Morgunblaðið - 26.04.2001, Side 14
HÖFUÐBORGARSVÆÐIÐ
14 FIMMTUDAGUR 26. APRÍL 2001 MORGUNBLAÐIÐ
MIKLAR breytingar hafa
átt sér stað við Kópavogs-
höfn undanfarin misseri.
Bæði er um að ræða breyt-
ingar vegna framkvæmda við
höfnina sjálfa og hafnargarð-
inn auk þess sem margar
byggingar hafa verið reistar
á svæðinu.
Jóhannes Guðmundsson
hafnarvörður segir að á und-
anförnum tveimur árum hafi
verið byggðar átta nýjar
byggingar á svæðinu auk
þess sem verið sé að ljúka við
níu burstahús sem hafi verið
hugsuð sem verbúðahús en
útgerðaraðilar séu í þremur
þeirra. Fyrir einu og hálfu
ári hafi verið um 170 starfs-
menn á svæðinu en nú séu
töluvert yfir 200 manns í
vinnu þarna sem segi margt
um aukningu starfseminnar.
Hann segir að unnið sé á
fullu við að gera svæðið í
heild stöðugt aðgengilegra
og betra til allra hluta en
unnið hafi verið að mikilli
landfyllingu á undanförnum
árum. Búið er að malbika að-
keyrsluna að norðurgarðin-
um og lýsa upp svæðið en um
20 ljósastaurar hafa verið
settir þar upp á nýliðnum
vikum. Þrír bátar hafa verið
gerðir út frá Kópavogi en Jó-
hannes segir að í janúar hafi
ís gert þeim lífið leitt. Tveir
þeirra hafi því verið gerðir út
annars staðar síðan en stefnt
sé að því að bátar verði gerð-
ir í auknum mæli út frá
Kópavogi.
Norðurgarðurinn
lengdur
Á svæðinu eru nokkrar
fiskvinnslur sem kaupa fisk
af bátum og á fiskmörkuðum.
„Hér er fjölbreytt vinnsla,
þrjár nokkuð stórar vinnslur
og svo nokkrar minni,“ segir
Jóhannes. „Ein vinnur til
dæmis grálúðu og steinbít,
önnur er einkum í saltfiski og
svo framvegis.“
Miklar hafnarframkvæmd-
ir standa fyrir dyrum en
lengja á norðurgarðinn og
verður hann 170 metrar í
stað 95 m eins og hann er nú.
Í vetur hefur verið unnið við
að hlaða upp grjótgarð með
allri höfninni og er sú vinna
langt komin auk þess sem
skipt hefur verið um jarðveg
við höfnina fyrir malbikun,
en grjótið hefur komið úr
Smáranum í Kópavogi.
Í smábátahöfninni eru bás-
ar fyrir 54 báta og segir Jó-
hannes að í fyrra hafi höfnin
átt viðskipti við um 90 manns
vegna bátanna.
Á skömmum tíma hafa ris-
ið fjórar stórar skemmur á
svæðinu, sú stærsta um 5.000
fermetrar að stærð, en Jó-
hannes segir að hugmyndin
sé að hafnvæn starfsemi
verði í öllum byggingum á
svæðinu. Í því sambandi
nefnir hann aukna vöruflutn-
inga og auknar landanir
fiskiskipa, en átta metra dýpi
er við hafnargarðinn á fjöru.
„Augu manna hafa opnast
mjög mikið fyrir ýmsum
möguleikum sem hér eru til
staðar,“ segir Jóhannes og
bætir við að aldrei komi út-
hafsbára inn frá Faxaflóa
heldur aðeins vindbára. Því
sé innsiglingin mjög góð.
Gamall draumur
verður að veruleika
„Framsýnir menn sögðu
fyrir áratugum að hér væri
mjög góð aðstaða til hafna-
framkvæmda og byrjað var
að byggja vísi að höfn um
miðja nýliðna öld,“ segir Jó-
hannes, en lengi var höfnin
ekkert nema lítill steingarð-
ur. Hann er þarna enn en nú
í skjóli og við hann er sjó-
setningaraðstaða. „Þegar bú-
ið er að byggja grunninn og
fyrstu hæðina er ekki um
annað að ræða en ljúka við
húsið og hafnarsvæðið hérna
er komið á álíka stig – það á
bara eftir að ljúka byrjuðum
framkvæmdum,“ segir Jó-
hannes.
Höfnin hefur tekið
miklum breytingum
Morgunblaðið/Árni Sæberg
Jóhannes Guðmundsson, hafnarvörður í Kópavogi, á norðurgarðinum sem á að lengja. Í baksýn er grjótgarður í hleðslu
framan við burstahúsin, sem hugsuð voru sem verbúðarhús.
Kópavogur
ÁKVEÐIÐ hefur verið að
ganga til samninga við Berg-
brot ehf. vegna endurnýj-
unar á umhverfi við Hall-
grímskirkju á Skólavörðu-
holti en ekki var hægt að
taka tilboðum frá tveimur
lægstbjóðendum í fram-
kvæmdirnar. Gert er ráð
fyrir að heildarkostnaður
verði um 72 til 73 milljónir
króna og skiptist hann á
milli Reykjavíkurborgar,
ríkisvaldsins og kirkjunnar,
en framkvæmdum á að vera
lokið um miðjan október nk.
Fyrir nokkrum árum var
gengið frá torginu fyrir
framan Hallgrímskirkju, en
að sögn Sigurðar I. Skarp-
héðinssonar gatna-
málastjóra hafa frekari
framkvæmdir á umhverfinu
legið niðri þar til nú vegna
þess að fjárveitingar hafa
ekki verið til staðar.
Í þessum áfanga á að
ganga frá lóðinni vestan
kirkjunnar og bifreiðastæð-
um milli hennar og Eiríks-
götu. Áætlað er að um helm-
ingur kostnaðar falli innan
lóðar kirkjunnar og greiða
ríki og kirkjan tvo þriðju
hluta þess kostnaðar en
Reykjavíkurborg þriðjung
auk þess sem hún greiðir all-
an kostnað utan lóðar, þ.e. á
landi borgarinnar, eða sam-
tals um 49 milljónir.
Kostnaðaráætlun um-
rædds verks í haust sem leið
hljóðaði upp á 48,6 milljónir
og var þá gert ráð fyrir 30
millj. kr. framlagi frá borg-
inni og 16 milljónum frá rík-
inu auk framlags frá kirkj-
unni, en tilboð Bergbrots var
um 45 milljónir eða um
92,7% kostnaðaráætlunar.
Þá var verkið óhannað og
kostnaður vanmetinn, að
sögn Sigurðar, en til að brúa
bilið verða einhverjar til-
hliðranir og skorið niður í
öðrum verkum ef með þarf.
Sigurður segir að reynt sé
að sjá til þess að ekki sé var-
ið meiri fjármunum til
gatna- og holræsagerðar
heldur en áætlun segir til um
en heimilt að hliðra til milli
verka ef á þarf að halda.
Með samþykkt borgarráðs
í fyrradag var kominn á
bindandi samningur við
Bergbrot en gatnamálastjóri
lagði til að tveimur lægstu
tilboðunum yrði hafnað,
stjórnendur Hallgrímskirkju
voru sammála því og stjórn
Innkaupastofnunar lagði til
að tilboði Bergbrots yrði
tekið.
Átta tilboð bárust í verkið
og átti Windsor hf. lægsta
tilboðið, um 36 milljónir eða
73,15% kostnaðaráætlunar
frá því á liðnu hausti. Sig-
urður segir að gögn sýni
m.a.mjög lítinn rekstur fyr-
irtækisins árin 1999 og 2000
og varhugavert sé að láta
það fá eins mikið verk og um
ræðir.
Artic verktakar ehf. voru
með næstlægsta tilboðið, um
39 milljónir eða um 80% af
kostnaðaráætlun. Sigurður
segir að verktakinn hafi ekki
skilað umbeðnum gögnum
um fjárhagsstöðu og því hafi
hann dæmt sjálfan sig úr
leik.
Framkvæmdir á lóð Hallgrímskirkju
Áætlaður kostnað-
ur um 73 milljónir
Skólavörðuholt
Morgunblaðið/Ásdís
Frágangi við lóð og bílastæði við Hallgrímskirkju Eiríksgötumegin á að vera lokið um miðj-
an október í haust, en ákveðið hefur verið að ganga til samninga við Bergbrot um verkið.
TILBOÐ í byggingu fjölnota
íþróttahús sem reisa á í
Smáranum á íþróttasvæði
Breiðabliks voru opnuð á
þriðjudag en gert er ráð fyrir
að verkinu verði lokið 20.
janúar árið 2002. Um svokall-
að alútboð var að ræða en í
því felst að verktaki sér um
bæði hönnun og byggingu
hússins sem verður yfir nú-
verandi sandgrasvöll Breiða-
bliks ásamt tengibyggingu að
Smáranum. Einnig er gert
ráð fyrir að nota megi húsið
undir sýningar og samkomu-
hald fyrir allt að 4.000 manns.
Sex tilboð bárust í verkið
og kom lægsta tilboðið frá
Risi ehf og hljóðaði upp á
rúmar 294 milljónir. Hæsta
tilboðið var aftur á móti rúm-
ar 710 milljónir og kom frá
Vélsmiðjunni Gils ehf. Að
sögn Þórarins Hjaltasonar,
bæjarverkfræðings í Kópa-
vogi, var ekki gerð formleg
kostnaðaráætlun þar sem um
alútboð var að ræða og því
þurfi að taka tillit til fjölda
annarra þátta en upphæð til-
boðsins. Í framhaldinu mun
tæknideild Kópavogsbæjar
fara yfir tilboðin og bera þau
saman.
Grunnflötur knatthússins
sem byggja á er áætlaður
9.204 fermetrar og gerir
skipulag svæðisins ráð fyrir
að núverandi sandgrasvöllur
verði fluttur 10–15 metra til
suðurs og húsið komi þar yf-
ir. Tengibyggingin, sem á að
tengja saman knatthúsið og
Smárann, verður um 260 fer-
metrar að grunnfleti og er
því alls um tæplega 9.500 fer-
metra byggingu að ræða.
Tilboð opnuð í fjölnota íþrótta-
hús á æfingasvæði Breiðabliks
Rúmlega 400
milljóna mun-
ur á tilboðum
Smárinn
OFANLEITI var lokað um
stund vegna steypufram-
kvæmda við Háskólann í
Reykjavík nú í vikunni. Að
sögn Þorgríms Guðmunds-
sonar hjá umferðardeild lög-
reglunnar í Reykjvík eru
gefnar út svokallaðar fram-
kvæmdaheimildir þegar um
slíkar framkvæmdir er að
ræða.
Þar er tilgreint að leyfis-
hafi þurfi að láta slökkvilið og
Strætisvagna Reykjavíkur
vita af lokuninni. Hins vegar
er ekkert sem segir til um að
verktakinn þurfi að láta íbúa í
nágrenninu vita ef um
skammtímaframkvæmd er að
ræða.
„Þó mælumst við til þess
að verktakinn hafi samband
við íbúana ef fyrirvari er til
þess. Eins er gert ráð fyrir
því að lokunin sé tilhlýðilega
merkt og við reynum að
stuðla að því að það verði
ekki mikið rask fyrir íbúa
þegar slíkar framkvæmda-
heimildir eru gefnar út,“ seg-
ir Þorgrímur.
Morgunblaðið/Kristinn
Lokað vegna
framkvæmda
Háaleitishverfi