Morgunblaðið - 05.04.2001, Blaðsíða 65

MORGUNBLAÐIÐ FIMMTUDAGUR 5. APRÍL 2001 69
Frumsýnd í Háskólabíói 6. apríl
Besta myndin
Sundance Film Festival 2000
Besti leikstjórinn
Sundance Film Festival 2000
Kurt og Cortney
(Kurt and Courtney)
H e i m i l d a r m y n d

Leikstjórn og handrit: Nick
Broomfield. 95 mín., Bretland 1998.
Myndform. Bönnuð innan 12 ára.
Kvikmyndagerðarmaðurinn Nick
Broomfield er nokkuð sér á báti.
Hann hefur nær alfarið helgað
þriggja áratuga feril sinn heimildar-
myndagerð og tekist, meðvitað eða
ómeðvitað, að skapa sér vinnuaðferð,
eða kannski frekar
stíl, sem á engan sinn
líka. Margir myndu
telja þennan stíl
Broomfield í ætt við
æsifréttamennsku og
finnst hann æði upp-
tekinn við að moka
for í þeirri von að
finna þar eitthvað krassandi, eitthvað
hneykslanlegt. Eitt megineinkenni
stílsins sérstaka er að Broomfield er
ef svo má segja ætíð í aðalhlutverki
mynda sinna, malar stöðugt, kærir
sig kollóttan um hlutleysi og lýsir
nær öllu sem viðkemur sjálfri gerð
mynda sinna, öllum reddingum, pen-
ingavandræðum og almennu veseni
sem hann á æði oft til að lenda í.
Við fyrstu sýn liggur hreint ekki í
augum uppi hvers vegna slíkur mað-
ur ákveður að grafast nánar fyrir um
dauða grugggoðsins Kurts Cobains
úr Nirvana og samband hans við
Courtney Love. En kauði hefur
myndað sér skoðun; honum virðist
meinilla við Love og er mikið í mun að
sýna fram á hvers vegna. Hann geng-
ur meira að segja svo langt að grafa
eftir rökum sem benda til þess að hún
hafi átt beinan þátt í dauða Cobains –
jafnvel borið ábyrgð á honum.
Broomfield tekst að þefa uppi æði
skrautlegan flokk viðmælenda sem
upp til hópa virðist hafa fetað ógæfu-
slóðir í lífinu. Gamlir elskhugar
þeirra Kurt og Courtney, vinir og
ættingjar opna sig upp á gátt um
samband sitt við þau og er mest slá-
andi að sjá föður Courtney hakka
hana í sig og saka hana hreinleg um
að hafa myrt Kurt!
Það má færa þung og góð rök fyrir
því að vinnuaðferð Broomfield sé
verulega vafasöm og þótt honum hafi
tekist að sannfæra mig um að
Courtney sé mesta ómenni keypti ég
nú ekki alveg rök hans um að Kurt
hafi verið myrtur. Hvað sem skoðun-
um á Broomfield og kenningum hans
líður flokkast myndin undir skyldu-
áhorf hvorutveggja fyrir unnendur
heimildarmynda og rokktónlistar.
Skarphéðinn Guðmundsson
Var Cobain
myrtur?
MYNDBÖND