Morgunblaðið - 26.04.2001, Side 33
LISTIR
MORGUNBLAÐIÐ FIMMTUDAGUR 26. APRÍL 2001 33
Suzuki bílar eru alltaf á meðal
þeirra sparneytnustu
UM síðustu helgi var haldin ráð-
stefna um japanska menningu undir
yfirskriftinni Hlutinn og heildin í
Húsi verslunarinnar. Ráðstefnan var
haldin á vegum Íslensk-japanska
félagsins og Japönsku menningar-
miðstöðvarinnar, og er liður í því að
efla menningarleg tengsl milli Ís-
lands og Japan. Minoru Okazaki, að-
alritari sendiráðs Japans á Íslandi,
sem formlega verður opnað í vor, var
viðstaddur ráðstefnuna, en auk þess
sátu hana Ólafur B. Thors, aðalræð-
ismaður Japans, og eiginkona hans
Jóhanna Thors.
Mikill fjöldi sótti ráðstefnuna og
mátti greina mikinn áhuga meðal Ís-
lendinga um að kynnast nánar hinni
framandi menningu Japans. Sex fyr-
irlesarar fluttu erindi um ýmsa þætti
japanskrar menningar, auk þess sem
boðið var upp á skemmtiatriði og
japanskar veitingar.
Íslensk-japanska félagið hefur
starfað hér á landi um tuttugu ára
skeið. Í opnunarræðu sinni sagði for-
maður félagsins, Gunnhildur Gunn-
arsdóttir arkitekt, sem jafnframt er
stjórnarformaður Japönsku menn-
ingarmiðstöðvarinnar, ráðstefnuna
vera síðasta menningarviðburð sem
menningarmiðstöðin ætti hlutdeild í
þar sem starfsemin yrði innlimuð í
starfsemi sendiráðs þegar það tæki
formlega til starfa. Hún benti á að
með opnun sendiráðs Japans á Ís-
landi myndu tengsl þessara landa
enn aukast og ráðstefna þessi væri
mikilvægur liður í því starfi.
Fyrsti liður dagskrárinnar var er-
indi Auðuns Georgs Ólafssonar
stjórnmálafræðings, sem lýsti því
hvernig japönsk menning kom hon-
um fyrir sjónir er hann dvaldi þar
nýlega við nám. Gerði hann ekki síst
skilvirkni japansks samfélag að um-
ræðuefni og benti á hvernig þess má
hvarvetna sjá stað þegar dvalist er í
landinu.
Kristín Ísleifsdóttir myndlistar-
maður hélt að því búnu fyrirlestur
um japanska samtímahönnun. Lýsti
hún sögu og þróun hönnunar í Japan
og gerði einstökum hönnuðum skil,
og sýndi í því sambandi fjölmargar
myndskyggnur. Gunnhildur Gunn-
arsdóttir flutti greinargóðan fyrir-
lestur um þróun byggðar í Tókýó í
sögulegu samhengi. Sýndi hún m.a.
áhugaverð dæmi um hvernig greina
megi merki um byggðarskipulag for-
tíðar í nútímaborginni Tókýó og
fjallaði um samspil hefðbundins og
nútímalegs arkítektúrs í borginni.
Eftir hlé var sjónum beint að
hræringum í listum í Japan, og reið
Þorsteinn Jónsson kvikmyndagerð-
armaður á vaðið með fyrirlestur um
japanska kvikmyndagerð. Benti
hann á þau sérkenni sem finna má á
kvikmyndahefð Japana í samanburði
við vestræna hefð, og sýndi m.a brot
úr kvikmyndum eftir Yasujiro Ozu
og Akira Kurosawa. Stefán Baldur
Árnason bókmenntafræðingur flutti
því næst erindi um japanska rithöf-
undinn Haruki Murakami og póst-
módernisma í bókmenntum. Ræddi
hann jafnframt þá gagnrýni og
greiningu á japönsku nútímasam-
félagi sem liggur skrifum höfundar-
ins til grundvallar. Sagðist Stefán
Baldur, sem vinnur að meistararit-
gerð um efnið, hafa haft mikið gagn
af þeim fyrirlestrum sem hann hafði
hlýtt á á ráðstefnunni og tengdi
ýmsa fleti þess fróðleiks inn í eigin
fyrirlestur.
Björn Þór Vilhjálmsson bók-
menntafræðingur sem jafnframt var
skipuleggjandi ráðstefnunnar sló
botninn í dagskrá dagsins með fyr-
irlestri um myndasöguhefð Japana,
sem kennd er við Manga. Benti hann
m.a. á hversu veigamikinn sess
myndasagan skipar í japanskri
menningu, sem tengja megi mynd-
rænum eiginleikum japansks rit-
máls. Gunnhildur Gunnarsdóttir
sleit ráðstefnunni og lýsti ánægju
sinni á þeim áhuga sem sýndur hafði
verið dagskrá ráðstefnunnar fyrir
hönd Íslensk-japanska félagsins.
Hlutinn og heildin – ráðstefna um japanska menningu haldin í fyrsta sinn hér á landi
Morgunblaðið/Árni Sæberg
Fjöldi gesta sótti ráðstefnu um japanska menningu um síðustu helgi.
Mikill áhugi
meðal Íslendinga