Morgunblaðið - 26.04.2001, Síða 8
FRÉTTIR
8 FIMMTUDAGUR 26. APRÍL 2001 MORGUNBLAÐIÐ
Ráðstefna um Vatnajökulsþjóðgarð
Þjóðgarður
og nágrenni
RÁÐSTEFNA umsambúð þjóðgarðsog nágrennis –
Vatnajökulsþjóðgarður,
verður haldin í dag og á
morgun á Kirkjubæjar-
klaustri. Ráðstefnan hefst
klukkan 13 í dag og er frá
kl. 9 til 15.30 á morgun.
Hún er haldin í samstarfi
Kirkjubæjarstofu og Nátt-
úruverndar ríkisins. Árni
Bragason er forstjóri
Náttúruverndar ríkisins.
„Markmiðið með þessari
ráðstefnu er að fjalla um
sambúð þjóðgarðs og íbúa
og þar verður bæði greint
frá hagrænum áhrifum
þjóðgarðs, áhrifum ferða-
mennsku á náttúruna og
viðhorfum heimamanna til
náttúruverndar og aukinn-
ar ferðamennsku.“
– Hefur ferðamennska mikil
áhrif á rekstur þjóðgarða?
„Kynntar verða rannsóknir Há-
skóla Íslands og Háskólans á Ak-
ureyri á ráðstefnunni, sem unnar
voru í samstarfi við ferðamálaráð
og Náttúruvernd ríkisins. Þar
verður greint frá áhrifum ferða-
mennsku á náttúrufar og hvað
náttúran þolir í þessu sambandi.“
– Hvað þolir hún mikið?
„Vísindamennirnir Bergþóra
Aradóttir, Anna Dóra Sæþórs-
dóttir, Guðrún Gísladóttir, Björn
Traustason og Arnar Már Ólafs-
son frá háskólunum munu þarna
segja frá fyrstu rannsókn sem
reynir að meta áhrif aukinnar
ferðamennsku á náttúruna. Þau
segja frá því að vinsælir staðir
sem þau hafa skoðað, svo sem
Skaftafell, Landmannalaugar og
Lónsöræfi, bera nú greinileg
merki mikillar ferðamennsku og
undirstrika að brýnt er að gera úr-
bætur til að geta tekið á móti enn
fleiri ferðamönnum í framtíðinni.“
– Hvað með hin hagrænu áhrif?
„Tryggvi Felixson, þjóðhag-
fræðingur og framkvæmdastjóri
Landverndar, mun fjalla um hag-
ræn áhrif þjóðgarðs og hvort þjóð-
garður er raunhæf leið til að
styrkja byggð. Tryggvi mun reyna
að bera þessa leið saman við aðrar
byggðastyrkjandi leiðir stjórn-
valda. Sædís Íva Elíasdóttir, at-
vinnuráðgjafi í Vestur-Skaftafells-
sýslu, mun fjalla um atvinnulíf á
svæðinu og stofnun Vatnajökuls-
þjóðgarðs, en í ráði er að stofna
þann þjóðgarð á næsta ári.
Til að lyfta andanum verður
Oddur Sigurðsson jarðfræðingur
með myndasýningu um hálendið
sunnan Vatnajökuls og Haraldur
Ólafsson prófessor mun flytja
hugleiðingu um þjóðgarð og sam-
félag.
Síðari daginn, á föstudeginum,
verður fjallað um landbúnað og
þjóðgarða af fulltrúa
landbúnaðarráðuneyt-
isins og Guðríður Þor-
varðardóttir frá Nátt-
úruvernd ríksins mun
fjalla um reynslu ann-
arra þjóða af svæðaskiptingu í
þjóðgörðum.“
– Hver er sú reynsla?
„Reynsla annarra þjóða og
reyndar okkar Íslendinga líka er
sú að allri almennri starfsemi er
hægt að koma fyrir innan þjóð-
garða og friðlýstra svæða en auð-
vitað taka menn tillit til þess að
umrædd svæði eru friðlýst og
vanda sig betur varðandi um-
gengni og t.d. frárennslismál.“
– Er gert ráð fyrir mikilli al-
mennri starfsemi í Vatnajökuls-
þjóðgarði?
„Fyrsta skrefið er að taka ein-
ungis jökulhettuna og bæta henni
við Skaftafellsþjóðgarð. En í ná-
grenni þjóðgarðsins er víða öflug
ferðaþjónusta. Á ráðstefnunni
munu ferðaþjónustubændurnir
Sigurlaug Gissurardóttir í Árbæ
og Jóhanna Jónsdóttir á Hunku-
bökkum fjalla um viðhorf sitt til
stofnunar þjóðgarðsins og Anna
María Ragnarsdóttir, hótelhaldari
á Hótel Skaftafelli, mun segja frá
sinni löngu reynslu af samstarfi
við þjóðgarðinn í Skaftafelli. Aðrir
fyrirlesarar á föstudeginum eru
Rögnvaldur Guðmundsson ferða-
málafræðingur, sem kynnir nýjar
rannsóknir sínar á hálendi Skaft-
árhrepps, Jón Hjartarson, sem
fjallar um áhrif á óhefðbundnar
atvinnugreinar, Ólafía Jakobs-
dóttir sveitarstjóri mun fjalla um
væntingar manna í Skaftárhreppi
til ráðgerðs Vatnajökulsþjóð-
garðs, en Ólafía hefur látið þess
getið að hún myndi vilja búa í
sveitarfélagi sem væri allt innan
þjóðgarðs. Þá mun Kristinn Jón-
asson, bæjarstjóri í Snæfellsbæ,
segja frá væntingum heimamanna
á Snæfellsnesi vegna stofnunar
þjóðgarðs þar. Sigþrúður Stella
Jóhannsdóttir, þjóð-
garðsvörður í Jökuls-
árgljúfrum, mun segja
frá reynslu vegna þjóð-
garðsins þar.“
– Hvað með verndun
ýmissa náttúru- og menningar-
minja?
„Starfsmaður Þjóðminjasafns
Íslands mun fræða ráðstefnugesti
um verndun menningarminja og
myndasýning verður um hálendið
sunnan Vatnajökuls á vegum
Ferðafélags Íslands, Íslenskra
fjallaleiðsögumanna, Ultima
Thule og Útivistar.
Náttúruvernd ríkisins og
Kirkjubæjarstofa binda miklar
vonir við ráðstefnu þessa og við
stofnun þjóðgarðsins væntanlega
– við teljum að þessi þjóðgarður
geti orðið umhverfi sínu til mikils
ávinnings.“
Árni Bragason
Árni Bragason fæddist 15.
júlí 1953 í Reykjavík. Hann
lauk stúdentsprófi frá Mennta-
skólanum við Tjörnina 1973 og
BS-prófi í líffræði 1976 frá Há-
skóla Íslands og Phd.gráðu í
jurtaerfðafræði frá Landbún-
aðarháskólanum í Kaupmanna-
höfn 1986. Hann hefur starfað
á Rannsóknastofnun landbún-
aðarins, fyrir SÍS í nokkur ár,
þá var hann forstöðumaður
Rannsóknarstöðvar skógræktar
að Mógilsá í 7 ár en varð for-
stjóri Náttúruverndar ríkisins
1998. Árni er kvæntur Önnu
Vilborgu Einarsdóttur mennta-
skólakennara og eiga þau þrjú
börn.
Gæti orðið
umhverfinu til
ávinnings
SKÓGARÞRASTARHJÓN nokkur
á Höfn í Hornafirði völdu sér
óvenjulegt hreiðurstæði á dög-
unum, eða ofan á póstkassa við að-
aldyr einbýlishúss við Austurbraut.
Hreiðurgerðin hófst að morgni
dags og síðdegis daginn eftir var
þessi myndarlega karfa tilbúin og
aðeins eftir að fóðra hana betur að
innan.
Að sögn Björns Arnarssonar,
fuglaáhugamanns á Höfn, höfðu
þrestirnir ekki orpið í byrjun vik-
unnar og hafði heimilisfólkið vissar
áhyggjur af því að ónæðið við
hreiðrið gæti fælt fuglana frá þeg-
ar síst skyldi. Á myndinni fær
Berglind Eva Eiríksdóttir, 4 ára, að
gægjast ofan í körfuna, en það er
móðir hennar, Svandís Gunn-
arsdóttir, sem aðstoðar hana.
Morgunblaðið/Guðmundur Guðjónsson
Þrastar-
óðal á
póstkassa
ÓHEIMILT hefur verið að hafa
nagladekk undir ökutækjum frá 15.
apríl sl. og er lögreglan farin að hafa
eftirlit með þessu. Lögreglan í
Reykjavík sektaði 31 ökumann fyrir
notkun nagladekkja í umferðinni í
fyrradag en þó var ekki um skipulagt
eftirlit að ræða. Á það að hefjast um
næstu mánaðamót.
Margir sekt-
aðir á nagla-
dekkjum
KOSIÐ verður í stjórn Félags
framhaldsskólanema (FF) á morg-
un, 27. apríl. Kjörgengi hafa nem-
endur innan nemendafélaga aðild-
arfélaga FF. Þá hefur hvert
nemendafélag eins atkvæðis rétt í
kosningunum, að undanskildu
nemendafélagi Verzlunarskóla Ís-
lands, sem ekki á aðild að FF.
Þegar hafa borist tilkynningar um
framboð í embætti innan stjórn-
arinnar. Kosið verður í sjö emb-
ætti; embætti formanns, gjaldkera,
ritara, ritara erlendra samskipta
og þriggja meðstjórnenda.
FF var stofnað árið 1987 sem
hagsmunafélag nemendafélaga
framhaldsskóla á höfuðborgar-
svæðinu. Að sögn Steinunnar Völu
Sigfúsdóttur, formanns FF, hefur
félagið undanfarin ár þróast til
hagsmunafélags fyrir hinn al-
menna framhaldsskólanema. „Þeir
sem sitja í framkvæmdastjórn FF
taka jafnframt þátt í ýmiss konar
nefndarstarfi,“ segir Steinunn
Vala. „Þeir eiga m.a. sæti í sam-
starfshópi menntamálaráðuneytis,
eiga samvinnu við Umboðsmann
barna, Heimili og skóla og taka
þátt í vinnu á sviði áfengis- og
vímuvarnarmála. Þá hefur FF
einnig tekið þátt í umræðu um
stofnun Foreldrafélaga í fram-
haldsskólunum. FF er því að
standa vörð um málefni af þessu
tagi. Svo má ekki gleyma því að
FF lét mjög til sín taka í löngu
verkfalli framhaldsskólakennara á
haustönn 2000.“
Studdi hækkun
sjálfræðisaldurs
Landsþing FF eru haldin 1-2
sinnum á námsönn og meðal þeirra
mála sem FF hefur komið að á
undanförum árum eru breytingar
á dreifbýlisstyrkjakerfi mennta-
málaráðuneytis, auk þátttöku við
undirbúning aðalnámsskrár.
„Félagið hefur líka komið inn í
umræðu um áfengis- og vímuvarn-
armál og hækkun sjálfræðisaldurs
í 18 ár,“ segir Steinunn Vala. „FF
studdi hækkun sjálfræðisaldurs en
hins vegar hafa framhaldsskólar
landsins meira eða minna klofnað í
tvær fylkingar, þ.e. ósjálfráða og
sjálfráða nemendur. Þetta hefur
haft ákveðin vandamál í för með
sér varðandi skóladansleiki. For-
eldrar létu í ljós óánægju með að
ósjálfráða börn þeirra væru að
fara á böll þar sem áfengi væri
haft um hönd. Lögreglan brást við
þessum röddum og boðaði hertar
aðgerðir þar að lútandi. Af þessum
sökum hefur sókn í hina hefð-
bundnu skóladansleiki minnkað og
jafnvel talið að þeir muni líða und-
ir lok, enda er erfitt og dýrt fyrir
nemendafélögin að fá nemendur 18
ára og eldri til að annast gæslu og
borga fyrir húsnæði og skemmti-
krafta.“
Kosið í stjórn Félags framhaldsskólanema 27. apríl
Hagsmunafélag
hins almenna fram-
haldsskólanema
♦ ♦ ♦
Ljósmynd/Björn Arnarsson