Morgunblaðið - 26.04.2001, Síða 22
LANDIÐ
22 FIMMTUDAGUR 26. APRÍL 2001 MORGUNBLAÐIÐ
Egilsstöðum - Í undirbúningi er
gerð rammaáætlunar um nýtingu
vatnsafls og jarðvarma á vegum rík-
isstjórnarinnar. Markmið áætlunar-
innar er að leggja mat á og flokka
virkjunarkosti, þ.e. bæði vatnsafl og
háhita. Verður það gert með tilliti til
orkugetu, hagkvæmni, áhrifa á nátt-
úrufar, náttúru- og menningarminja
og hagsmuna allra þeirra sem nýta
það sem að framan greinir.
Starfandi eru fjórir hópar undir
sérstakri verkefnisstjórn. Hlutverk
þeirra er að fara yfir virkjunarkosti,
hver frá sínum sjónarhóli, og senda
tillögur til verkefnisstjórnar. Þessir
hópar eru um náttúru- og minja-
vernd, útivist og hlunnindi, þjóð-
hagsmál, atvinnulíf, byggðaþróun
og orkulindir og eru í þeim öllum
sérfræðingar á viðkomandi fagsvið-
um.
Málstofa faghóps um útivist og
hlunnindi var haldin samtímis á Eg-
ilsstöðum, Akureyri og í Reykjavík
með fjarfundabúnaði.
Stefán Benediktsson hjá Náttúru-
vernd ríkisins stjórnaði umræðum.
Telja virkjunarmannvirki
óæskileg á ferðamannastöðum
Rögnvaldur Guðmundsson, ferða-
málafræðingur hjá Rannsóknum og
ráðgjöf ferðaþjónustunnar, greindi í
upphafi frá niðurstöðum rannsóknar
á viðhorfum ferðamanna á hálendi
Íslands. Að því er kemur fram í
þeim telur meirihluti ferðamanna að
virkjunarmannvirki séu óæskileg á
ferðamannastöðum hálendisins.
„Útlendingar og Íslendingar bera
þó mismunandi hug til vega,“ sagði
Stefán eftir að málstofunni lauk.
„Íslendingar vilja betri vegi en út-
lendingar gera aftur meiri kröfur til
þjónustu, svo sem til þess að geta
keypt helstu matvöru og bensín á
hálendinu.“
Þorleifur Þ. Jónsson, hagfræðing-
ur hjá Samtökum ferðaþjónustunn-
ar, sagði frá vinnu við að meta fram-
tíðargildi svæða fyrir
ferðamennsku. Hann velti upp
spurningunni um hversu margir
ferðamenn verða hér hugsanlega
eftir tuttugu ár. Þeir gætu orðið ein-
hvers staðar á bilinu 700 þúsund til
þrjár og hálf milljón talsins. Sagði
Þorleifur mikilvægt að íhuga hve
mörgum ferðamönnum við getum
tekið við á hverju svæði fyrir sig og
hvar við myndum setja þröskuld.
Guðrún Helgadóttir frá ferða-
málabraut Hólaskóla fjallaði um
þýðingu niðurstaðna viðhorfskönn-
unarinnar fyrir framtíðarstefnumót-
un á hálendinu. „Þarna kemur fram
á afgerandi hátt að aðspurðir eru
ekki fylgjandi virkjanamannvirkjum
og eru tiltölulega íhaldssamir hvað
varðar allar framkvæmdir á hálend-
inu,“ sagði Guðrún. „Vegna fyrirsjá-
anlegrar fjölgunar ferðamanna á
næstu árum, benti ég mjög ákveðið
á að við þyrftum að sýna mikla að-
gát. Hálendið er viðkvæmt og vant-
ar mikið upp á að það geti tekið við
þessari fjölgun ferðamanna miðað
við óbreytt ástand.
Með rammaáætlun um nýtingu
vatnsafls og jarðvarma er ætlunin
að leggja grunn að forgangsröðun
virkjunarkosta. Ýmsar stofnanir
koma að áætluninni, svo sem
Byggðastofnun, Náttúrufræðistofn-
un, Náttúruvernd ríksins, Orku-
stofnun, RALA og Veiðimálastofn-
un.
Landvernd er samráðsvettvangur
fyrir verkefnið. Upplýsingar um
áætlunina voru fengnar á heimasíðu
Landverndar; landvernd.is.
Hálendið tekur ekki við stór-
auknum fjölda að óbreyttu
Morgunblaðið/Steinunn Ásmundsdóttir
Ferðaþjónusta og fyrirhuguð mannvirkjagerð spyrt saman í upplýs-
ingaskilti Landsvirkjunar um Kárahnjúkavirkjun. Skiltið stendur við
Upplýsingamiðstöð ferðamála á Egilsstöðum.
Íslendingar vilja betri vegi á hálendinu
en útlendingar vilja kaupa þar mat og bensín
12 kepp-
endur úr
S-Þingeyj-
arsýslu
Húsavík - Stóra upplestrarkeppnin
var haldin í Safnahúsi Þingeyinga
nú nýlega, þetta var síðasta upp-
lestrarhátíðin af 26 sem haldnar
voru víðsvegar um land í mars-
mánuði.
Keppnin í ár er helguð evrópska
tungumálaárinu annars vegar og
hins vegar minningu Tómasar
Guðmundssonar í tilefni þess að
hann hefði orðið 100 ára 6. janúar
sl.
Lesarar lásu þýdd ævintýri, ljóð
eftir Tómas og ljóð að eigin vali,
lesararnir, sem eru í 7. bekk, voru
tólf talsins og komu frá barnaskól-
anum á Skútustöðum, barnaskól-
anum í Bárðardal, Hafralækjar-
skóla í Aðaldal og Borgarhólsskóla
á Húsavík. Eydís Lillý Egilsdóttir,
Borgarhólsskóla, sigraði í keppn-
inni, Steinunn Karlsdóttir, einnig í
Borgarhólsskóla, varð í öðru sæti
og Rán Guðmundsdóttir, Hafra-
lækjarskóla, hafnaði í þriðja sæti.
Þetta var hátíðleg samkoma sem
var vel sótt, nemendur úr Hafra-
lækjarskóla fluttu tónlistaratriði
sem og nemendur úr Tónlistar-
skóla Húsavíkur.
Keppendurnir tólf fengu allir
bókaverðlaun frá Eddu – miðlun
og útgáfu auk þess sem sigurveg-
ararnir fengu peningaverðlaun frá
Sparisjóði Suður-Þingeyinga.
Stóru upplestrarkeppn-
inni lauk á Húsavík
Neskaupstað - Verkmenntaskóli
Austurlands í Neskaupstað er fimm-
tán ára á þessu ári og notuðu nem-
endur og kennarar skólans sumar-
daginn fyrsta til að gera sér
dagamun í tilefni afmælisins, syngja
og snæða kökur.
Verkmenntaskóli Austurlands er
byggður á grunni gamla Framhalds-
skólans í Neskaupstað en árið 1986
var ákveðið að breyta fyrirkomulagi
skólans og gera hann að verk-
menntaskóla til að efla verkkennslu
á Austurlandi.
Um 180 nemendur stunda nú nám
við Verkmenntaskólann, sem þjónar
öllum Austfirðingum. Þar er hægt að
leggja stund á margs konar verklegt
og bóklegt nám og við skólann er
rúmgóð heimavist.
Verkmennta-
skóli Austur-
lands fimm-
tán ára
Morgunblaðið/Kristín Ágústsdóttir
Helga Steinsson skólameistari (t.h.) sker kökusneiðar handa nemendum.
Morgunblaðið/Kristín Ágústsdóttir
Þýskunemendur sungu afmælissöng fyrir skólann á þýsku.
Laugarvatni - Björgunarsveitin
Ingunn á Laugarvatni varð 20
ára á páskadag. Af því tilefni hélt
sveitin opið hús á annan í páskum
þar sem aðstaða, tól og tæki
sveitarinnar voru til sýnis. Er-
lendur Magnússon frá Línu-neti
færði sveitinni Tetra-bílstöð í til-
efni dagsins.
Heppileg
staðsetning
Að sögn Pálma Hilmarssonar
formanns eru 20 meðlimir í sveit-
inni, sem sinnir um 10 útköllum á
ári og milli 10 og 20 öðrum
beiðnum um aðstoð. Staðsetning
sveitarinnar á Laugarvatni gerir
það að verkum að hún er oftast
fyrst á staðinn þegar óhöpp
verða á svæðinu kringum Hlöðu-
fell og Skjaldbreið og því mjög
áríðandi að vera vel útbúin.
Sveitin hefur nú yfir að ráða
þremur vélsleðum og stórum
björgunarbíl auk tveggja björg-
unarbáta.
Mun nýja Tetra-stöðin verða
mikilvægur búnaður í bíl sveit-
arinnar.
Björgunarsveitin Ingunn
á Laugarvatni 20 ára
Fær Tetra-fjar-
skiptastöð að gjöf
Morgunblaðið/Kári Jónsson
Erlendur Magnússon frá Línu.Net færði Pálma Hilmarssyni, formanni
Ingunnar, Tetra-bílstöð í tilefni 20 ára afmælis björgunarsveitarinnar.