Morgunblaðið - 26.04.2001, Síða 10
FRÉTTIR
10 FIMMTUDAGUR 26. APRÍL 2001 MORGUNBLAÐIÐ
Fundur í Alþingi í dag, fimmtudag-
inn 26. apríl 2001, hefst kl. 10:30. Á
dagskrá fundarins eru eftirtalin
mál:
1. Samvinnufélög (rekstrarumgj.).
2. Samvinnufélög (innlánsdeildir).
3. Tekjuskattur og eignarskattur.
4. Rafrænar undirskriftir.
5. Stofnun hlutafélags um Orkubú
Vestfjarða.
6. Meðferð opinberra mála.
7. Fjárfesting erlendra aðila í at-
vinnurekstri.
8. Líftækniiðnaður.
9. Iðntæknistofnun.
10. Áhafnir íslenskra skipa.
11. Umferðarlög.
12. Ráðuneyti lífeyris, almanna-
trygginga og vinnumarkaðs-
mála.
13. Tekjuskattur og eignarskattur.
14. Húsaleigubætur.
15. Búfjárhald og forðagæsla o.fl.
16. Ofbeldisdýrkun og framboð of-
beldisefnis.
Auk þess er gert ráð fyrir um-
ræðu utan dagskrár kl. 13:30 um
stöðu erlends fiskverkafólks. Máls-
hefjandi: Karl V. Matthíasson.
Félagsmálaráðherra, Páll Péturs-
son, verður til andsvara.
SAMKOMULAG náðist í gær milli
stjórnarflokkanna um hvernig staðið
verður að sölu Landssímans. Sam-
gönguráðherra mun leggja fram
frumvarp um söluna á Alþingi í dag
og samkvæmt heimildum Morgun-
blaðsins er mikið kapp lagt á að hann
nái að mæla fyrir frumvarpinu á
morgun eða mánudag, svo það náist
fyrir nefndaviku í næstu viku.
Samkvæmt því frumvarpi sem lagt
verður fram í dag, er gert ráð fyrir að
49% af hlutafé ríkissjóðs í Landssím-
anum verði selt í fyrsta og öðrum
áfanga, þar af 14% til almennings,
10% til lítilla og meðalstórra hluthafa
og loks verður einum aðila seldur allt
að 25% hlutur. Gert er ráð fyrir að sá
aðili verði mjög öflugur, eða sk. kjöl-
festufjárfestir, og er gert ráð fyrir að
á síðari stigum geti viðkomandi eign-
ast allt að 10% hlutafjár í viðbót og því
átt allt að 35% hlutafjár í Símanum.
Naumur tími til stefnu
Frumvarp um sölu hlutafjár í
Landssímanum var afgreitt úr ríkis-
stjórn 3. apríl sl., en þá hafði það verið
til meðferðar í samgönguráðuneytinu
og í ríkisstjórn um langt skeið. Það
var fengið þingflokkum Sjálfstæðis-
flokks og Framsóknarflokks daginn
eftir og var afgreitt frá þingflokki
Sjálfstæðisflokksins samdægurs.
Hins vegar urðu tafir á afgreiðslu
framsóknarmanna á málinu og sam-
kvæmt heimildum Morgunblaðsins
voru sjálfstæðismenn orðnir nokkuð
uggandi vegna málsins, ekki síst þar
sem mjög naumur tími er til stefnu að
leggja frumvarpið fram í þinginu og
afgreiða það sem lög fyrir sumarfrí.
Áætluð þinglok eru 18. maí nk., en
inni í þeim tíma eru nefndadagar 2. til
7. maí og sk. eldhúsdagsumræður.
Sturla Böðvarsson samgönguráð-
herra viðurkennir að hann hafi verið
tekið að lengja eftir frumvarpinu, en
leggur áherslu á gott samkomulag
milli stjórnarflokkanna um málið og
hann sé ánægður með að geta lagt
það fyrir Alþingi.
„Ég mun mæla fyrir þessu frum-
varpi um leið og kostur er en það fer
ekki á milli mála að tíminn er knapp-
ur. Við verðum að halda vel á spöð-
unum,“ sagði hann.
Sturla segist búast við að taki
nokkurn tíma að afgreiða frumvarpið.
„Það verða eflaust nokkur átök, enda
er þetta stórt og mikið mál,“ sagði
Sturla og bætti við: „Það verður allt
kapp lagt á að ljúka málinu fyrir þing-
lok. Menn hafa áður séð stór frum-
vörp svona seint á ferðinni.“
Heimild til að
selja allt hlutaféð
Frumvarpið gerir ráð fyrir að rík-
isstjórnin fái heimild til að selja allt
hlutafé Landssímans en samkomulag
hefur náðst milli stjórnarflokkanna
um útfærslu á sölunni. Gert er ráð
fyrir að salan hefjist á þessu ári verði
frumvarpið að lögum á þessu þingi.
Framkvæmdanefnd um einkavæð-
ingu skilaði skýrslu um sölu Símans í
janúar og þar var lagt til að fyrsti
áfangi sölunnar færi fram í vor.
Nefndin lagði til að salan yrði í þrem-
ur áföngum. Í fyrsta áfanga verði 14%
af heildarhlutafé í félaginu selt til al-
mennings og starfsmanna. Jafnframt
verði smærri og meðalstórum fjár-
festum gefinn möguleiki á að bjóða í
stærri hluti, á bilinu 2–3% hverjum,
allt að 10% heildarhlutafjár. Fyrsti
áfangi fari fram vorið 2001 og jafn-
framt verði hlutabréfin skráð á Verð-
bréfaþingi Íslands.
Í öðrum áfanga lagði einkavæðing-
arnefndin til að leitað yrði eftir kjöl-
festufjárfesta í 25% heildarhlutafjár
og að salan færi fram á síðari hluta
árs 2001.
Nefndin lagði loks til að í þriðja og
síðasta áfanga yrði áhersla lögð á
dreifða sölu til almennings og fjár-
festa á íslenskum og erlendum mörk-
uðum. Gæti sú sala hafist á árinu
2002.
Framsóknarmenn lögðu fram
bókun við afgreiðslu málsins
Samkvæmt heimildum Morgun-
blaðsins urðu miklar umræður um
frumvarp samgönguráðherra í þing-
flokki Framsóknarflokksins enda vit-
að að málið væri viðkvæmt meðal al-
mennra flokksmanna. Þegar
þingflokkurinn samþykkti frumvarp-
ið svo fyrir sitt leyti í gær, var lögð
fram bókun þar sem undirstrikaðir
eru nokkrir þættir sem framsóknar-
menn leggja áherslu á varðandi sölu
hlutar ríkisins í fyrirtækinu.
Halldór Ásgrímsson, utanríkisráð-
herra og formaður Framsóknar-
flokksins, sagði við Morgunblaðið að
ekki hefði verið ósamkomulag milli
stjórnarflokkanna um sölu á Lands-
símanum, en framsóknarmenn hefðu
lagt áherslu á að staðið yrði þannig að
uppbygginu fjarskiptakerfisins að
sambærileg þjónusta verði veitt á
sambærilegu verði um land allt.
„Það liggur fyrir að styrkja þarf
fjarskiptanetið frekar til þess að þetta
verði tryggt. Til þess þarf auðvitað
fjármagn og það hefur verið sameig-
inlegt áhugamál margra innan flokk-
anna að setja þetta í forgang,“ sagði
Halldór.
Í bókun framsóknarmanna er enn-
fremur lögð áhersla á að styrkja þær
eftirlitsstofnanir sem fylgjast með
fjarskiptamarkaðnum, þ.e. Póst- og
fjarskiptastofnun og Samkeppnis-
stofnun. Halldór segir að enginn
ágreiningur sé milli flokkanna um það
mál og ekki heldur að gera þurfi sér-
stakt samkomulag á grundvelli til-
lagna einkavæðingarnefndar um það
hvenær meirihlutinn í fyrirtækinu
verði seldur og hvernig staðið verði að
þeirri sölu.
Eftirlitsstofnanir
verði styrktar
„Menn vilja gjarnan sjá að fyrir-
tækið sé á þeirri leið sem að var stefnt
áður en að þeirri sölu kemur,“ sagði
Halldór og benti einnig á að ganga
eigi eftir frá samkomulagi um hvernig
tekjum af sölu á Landssímanum og
fleiri ríkisfyrirtækjum verður ráð-
stafað.
Formaður Framsóknarflokksins
kvaðst fagna þeirri góðu samstöðu
sem væri milli stjórnarflokkanna um
þetta mál, en viðurkenndi um leið að
málið væri viðkvæmt innan hans eigin
flokks.
„Því er ekki að neita að lögð er á
það gífurleg áhersla að byggðirnar í
landinu geti staðið jafnfætis í fjar-
skiptamálum til frambúðar. Ef ákveð-
in byggðarlög búa við allt aðrar að-
stæður, getur áframhaldandi byggð
þar verið í hættu. Því er eðlillegt að
menn vilji sjá fyrir sér hver þróunin í
þessum málum verður. Hins vegar er
samkeppni orðin mikil á þessum
markaði og kominn rétti tíminn fyrir
ríkið að draga sig út úr þessum
rekstri. Um leið verður að tryggja að
málefni neytendanna verði áfram
tryggð, bæði hvað varðar verð og
þjónustu.“
Kostnaður við gagnaflutninga
lækkar stórlega
Sturla Böðvarsson lagði á það
áherslu að leyfisbréf það sem fylgi
Landssímanum setji fyrirtækinu
ákveðnar skorður. Áfram verði að
halda uppi ýmissi þjónustu, m.a. að
tryggja sama símagjald á landinu öllu
og sama verð fyrir tengingu á Netinu
um landið allt. Aukinheldur sé skilyrt
að kostnaður við gagnaflutninga
lækki stórlega og feli í sér sama verð
innan þéttbýlis allt staðar á landinu
og einnig milli þéttbýlisstaða.
„Þessi samningur er í raun bylting í
gagnaflutningum hér á landi og kem-
ur til móts við kröfur landsbyggðar-
innar,“ sagði Sturla.
Samgönguráðherra lagði áherslu á
að aðeins væri um heimild að ræða,
ekki þurfi að koma til sölu hlutafjár-
ins fyrr en skynsamlegt þykir. Þar
muni ráða aðstæður á markaði og
ástand almennt í efnahagslífinu, enda
sé ætlunin að ríkið fái sem mest fyrir
sinn hlut í þessari stærstu einkavæð-
ingu sem ráðist hefur verið í hér á
landi.
Þingflokkur Framsóknarflokksins afgreiddi frumvarp um sölu á Landssímanum í gær
Allt kapp lagt á að
koma málinu í gegn
fyrir þinglok
Morgunblaðið/Sverrir
Sturla Böðvarsson samgönguráðherra leggur frum frumvarp um sölu
Landssímans á Alþingi í dag.
FRUMVARP dómsmálaráðherra
til breytinga á almennum hegning-
arlögum var til umræðu undir liðn-
um um stjórn þingsins í upphafi
þingfundar í gær. Eins og greint
var frá í Morgunblaðinu í gær var
hart tekist á um frumvarpið á
þingfundi á þriðjudag og kom þá
fram sú skoðun minnihluta alls-
herjarnefndar og raunar fleiri
þingmanna stjórnarandstöðunnar
að það væri illa grundað og þyrfti
nánari skoðunar við.
Vildu vísa til nefndar milli
2. og 3. umræðu
Í frumvarpinu er gert ráð fyrir
að refsimörk vegna fíkniefnabrota
verði aukin úr tíu árum í tólf, í
ljósi þyngri dóma sem fallið hafa í
fíkniefnamálum að undanförnu.
Meirihluti allsherjarnefndar hefur
lagt til að frumvarpið verði sam-
þykkt og fór það því til atkvæða-
greiðslu eftir aðra umræðu í gær.
Fjölmargir þingmenn stjórnar-
andstöðu höfðu krafist þess að
málinu yrði vísað til nánari um-
sagnar í allsherjarnefnd milli 2. og
3. umræðu, svo unnt væri að ræða
efni þess nánar og m.a. kalla til
starfshóp sem fyrir nokkrum árum
var falið að kanna refsirammann í
afbrotum með almennum hætti.
Benti Lúðvík Bergvinsson, Sam-
fylkingunni, m.a. á að í umsögnum
um frumvarpið hefðu bæði Lög-
mannafélag Íslands og dómarar
lagst gegn efni þess.
Þorgerður Katrín Gunnarsdótt-
ir, formaður allsherjarnefndar,
lagðist hins vegar gegn því að
nefndin fengi málið aftur til með-
ferðar, en kvaðst myndu sjá til
þess að nefndarmönnum yrði gerð
grein fyrir störfum umrædds
starfshóps fyrir þriðju umræðu
málsins.
Alþingi á að senda
skýr skilaboð
Sólveig Pétursdóttir dómsmála-
ráðherra sagði blasa við að á síð-
ustu árum hefði orðið slík breyting
í fíkniefnabrotum hér á landi að
við því yrði að bregðast. Sagði hún
að Alþingi ætti að senda skýr
skilaboð út í þjóðfélagið og undir-
strika að fíkniefnabrot væru litin
alvarlegum augum.
Sólveig sagði ekki hægt að bíða
með breytingar á refsimörkum
vegna fíkniefnabrota eftir heildar-
endurskoðun á almennum hegn-
ingarlögum. Benti hún m.a. á að
fyrir nokkrum árum hefði heill
kafli um kynferðisbrot gegn börn-
um verið endurskoðaður. „Hvar
værum við nú stödd ef við hefðum
haldið að okkur höndum og beðið
eftir heildarendurskoðun,“ sagði
hún.
Í atkvæðagreiðslu um frumvarp-
ið gerðu fjölmargir stjórnarand-
stæðingar grein fyrir atkvæði sínu
og sögðust ætla að sitja hjá í at-
kvæðagreiðslunni í mótmælaskyni
við vinnubrögð stjórnarmeirihlut-
ans í þessu máli. Fór svo að frum-
varpið var samþykkt til þriðju um-
ræðu með 21 atkvæði, en 19
þingmenn greiddu ekki atkvæði.
23 þingmenn voru fjarstaddir.
Kröfu hafnað um skoðun á frumvarpi um breytingu á almennum hegningarlögum
Ekki hægt að bíða með
breytingar á refsimörkum