Morgunblaðið - 19.06.2001, Blaðsíða 15
AKUREYRI
16 ÞRIÐJUDAGUR 19. JÚNÍ 2001 MORGUNBLAÐIÐ
TRYGGVI Gíslason skólameistari
Menntaskólans á Akureyri gerði
stöðu landsbyggðar m.a. að umtals-
efni í skólaslitaræðu sinni og vitnaði
til orða Einars Benediktssonar í
Grettisbæli þar sem skáldið segir:
„Sekur er sá einn sem tapar,“
„En því nefni ég þetta að lands-
byggðarmenn, olnbogabörn sam-
félagsins, verða að læra að hjálpa sér
sjálfir,“ sagði Tryggvi og benti á að
nú hefðu skólarnir þrír, Háskólinn,
Menntaskólinn og Verkmenntaskól-
inn undirbúið sameiginlega kynn-
ingu á námsframboði, námsaðstöðu
og umhverfi skólanna og stæðu vonir
til að hún yrði unnin í samvinnu við
Akureyrarbæ. „Með því að vinna
saman – hjálpa sér sjálfir, bíða ekki
eftir því að upphefðin komi að sunn-
an – er unnt að efla Akureyri enn
sem skólabæ og sem barna- og fjöl-
skylduvænan bæ þar sem gott er að
búa,“ sagði Tryggi. Í þessum þremur
skólum stunduðu um 2500 nemendur
nám síðasta vetur.
Hann sagði að ávallt hefði þurfti
hugdirfsku til að berjast fyrir Akur-
eyri. „Því að Reykjavíkurvaldið –
hvar í flokki sem það er að finna –
hefur ávallt sýnt umbótum og fram-
förum úti á landi tómlæti,“ sagði
Tryggvi og benti á að síðasta dæmið
um sjálfumgleði Reykjavíkurvalds-
ins væri afstaðan í flugvallarmálinu.
Í henni hefði komið fram að valdhaf-
ar borgarinnar litu ekki á Reykjavík
sem höfuðborg allra landsmanna
heldur sjálfstætt borgríki sem þyrfti
að berjast fyrir sínu og teldu sig ekki
hafa skyldum að gegna við lands-
byggðina.
Þúsundir sitja eftir í fjötrum
„Engin röskun í íslensku þjóð-
félagi, engar náttúruhamfarir í sögu
landsins hafa haft viðlíka áhrif á
efnahag manna, afkomu og búsetu-
röskunin undanfarinn áratug, sem
margir líta á sem náttúrulögmál en
er í reynd móðuharðindi af manna-
völdum. Þúsundir manna flykkjast til
borgríkisins og þúsundir sitja eftir í
fjötrum þar sem eignir og bjargræði
hefur verið tekið frá þeim. Auðvitað
er ekki unnt að halda öllu landinu í
byggð, eins og það er kallað, en ef 90
af hundraði landsmanna búa á höf-
uðborgarsvæðinu eftir einn manns-
aldur, eins og allt virðist stefna í, er
fátækt Íslands orðin meiri en hún
hefur nokkru sinni verið.“
Landsbyggðin hjálpi sér sjálf
Tryggvi sagði fólk á landsbyggð-
inni vera að snúa vörn í sókn. „Fisk-
veiðistjórnunarkerfið, sem átti að
verða til þess að efla fiskistofna og
bæta afkomu manna, hefur lagt
heilar byggðir í auðn og skipti þjóð-
inni í andstæðar fylkingar. Nú er
kominn tími til að landsbyggðin
hjálpi sér sjálf. Þá er von til þess að
guðirnir fyrir sunnan hjálpi okkur,“
sagði Tryggvi og benti á að ný kjör-
dæmaskipan og ný samstaða ýtti
undir endurreisn landsbyggðarinn-
ar.
Morgunblaðið/Skapti Hallgrímsson
Tryggvi Gíslason, skólameistari Menntaskólans á Akureyri, í hópi nýstúdenta eftir brautskráningu 17. júní.
Tryggvi Gíslason, skólameistari MA, við brautskráningu
Landsbyggðin læri
að hjálpa sér sjálf
HIÐ árlega kvennahlaup ÍSÍ fór
fram í 12. skipti á laugardaginn,
bæði víða um land og á nokkrum
stöðum erlendis. Alls hlupu um
20.000 konur að þessu sinni. Veður
var mjög gott um mest allt land og
tókst atburðurinn í alla staði mjög
vel. Metþátttaka var á Akureyri að
þessu sinni en en þar hlupu um
1200 konur á öllum aldri, meðal
annars mæðgurnar á myndinni sem
eru að koma í mark á Ráðhústorgi.
Dóttirin hefur þegar fengið við-
urkenningarpening um hálsinn,
móðirin er að taka við sínum og
ekki fer á milli mála að sú stutta er
stolt af móðurinni og það hefur
örugglega verið gagnkvæmt. Morgunblaðið/Skapti Hallgrímsson
Stoltar
mæðgur
Morgunblaðið/Skapti Hallgrímsson
STARFSMAÐUR Akureyrar-
bæjar slapp algjörlega ómeiddur,
hlaut ekki einu sinni skrámur,
þegar dráttarvél, sem hann ók,
valt í talsverðum halla við Glerá,
skammt ofan stíflunnar í grennd
við Glerárskóla, í gærmorgun.
Hann var að slá spilduna, en ekki
vildi betur til en svo að dráttarvél-
in mun hafa hrokkið úr framdrifi
þarna í brekkunni með fyrr-
greindum afleiðingum. Talið er að
dráttarvélin sé nánast óskemmd,
nema hvað framrúða brotnaði.
Slapp ómeidd-
ur er drátt-
arvél valt
ALLS voru brautskráðir 127 ný-
stúdentar frá Menntaskólanum á
Akureyri á þjóðhátíðardaginn 17.
júní.
Stúlkur voru í miklum meirihluta
eða 90 talsins, 71%, og aðeins 29 pilt-
ar og er þetta hæsta hlutfall stúlkna
sem brautskráðst hafa frá Mennta-
skólanum á Akureyri. Nýstúdent-
arnir skiptust þannig að 8 voru af
eðlisfræðibraut, 39 af félagsfræði-
braut, 33 af málabraut, 44 af nátt-
úrfræðibraut, tveir af myndlistar-
braut og einn af tónlistarbraut.
Stúdentar frá Menntaskólanum á
Akureyri eru þar með orðnir 5.863.
Hæstu einkunn á stúdentsprófi
hlaut Hjálmar Stefán Brynjólfsson
frá Kristnesi, 9,2, en hann setti
einnig mikinn svip sinn á skólalífið í
vetur og var m.a. kjörinn ræðumað-
ur ársins í Morfís, mælskukeppni
framhaldsskólanna, og var í liði skól-
ans í keppninni Gettu betur sem
komst í úrslitakeppina að þessu
sinni.
Stefán Örn Stefánsson hlaut
hæstu einkunn í þriðja bekk, 9,9,
Anna Kristín Þórhallsdóttir í öðrum
bekk, 9,3 og Finnur Dellsén varð
hæstur í fyrsta bekk með 9,5 í ein-
kunn. Þau þrjú eru öll frá Akureyri.
Ekki samkomulag um neitt
sem kemur í stað verkfalla
Tryggvi sagði skólastarfið hafa
gengið vel í vetur þrátt fyrir verkfall,
en það hefði að sjálfsögðu sett mark
sitt á veturinn. „Verkfallsvopnið er
sannarlega tvíeggjað vopn og heyrir
ef til vill til liðinni tíð og úreltri
stéttabaráttu. Þó hefur enn ekki
náðst samkomulag um neitt sem
kemur í staðinn fyrir verkföll og
verkfallið í vetur færði kennurum
stórbætt kjör og hærri grunnlaun
svo að nú er kinnroðalaust hægt að
bjóða vel menntuðum og áhugasöm-
127 nýstúdentar brautskráðir frá
Menntaskólanum á Akureyri
Stúlkur aldrei
verið fleiri í
hópi stúdenta
Morgunblaðið/Skapti Hallgrímsson
Nýstúdentarnir brosa sínu breiðasta, að brautskráningu lokinni, á meðan ljósmyndarar sinna sínum störfum.
um kennurum þessi laun þótt ekki
séu þetta nein bankastjóralaun.
Kennarar hafa hins vegar með bar-
áttu sinni leyst misvitur stjórnvöld
úr skammarkróknum. Því að það er
skömm að bjóða kennurum og öðr-
um þeim sem annast umönnun fólks
lægstu laun. Umönnun fólks og
kennsla er göfugasta starfið sem
unnið er í þjóðfélaginu,“ sagði
Tryggvi.
Vopnið er þekking
Í ávarpi til nýstúdenta sagði hann:
„Ekki þarf að efa að ný öld, þar
sem þið eyðið allri starfsævi ykkar,
ungu stúdentar, verður mikið
framfaraskeið í sögu mannkyns, þótt
hætt sé við að hún verði einnig öld
öfga og óvissu á sama hátt og öldin
sem leið og raunar aldir frá upphafi
mannkynssögunnar. Margt bendir
til þess að við verðum áfram að horfa
máttvana upp á óskiljanleg grimmd-
arverk, glundroða, örbirgð og sið-
leysi. En hugsjónir okkar – hugsjón-
ir ykkar – mega ekki deyja þótt
árangur af hugsjónastarfsemi
manna virðist oft lítill og lífið bæði
óréttlátt og óskiljanlegt.“
Hann sagði að þrátt fyrir siðleysi
og örbirgð samtímans hefði heimur-
inn að sínum dómi aldrei verið betri.
Baráttan og umræðan um betra líf,
meira réttlæti, aukið lýðræði og víð-
tækari mannréttindi héldi áfram.
„Þið hafið hér í Menntaskólanum á
Akureyri fengið í hendur vopn til
þess að takast á við óvissa framtíð.
Vopnið er þekking, sem þið hafið öðl-
ast, leggið sjálf til vilja og skapandi
hugsun. Þá vinnst sigur.“