Morgunblaðið - 10.06.2001, Síða 48

48 SUNNUDAGUR 10. JÚNÍ 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
TILEFNI þessara skrifa er ferð 5.
flokks drengja og stúlkna í hand-
bolta til Húsavíkur á Matbæjarmót-
ið, sem haldið var dagana 27.-30.
apríl sl.
Þetta árlega handknattleiksmót
Völsunga var nú haldið í 11. sinn, en
ásókn á mótið er mikil og hefur þurft
að vísa félögum frá.
Í ár mættu um 430 iðkendur til
leiks og um 70 þjálfarar og farar-
stjórar. Auk þess kom til Húsavíkur
fjöldi foreldra og áhangenda sem
mættu til að fylgjast með.
Augjóst er að mót sem þessi eru
mikil lyftistöng fyrir bæjarfélag sem
Húsavík, þegar 5-600 manns mæta á
svæðið og eyða tilheyrandi í mat og
aðra neysluvöru á staðnum.
Leikið var í íþróttahúsi staðarins
og var mótið mjög vel skipulagt og
gekk hratt og vel fyrir sig. Mótið
hófst kl. 15:00 föstudaginn 27. apríl
og mótsslit voru um kl. 15:30 mánu-
daginn 30. apríl. Leiknir voru um
116 leikir þessa fjóra daga.
Það gefur augaleið að koma þessa
stóra hóps til bæjarins kallar á góða
skipulagningu mótshaldara, mikið
gistirými og samvinnu allra aðila í
bæjarfélaginu.
Á mótum sem þessum er algengt
að iðkendur gisti í skólastofum á
staðnum, og sofi þar í svefnpokum á
gólfinu. Þannig var því einmitt hátt-
að með þann hóp sem undirritaðar
fóru með á mótið og gistum við með
tæplega 60 unglinga í Borgarhóls-
skóla. Slíkt fyrirkomulag er ágætt,
þar sem hvert lið hefur þá sína/sínar
skólastofur fyrir sig, enda fór mjög
vel um okkur þar.
Ástæða okkar skrifa er óánægja
okkar fararstjóra með það að hafa
þurft síðasta kvöldið að rýma skóla-
stofur sem við höfðum til afnota, og
flytja okkur í annað húsnæði.
Ástæða flutninganna var sú að
kennsla í Borgarhólsskóla átti að
hefjast skv. stundaskrá kl. 8 á mánu-
dagsmorguninn og fyrir þann tíma
þurftum við að vera búin að rýma og
þrífa stofurnar. Það þýddi í stuttu
máli það að við hefðum þurft að ræsa
þennan 60 manna hóp 13-14 ára ung-
linga í síðasta lagi kl. 6 um morg-
uninn, þannig að við hefðum náð að
koma krökkunum á fætur, láta þau
taka saman dótið sitt (vindsængur,
svefnpoka og annað dót), koma
dótinu út úr húsi, taka til og sópa
stofuna og raða upp borðum fyrir
skóladag kl. 8.
Í ljósi þess að hópurinn okkar var
búinn að eiga langa þriggja daga
keppni og átti fyrir höndum langan
mánudag – úrslitaleikir og síðan 7
klst. akstur til Reykjavíkur að
kveldi, var sú ákvörðun tekin að
þiggja boð mótsstjórnar um nýjan
gististað þessa síðustu nótt. Þannig
höfðum við líka einhvern samastað á
mánudeginum fram að brottför.
En vonbrigðin urðu mikil er við
mættum á nýja staðinn. Um var að
ræða stórt rými á efri hæð gamla
Kaupfélagshússins, sem augljóslega
hafði ekki verið í notkun lengi. Á
gólfum voru teppi sem báru þess
merki að þar hafði verið gengið um á
útiskóm. Dæmi nú hver fyrir sig
hversu kræsilegt það er að gista með
rúmlega 60 manns í svefnpokum á
gólfinu í rykugum og skítugum sal
með slík teppi á gólfum. Salernisað-
staða var heldur ekki upp á marga
fiska, tvö salerni fyrir allan þennan
hóp, svo það segir sig sjálft hvernig
ástandið var að morgni mánudags
þegar hópurinn fór á fætur.
Sem betur fer voru önnur lið ekki
eins óheppin og við með gistingu
þessa síðustu nótt. Mikill fjöldi hafði
gist í Borgarhólsskóla og ekki lágu
margir salir á lausu á Húsavík þessa
helgi. Fékk mótsstjórn því það erf-
iða hlutverk að útvega öllum þessum
hópi nýja gistiaðstöðu þessa síðustu
nótt.
Samkvæmt okkar upplýsingum
var það óhagganleg afstaða skólayf-
irvalda í Borgarhólsskóla að ekki
yrði á nokkurn hátt hnikað til
kennslu þennan eina dag, og því stóð
mótsstjórn frammi fyrir þessum til-
færingum og neyðarúrræðum varð-
andi nýja gististaði. Hefðu skólayfir-
völd einfaldlega leyft þessum hópum
að dvelja áfram í skólanum þennan
mánudag og hliðrað á einhvern hátt
til í kennslu hjá sér, þá hefðum við
unað vel við.
Við viljum taka það sérstaklega
fram að mótsstjórn stóð sig með
prýði í öllu því sem að henni laut og
gerði allt sem í hennar valdi stóð til
að gera okkur dvölina ánægjulega.
Enda var sökin ekki hennar að við
þyrftum að standa í þessum flutn-
ingum milli gististaða.
Getum við ekki annað en undrast
það viðhorf skólayfirvalda Borgar-
hólsskóla að geta ekki hliðrað örlítið
til varðandi skólahald þennan mánu-
dagsmorgun. Það hefði t.d. gert
gæfumuninn að þurfa ekki að rýma
stofur fyrr en kl. 10 um morguninn í
stað kl. 8.
Sérstaklega er þessi afstaða
skólastjórnar furðuleg þegar tekið
er tillit til þess að stór hluti skóla-
barna (yfir 30 börn) í viðkomandi
skóla var í leyfi þennan tiltekna dag,
þar sem þau tóku þátt í þessu Mat-
bæjarmóti.
Það er von okkar að skólayfirvöld
á Húsavík taki öðruvísi á málum á
komandi árum, þannig að þeir hópar
sem koma á Matbæjarmótið á næstu
árum geti dvalið í góðu yfirlæti í
skólastofum allan tímann.
Eins og fyrr sagði er mikil ásókn í
að taka þátt í þessu móti og þátttak-
endur bíða spenntir eftir að komast
norður í þessa ferð. Flest ef ekki öll
félög sem leikið hafa á Íslandsmóti í
handbolta voru á Húsavík þessa
daga, svo þarna eru flest sterkustu
lið landsins í þessum aldursflokki að
keppa.
Að endingu viljum við þakka kær-
lega fyrir okkur, mótsnefnd stóð sig
vel og maturinn var góður. Það verð-
ur örugglega Húsavíkur-hangikjöt á
borðum hjá okkur næstu jól!
GERÐUR KRISTJÁNSDÓTTIR,
SIGRÚN J. ÞÓRISDÓTTIR,
ÞÓRA HALLDÓRSDÓTTIR,
fararstjórar 5. flokks Fram.
Matbæjarmótið
á Húsavík
Frá Gerði, Sigrúnu og Þóru: