Morgunblaðið - 05.04.2001, Side 28

LISTIR
30 FIMMTUDAGUR 5. APRÍL 2001 MORGUNBLAÐIÐ
„ÉG ER mjög spennt yfir að vera að
fara á hátíðina, enda gefur það mér
tækifæri til að koma í alveg nýja
heimsálfu,“ sagði Helga þegar blaða-
maður náði af henni tali áður en hún
lagði land undir fót. „Sama mætti
segja um Leif heppna, sem hefur
aldrei komið á þessar slóðir, þótt víð-
förull sé,“ bætir Helga við og hlær.
Helga setti upphaflega upp leikrit-
ið Leif heppna í samvinnu Reykjavík
– menningarborg Evrópu árið 2000
og landafundanefnd og var það frum-
sýnt í Washington við opnun víkinga-
sýningar Smithsonian-stofnunarinn-
ar. Þá sýndi Helga leikritið á Spáni,
og mun á næsta ári halda til Victoria í
Kanada en þangað hefur henni verið
boðið með sýninguna.
Tasmanía er ríki í Ástralíu sem tek-
ur til eyjarinnar Tasmaníu og ná-
lægra smáeyja. Hátíðin „Ten Days on
the Island“ er viðamikil listahátíð sem
helguð er menningu eylanda. „Um er
að ræða mjög metnaðarfulla og vel
skipulagða listahátíð, og verða þar
flutt atriði á ólíkum sviðum lista og
menningar.“
Þvottur breytist í víkingaskip
Helga mun sýna Leif heppna á 15
ólíkum stöðum í Tasmaníu meðan há-
tíðin stendur yfir, en hún hófst 30.
mars síðastliðinn og stendur til 8. apr-
íl. „Sýningin mín er það atriði sem fer
hvað víðast á hátíðinni, enda er um
farandleikhús að ræða og því auðvelt
að ferðast með sýninguna á milli
staða.“ Auk þess mun Helga flytja
fyrirlestur um leikritun á Íslandi, sem
m.a. verður sjónvarpað í heimildar-
mynd um hátíðina á ABC-sjónvarps-
stöðinni, og halda leiklistarnámskeið
fyrir börn á King Island.
Leifur heppni er sjötta uppfærsla
farandleikhússins Tíu fingur sem
Helga hefur rekið frá árinu 1993. Um
er að ræða sýningar sem Helga leikur
í, auk þess að notast við brúður og
leikmynd til að skapa myndrænt leik-
hús. Í Leifi heppna leikur Helga
þvottakonuna Ísafold, sem jafnframt
er sögumaður. „Ísafold er að taka nið-
ur þvott af snúru meðan hún segir
söguna af Vínlandsfundi Leifs heppna
og föruneytis. Hún fer síðan á mikið
flug, enda mikil sögukona, og notar
þvottinn og snúruna til að búa til heilt
leikhús. Þar birtast t.d. víkingaskip,
tröllskessur og hið fagra Vínland,“
segir Helga. Höfundur leikmyndar-
innar er Petr Matásek, en Þórhallur
Sigurðsson leikstýrði verkinu.
Eftir að Helga lýkur sýningum í
Tasmaníu mun hún koma heim og
halda áfram að sýna leikritið í grunn-
skólum víða um landið, eins og hún
hefur gert með önnur leikrit á vegum
leikhússins. „Þar sem ég hef sýnt leik-
ritið í skólum hef ég reynt að vekja
umræður og vangaveltur um efnið. Í
þessum búningi er sagan færð nær
krökkunum, og þau fara að velta fyrir
sér ýmsum hlutum, sem sögulegar
heimildir ná ekki til, t.d. hvort Leifur
hafi orðið sjóveikur á leiðinni,“ segir
Helga. „Mannkynssagan er, þegar
öllu er á botninn hvolft, eins og aðrar
sögur og mér finnst mikilvægt að
skólabörn læri að mynda sér eigin
skoðanir og túlkanir á því sem þar
stendur,“ segir Helga að lokum.
Helga Arnalds sýnir leikritið Leifur heppni í Tasmaníu.
Vínlandsfund-
urinn í leikræn-
um búningi
Helga Arnalds brúðuleikkona sýnir um
þessar mundir leikritið Leifur heppni á
listahátíðinni „Ten Days on the Island“ sem
haldin er í Tasmaníu.
NÚ stendur yfir í Norræna húsinu
kynning á menningu frá Norður-
botni í Svíþjóð og lýkur 6. apríl.
Fimmtudagur - kvikmyndir frá
Norðurbotni.
Kl. 12 heldur Per-Erik Svensson
fyrirlestur um Filmpool Nord og
kvikmyndagerð í Norðurbotni.
Kl. 16 verður sýnd heimildamyndin
Blóðslóð eftir Gunillu G. Bresky. (50
mín.)
Fjórar stuttmyndir eru á dagskrá:
Kl. 17: Anton eftir Reuben Sletten.
(26 mín.)
Kl. 17.30: Fyrir flóðið eftir Mika
Ronkainen. (26 mín.)
Kl. 18: Isko-Matti og ástin í stjórn
Paul-Anders Simma. (20 mín.)
18:30: Rackelhane eftir handriti
Hannu Paavonen. (40 mín.)
Túlkunarbox eru á staðnum.
Norðurbotns-
dagar
NÚ stendur yfir í kvik-
myndahátíðin Kvikar myndir
í MÍR-salnum og Norræna
húsinu. Yfirskrift hátíðarinn-
ar er Pólitík.
Fimmtudagur
Norræna húsið: Opið kl.
14–18. Loft: Frjáls flokkur.
Gólf: Áróðursmyndir. Kl. 15,
ýmsir titlar. Gryfja: Heimild-
armyndir: Kl. 14 Le Joli Mai
eftir Cris Marker. Kl. 16 Án
titils eftir Pétur Má Gunn-
arsson.
MÍR-salurinn: Kl. 20: Rúss-
neska kvikmyndin Reynsluár
Tékkóslóvakíu eftir A. Kolos-
hin, (1969).
Kvikar
myndir