
um 12. október síðastliðinn og mið-
aðist við 1. júlí 2000.
Fjárfest í veiðiheimildum og
endurbótum á skipum
Á árinu var fyrst og fremst fjár-
fest í veiðiheimildum en einnig í end-
urbótum á skipum félagsins. Rekst-
ur flakafrystitogaranna, bolfisk-
veiðiskipa og landvinnslu bolfisks
gekk vel á árinu, einnig útgerð nóta-
skipsins. Þar sem félagið er að mestu
skuldsett í erlendum gjaldmiðlum
varð gengistap á árinu sem nam
421,8 milljónum króna, og olíuverðs-
hækkanir hækkuðu olíureikning fyr-
irtækisins um 94 milljónir frá árinu
áður og að því er fram kemur í til-
kynningunni til Verðbréfaþings er í
þessum tveimur liðum fyrst og
fremst að leita orsaka tapsins sem
varð á rekstri fyrirtækisins. Geng-
isbreytingar erlendra gjaldmiðla
munu hins vegar skila sér í bættum
tekjum á komandi árum.
Kostnaður sem til féll á árinu
vegna sameiningar fyrirtækjanna
var gjaldfærður og er hluti hans til-
greindur meðal annarra gjaldaliða í
rekstrarreikning. Frá því að samein-
ing fyrirtækjanna var staðfest hafa
fimm bátar verið seldir, þar af þrír
bátar á árinu 2000 og tveir bátar á
árinu 2001. Þá verður lagmetisiðja
fyrirtækisins sameinuð Jóni Þor-
steinssyni ehf. á Akranesi í apríl
næstkomandi. Endurskipulagning
rekstrar fyrirtækisins hófst strax að
aflokinni sameiningu á síðasta ári og
mun byrja að skila sér í bættum
rekstri á árinu 2001.
Í árverða gerðir út þrír frystitog-
arar, þrjú línuskip og það fjórða bæt-
ist við á haustmánuðum, en fyrirhug-
að er að breyta nótaskipinu Geirfugli
(áður Háberg GK ) í línuskip, tvö
togskip og þrír netabátar, en þeim
fækkar þegar línuskipið verður tekið
í notkun, og vinnsla afla af þeim fer í
saltfisk og fersk flök til útflutnings.
Einnig mun verða unninn humar hjá
fyrirtækinu eins og verið hefur. Þá
er gert út eitt skip til veiða á loðnu og
síld.
Stjórn félagsins mun leggja til við
aðalfund að greiddur verði 7% arður
til hluthafa.
Tap Þorbjarnar Fiskaness
hf. 88,8 milljónir króna

  

 






  
 



   



  
 


   


  
 



  
 


  


 
 

    
    
    



 



    !"#
 #$%

&'"
%!

()'

*%



 $#
% *$$

%%#
)&















 
 !"
#
$
  #
$
  #
$
  

 
 !"

 

   !"

♦ ♦ ♦