Morgunblaðið - 19.06.2001, Page 18
GENGIÐ hefur verið frá ráðningu
Ásmundar Stefánssonar, fram-
kvæmdastjóra rekstrarsviðs Íslands-
banka, í stöðu framkvæmdastjóra
Eignarhaldsfélags Alþýðubankans
frá 1. júlí nk. Ásmundur tekur við
starfi framkvæmdastjóra EFA af
Gylfa Arnbjörnssyni, sem hefur verið
ráðinn framkvæmdastjóri Alþýðu-
sambands Íslands. Ásmundur sagði í
samtali við Morgunblaðið, að þessi
möguleiki hefði komið upp þegar
Gylfi ákvað að færa sig yfir til Alþýðu-
sambandsins. Hann hafi á sínum tíma
sem forseti ASÍ, einnig verið stjórn-
arformaður EFA, þannig að hann hafi
tengsl við félagið frá fornu fari. Ás-
mundur segir að hann hafi unnið í
starfsmanna- og rekstarmálum í Ís-
landsbanka í rúm átta ár og kominn
tími til að breyta til.
Ásmundur tekur við starfi fram-
kvæmdastjóra EFA um næstu mán-
aðamót. Valur Valsson, bankastjóri
Íslandsbanka, mun taka við verkefn-
um Ásmundar hjá bankanum til
bráðabirgða.
EFA er skráð á aðallista VÞÍ og er
áætlað markaðsverðmæti félagsins
um 3,2 milljarðar króna.
Ásmundur
Stefánsson
til EFA
VIÐSKIPTI
MORGUNBLAÐIÐ ÞRIÐJUDAGUR 19. JÚNÍ 2001 19
LEIKFÉLAG Íslands hefur lokið
tökum á þremur sjónvarpsmyndum
fyrir Ríkissjónvarpið en með þeim
verkefnum markar félagið nýja
stefnu til frambúðar.
„Leikfélag Íslands hefur gert það
að markmiði sínu að yfirfæra
reynslu sína við að halda utan um
hið flókna ferli við þróun leiksýninga
frá hugmynd að fullbúinni afurð á
sviði, yfir á sjónvarpsmiðilinn og
reyna að skapa sér stöðu sem fram-
leiðandi leikins efnis í sjónvarpi til
frambúðar,“ segir Hallur Helgason
stjórnarformaður Leikfélags Ís-
lands.
Leikfélaginu var falið að fram-
leiða framangreindar þrjár sjón-
varpsmyndir eftir útboð á vegum
Sjónvarpsins. Myndirnar eru allar
sjálfstæðar en eiga það sameiginlegt
að þær gerast á ljósmyndastofu og
eru smásögur úr daglegu lífi ís-
lensku þjóðarinnar. Höfundar
myndanna eru Ingólfur Margeirs-
son, Jónína Leósdóttir og Árni Ib-
sen. Leikstjórar eru Hilmar Odds-
son, Sigurður Sigurjónsson og
Hallur Helgason. Tökum er nú lokið
og verða myndirnar tilbúnar með
haustinu.
Gat í markaðnum
Að sögn Halls lagði Sjónvarpið til
handrit myndanna, allan tækjabún-
að og mannskap sem honum fylgdi
en Leikfélagi Íslands var falið í kjöl-
far útboðsins að sjá um listræna
þáttinn; ráðningu leikstjóra, leikara
og skipulag framleiðslunnar auk frá-
gangs, klippingar, hljóðsetningar og
eftirvinnslu. Hann segir þetta gott
dæmi um það sem Leikfélagið sér-
hæfi sig nú í að gera.
„Við teljum að þarna sé gat í
markaðnum,“ segir Hallur og vísar
til þess að ekkert annað fyrirtæki
sérhæfi sig í listræna þættinum í
sjónvarpsmyndagerð. „Það er
kannski erfitt fyrir utanaðkomandi
að átta sig á því en í þessum geira
bjóða fyrirtæki gjarnan upp á
tæknilega þjónustu, s.s. upptökuað-
stöðu, ljós, vélar og úrvinnslu. Okk-
ar fyrirtæki ætlar að sérhæfa sig í
innihaldinu, þ.e. í því sem það hefur
þegar sannað sig í, að framleiða
vandað leikið efni. Það ætlar ekki að
sérhæfa sig endilega í tæknilegu
hliðinni þó svo að það hafi yfir að
ráða öllum þeim tækjabúnaði sem
þarf til að fullvinna slíkt efni.“
Hallur segir að allar áhorfskann-
anir bendi til þess að markaðurinn
vilji meira af frambærilegu íslensku
leiknu efni í sjónvarpi. „Þetta sést
best á því að allt slíkt efni, gott og
slæmt, fær með eindæmum gott
áhorf og vinsælasta erlenda sjón-
varpsefnið er alls kyns leiknar
þáttaraðir.“
Hann segir að Leikfélag Íslands
komi til með að nýta reynslu sína og
tæknilega getu til þess að bjóða upp
á íslenskar framhaldsþáttaraðir.
Hallur segir sjónvarp vera miðil
sem byggist á ákveðnu framhaldi
ólíkt kvikmyndum eða leiksýning-
um, „að þú getir séð þáttinn þinn á
sama tíma í hverri viku“. Leikfélag-
ið sjái fyrir sér gerð þáttaraða sem
gangi hálfu og heilu vetrardag-
skrárnar, jafnvel ár eftir ár ef vel
tekst til. Hann segir sápuóperur
einnig heyra þarna undir og það sé
einn hluti þess sem félagið hafi tekið
til skoðunar.
„Við teljum að það sé mikill skort-
ur á íslenskum leiknum þáttaröð-
um,“ segir Hallur en Leikfélagið á
nú í viðræðum um gerð framhalds-
þátta í samstarfi við Stöð 2.
Stefnt að samframleiðslu
með öðrum Evrópuþjóðum
Hvað afkomuþáttinn varðar
reikna forsvarsmenn Leikfélagsins
með því að íslensku sjónvarpsstöðv-
arnir verði þeirra helstu viðskipta-
vinir en einnig er stefnt að sam-
framleiðslu með öðrum Evrópu-
þjóðum. Jafnframt munu vera fyrir
hendi möguleikar á styrkjum til
slíkrar framleiðslu á innlendum og
erlendum grundvelli.
„Á grundvelli áhorfskannana
sjónvarpsstöðvanna frá því að þær
hófust, vitum við af eftirspurn neyt-
enda eftir þessu efni. Það sem virð-
ist hafa vantað upp á er að hvorki
sjónvarpsstöðvarnar né aðrir hafa
fundið leið til að fullnægja þeirri
þörf. Við ætlum að verða fyrst til að
ná góðum tökum á því.
Það er stöðugt að fjölga þeim leið-
um sem almenningur hefur til að
njóta myndefnis. Sjónvarpsstöðvar
sem ætla að lifa af í þessari harðn-
andi samkeppni verða að bjóða upp
á efni sem sprettur upp úr okkar
eigin raunveruleika og endurspeglar
hann, til þess að halda forystu,“ seg-
ir Hallur að lokum.
Leikfélag Íslands lýkur tökum á þremur sjónvarpsmyndum
Skortur á leiknum ís-
lenskum þáttaröðum
Verðbólga
í evrulönd-
um sú
hæsta í
átta ár
VERÐBÓLGA á ársgrund-
velli í evrulöndunum er nú
3,4% og hefur ekki verið
hærri síðan 1993 að því er
fram kemur á fréttavef BBC.
Frá apríl til maí hækkaði
verðbólgan úr 2,9% í 3,4%.
Þetta er í fyrsta skipti síðan
evran var tekin upp í janúar
1999 sem verðbólgan fer yfir
þrjú prósent. Verðbólgan er
mismunandi milli landa,
minnst í Frakklandi 2,5% en
mest í Hollandi 5,4%. Evr-
ópska seðlabankans bíður nú
það erfiða verkefni að sam-
hæfa peningamálastefnu
bankans fyrir evrulöndin.
Vaxtalækkun
ólíklegri nú en áður
Hagvöxtur í evrulöndunum
hefur farið minnkandi á árinu.
Áhyggjum veldur að svokölluð
kjarnaverðbólga sem mælir
verðlag án þess að taka tillit
til verðs á matvælum og elds-
neyti hækkar í öllum löndun-
um. Minnkandi hagvöxtur
kallar yfirleitt á lækkandi
vexti. Sérfræðingar segja að
ólíklegt sé nú að evrópski
seðlabankinn lækki vexti frek-
ar enda lækkaði bankinn vexti
í maí síðastliðnum. Aukning
verðbólgu er að mestu rakin
til lækkandi gengis evrunnar
sem veldur hækkunum á inn-
fluttum vörum.