Morgunblaðið - 05.04.2001, Blaðsíða 66

FÓLK Í FRÉTTUM
70 FIMMTUDAGUR 5. APRÍL 2001 MORGUNBLAÐIÐ
MÆLSKU- og rökræðukeppni
Íþrótta- og tómstundaráðs lauk á
þriðjudagskvöldið þegar Rimaskóli
bar sigur úr býtum í harðri keppni
við Réttarholtsskóla í úrslitakeppn-
inni sem haldin var í troðfullu Ráð-
húsi Reykjavíkur. Þar tókust skól-
arnir á um það hvort peningarnir
sköpuðu hamingjuna, Rimaskóli var
á móti en Réttarholtsskóli með.
„Sárt að tapa“
Atli Bollason, nemandi í 10. bekk
Réttarholtsskóla, var útnefndur
ræðumaður kvöldsins og ræðumaður
ÍTR árið 2001. Atli hlaut sömu titla í
fyrra en þá vann Réttarholtsskóli
þegar þessi sömu lið mættust í úr-
slitum. Atli var að vonum ánægður
þegar Morgunblaðið hafði samband
við hann skömmu eftir að keppninni
lauk.
„Það var náttúrlega sárt að tapa
en svona kemur fyrir,“ sagði Atli og
sagðist afar ánægður með liðsfélaga
sína.
Aðspurður hvort það hefði reynst
erfitt að halda þessum málstað fram
að peningarnir sköpuðu hamingjuna,
sagði Atli að svo hefði ekki verið.
„Þau [keppendur Rimaskóla] höfðu
fá rök fyrir utan ást, vináttu, kærleik
og svo framvegis. Við gátum dregið
fram alls konar lífsgæði, að maður
geti ekki lifað nema maður ætti pen-
ing. Maður þarf fæði og skjól,“ sagði
Atli. Hann sagði þó að þrátt fyrir að
peningar gætu skapað hamingju,
gæti ást, vinátta og kærleikur senni-
lega skapað ennþá meiri hamingju.
Með Atla í liði voru þau Dagný Dan-
íelsdóttir liðsstjóri, Birgir Ásgeirs-
son frummælandi og Kári Sigurðs-
son meðmælandi.
Liðstjóri sigurliðs Rimaskóla var
Andri Ómarsson, nemandi í 10. bekk,
og viðurkenndi hann að þau hefðu
verið nokkuð sigurviss, a.m.k. fyrir
keppni.
„Okkur leist mjög vel á undirbún-
ing okkar. Þegar í keppnina kom
héldum við reyndar að þetta yrði tví-
sýnna, að það yrði mjórra á munum
en síðan varð,“ segir Andri.
Aðspurður hvort það væri í raun
skoðun liðsins að peningarnir sköp-
uðu ekki hamingjuna sagði hann svo
ekki vera.
„Þeir kannski skapa ekki hamingj-
una, en þeir eru grundvöllur hennar.
Þeir geta stuðlað að hamingju. Þú
getur keypt hina og þessa hluti sem
veita þér hamingju.“
Helstu rök Rimaskóla í keppninni
fyrir því að peningar skapi í raun
ekki hamingjuna voru þau að ham-
ingjan væri huglæg.
„Fátækur maður getur alveg
skynjað hamingjuna þótt hann eigi
ekki pening. Hér á árum áður voru
engir peningar til en þrátt fyrir það
voru menn hamingjusamir.“
Með Andra í liðinu voru þau Sig-
urjón Kjærnested frummælandi,
Agnar Darri Lárusson meðmælandi
og Ásdís Egilsdóttir stuðningsmað-
ur. Eftir sigurinn fögnuðu þau með
því að fara út að borða og vel var svo
tekið á móti þeim þegar þau mættu í
skólann í gær og við það tilefni vígð-
ur sérskápur þar sem verðlaunagrip-
unum var komið fyrir.
Morgunblaðið/Jón Svavarsson
Atli Bollason var ánægður með
sitt, þrátt fyrir tapið.
Klappstýrur Réttó voru í léttum gír.
Skapa peningar
hamingjuna?
Sigurlið Rimaskóla; (f.v.) Helgi Árnason skólastjóri, Andri Ómarsson,
Sigurjón Kjærnested, Ásdís Egilsdóttir, Agnar Darri Lárusson og
Marta Karlsdóttir kennari.
Úrslitakeppni Mælsku- og rökræðukeppni ÍTR fór fram á mánudag